ನಿಖಿಲ್ ಕುಮಾರ್ ನೂತನ ಚಿತ್ರಕ್ಕೆ ಮುಂಬೈನಿಂದ ಬಂದ ಬೆಡಗಿ ಈಕೆಯೇ.!

ಮುಂಬೈ ಬೆಡಗಿ ಕಾಶ್ಮೀರ ಪಾರ್ದೇಶಿ

ಕನ್ನಡ ಮತ್ತು ತೆಲುಗಿನಲ್ಲಿ ಏಕಕಾಲಕ್ಕೆ ಸಿದ್ಧವಾಗುತ್ತಿರುವ ನಿಖಿಲ್ ಕುಮಾರ್ ಅಭಿನಯದ ಚಿತ್ರಕ್ಕೆ ನಾಯಕಿ ಆಗಿ ಮುಂಬೈನಿಂದ ಬಂದಿರುವ ಬೆಡಗಿಯ ಹೆಸರು ಕಾಶ್ಮೀರ ಪಾರ್ದೇಶಿ.

ಯಾರು ಈ ಕಾಶ್ಮೀರ ಪಾರ್ದೇಶಿ.?

ಮುಂಬೈನಲ್ಲಿ ಹುಟ್ಟಿ ಬೆಳೆದ 23 ರ ಹರೆಯದ ನಟಿ ಕಾಶ್ಮೀರ ಪಾರ್ದೇಶಿ. ಈಗಾಗಲೇ 'ನರ್ತನಶಾಲಾ', 'ಮಿಶನ್ ಮಂಗಲ್' ಮುಂತಾದ ಚಿತ್ರಗಳಲ್ಲಿ ಅಭಿನಯಿಸಿರುವ ಕಾಶ್ಮೀರ ಪಾರ್ದೇಶಿ ಇದೀಗ ನಿಖಿಲ್ ಕುಮಾರ್ ಜೊತೆಗಿನ ಚಿತ್ರದ ಮೂಲಕ ಕನ್ನಡ ಚಿತ್ರರಂಗಕ್ಕೆ ಪದಾರ್ಪಣೆ ಮಾಡುತ್ತಿದ್ದಾರೆ.

ಸಿನಿಮಾದಲ್ಲಿ ಇಬ್ಬರು ನಾಯಕಿಯರು

ವಿಜಯ್ ಕುಮಾರ್ ಕೊಂಡ ನಿರ್ದೇಶನದ ಈ ಚಿತ್ರದಲ್ಲಿ ನಿಖಿಲ್ ಗೆ ಇಬ್ಬರು ನಾಯಕಿಯರು ಇದ್ದಾರೆ. ಮೊದಲನೇ ನಾಯಕಿಯಾಗಿ ಕಾಶ್ಮೀರ ಪಾರ್ದೇಶಿ ಕಾಣಿಸಿಕೊಂಡರೆ, ಎರಡನೇ ನಾಯಕಿಯಾಗಿ ಕಿರುತೆರೆ ನಟಿ ಸಂಪದ ಅಭಿನಯಿಸಲಿದ್ದಾರೆ. ಜೊತೆಗೆ ದತ್ತಣ್ಣ, ಶಿವರಾಜ್.ಕೆ.ಆರ್.ಪೇಟೆ, ರಾಜೇಶ್, ಬೇಬಿ ಪ್ರಾಣ್ಯ ಕೂಡ ಚಿತ್ರದ ತಾರಾಗಣದಲ್ಲಿದ್ದಾರೆ.

ಅರ್ಜುನ್ ಜನ್ಯ ಮ್ಯೂಸಿಕ್

ಈ ಸಿನಿಮಾದಲ್ಲಿ ಬಾಸ್ಕೆಟ್ ಬಾಲ್ ಪ್ಲೇಯರ್ ಆಗಿ ನಿಖಿಲ್ ಕುಮಾರ್ ಮಿಂಚಲಿದ್ದಾರೆ. ಲಹರಿ ಅಡಿಯೋ ಸಂಸ್ಥೆ ಬಂಡವಾಳ ಹಾಕುತ್ತಿರುವ ಈ ಚಿತ್ರಕ್ಕೆ ಅರ್ಜುನ್ ಜನ್ಯ ಸಂಗೀತ ಸಂಯೋಜಿಸಲಿದ್ದಾರೆ.