ಕಿಚ್ಚ ಸುದೀಪ್ 'ಟ್ವಿಟ್ಟರ್'ಗೆ ಬರಲು ಆ 'ಒಬ್ಬ' ನಟ ಕಾರಣ?

ಅಂದು ಮುಂಬೈನಲ್ಲಿ ಶೂಟಿಂಗ್

ಒಂದು ಚಿತ್ರದ ಚಿತ್ರೀಕರಣಕ್ಕಾಗಿ ಸುದೀಪ್ ಮುಂಬೈನಲ್ಲಿದ್ದರು. ಆಗ ಸುದೀಪ್ ಜೊತೆ ಅವರ ಗೆಳೆಯರೊಬ್ಬರು ಇದ್ದರು. ಅವರ ಕಾರಿನಲ್ಲೇ ಹೋಟೆಲ್ ಗೆ ಸುದೀಪ್ ಹೋಗುತ್ತಿದ್ದರು. ಆ ಸಂದರ್ಭದಲ್ಲಿ ಈ ಟ್ವಿಟ್ಟರ್ ಬಗ್ಗೆ ಚರ್ಚೆಯಾಯಿತು.

ನಿನ್ನ ಟ್ವಿಟ್ಟರ್ ಖಾತೆ ಏನು..?

ಕಾರಿನಲ್ಲಿ ಸುದೀಪ್ ಅವರ ಗೆಳೆಯ ತನ್ನ ಮೊಬೈಲ್ ನಲ್ಲಿ ತುಂಬ ಬಿಜಿಯಾಗಿದ್ದರು. ಏನೋ ಗಂಭೀರವಾದ ವಿಷಯದ ಬಗ್ಗೆ ಹುಡುಕುತ್ತಿರಬಹುದು ಎಂದು ಸುದೀಪ್ ಸುಮ್ಮನಿದ್ದರು. ಆದ್ರೆ, ಕೆಲ ಸಮಯದ ನಂತರ ಆ ಗೆಳೆಯ ಸುದೀಪ್ ಅವರನ್ನ ಕೇಳಿಯೇ ಬಿಟ್ಟರು. ''ನಿನ್ನ ಟ್ವಿಟ್ಟರ್ ಖಾತೆ ಏನು'' ಎಂದು.....

ಒಂದು ಕ್ಷಣ ಚಿಕಿತರಾದ ಸುದೀಪ್

''ನಿನ್ನ ಟ್ವಿಟ್ಟರ್ ಖಾತೆ ಏನು''....? ಎಂದು ಗೆಳೆಯ ಕೇಳುತ್ತಿದ್ದಂತೆ ಸುದೀಪ್ ಚಿಕಿತರಾದರಂತೆ. ಏನಿದು ಟ್ವಿಟ್ಟರ್ ಎಂದು ಯೋಚಿಸಿತ್ತಾ ಕೂತರಂತೆ. ಕೊನೆಗೂ ''ಟ್ವಿಟ್ಟರ್ ಖಾತೆನಾ...! ಹಾಗಂದರೇನು?'' ಎಂದು ಗೆಳೆಯನನ್ನ ಸುದೀಪ್ ಕೇಳಿ ಬಿಟ್ಟರಂತೆ.

ಸುದೀಪ್ ಗೆ ಟ್ವಿಟ್ಟರ್ ಬಗ್ಗೆ ತಿಳಿಸಿದ ಗೆಳೆಯ

ಸುದೀಪ್ ಅವರಿಗೆ ಟ್ವಿಟ್ಟರ್ ಬಗ್ಗೆ ಗೊತ್ತಿಲ್ಲದ ವಿಚಾರ ತಿಳಿದ ಆ ಗೆಳೆಯ, ಸುದೀಪ್ ಅವರಿಗೆ ಟ್ವಿಟ್ಟರ್ ಬಗ್ಗೆ ಹೇಳಿಕೊಟ್ಟರಂತೆ. ಟ್ವಿಟ್ಟರ್ ನಿಂದ ಹೇಗೆ ಸಂಪರ್ಕದಲ್ಲಿರಬಹುದು ಎಂಬುದರ ಬಗ್ಗೆ ತಿಳಿಸಿಕೊಟ್ಟರಂತೆ. ಇಲ್ಲಿಂದ ಸುದೀಪ್ ಅವರು ಟ್ವಿಟ್ಟರ್ ಲೋಕಕ್ಕೆ ಪರಿಚಯವಾದರು.

ಸುದೀಪ್ ಗೆ ಟ್ವಿಟ್ಟರ್ ಹೇಳಿಕೊಟ್ಟ ಆ ಗೆಳೆಯ?

ಅಂದ್ಹಾಗೆ, ಸುದೀಪ್ ಅವರಿಗೆ ಟ್ವಿಟ್ಟರ್ ಬಗ್ಗೆ ತಿಳಿಸಿಕೊಟ್ಟ ಆ ಗೆಳೆಯ ಬಾಲಿವುಡ್ ನ ಸ್ಟಾರ್ ನಟ ರಿತೇಶ್ ದೇಶ್ ಮುಖ್.

ಧನ್ಯವಾದ ಹೇಳಿದ ಸುದೀಪ್

ಸುದೀಪ್ ಅವರ ಫಾಲೋವರ್ಸ್ ಒಂದು ಮಿಲಿಯನ್ ದಾಟುತ್ತಿದ್ದಂತೆ, ತನಗೆ ಟ್ವಿಟ್ಟರ್ ಬಗ್ಗೆ ಪರಿಚಯ ಮಾಡಿಕೊಟ್ಟ ರಿತೇಶ್ ದೇಶ್ ಮುಖ್ ಅವರಿಗೆ ವಿಶೇಷವಾದ ಧನ್ಯವಾದಗಳನ್ನ ತಿಳಿಸಿದ್ದಾರೆ. ಸುದೀಪ್ ಅವರ ಧನ್ಯವಾದಕ್ಕೆ ರಿತೇಶ್ ಕೂಡ ಪ್ರತಿಕ್ರಿಯಿಸಿದ್ದು, ಸಂತಸ ವ್ಯಕ್ತಪಡಿಸಿದ್ದಾರೆ.