ಕಿಚ್ಚ ಸುದೀಪ್ 'ನಾಗರಹಾವು' ಚಿತ್ರವನ್ನ ಯಾವುದಕ್ಕೆ ಹೋಲಿಸಿದ್ರು.?

ನಾಗರಹಾವು ಅಂದ್ರೆ ಮಹಾನ್ ವ್ಯಕ್ತಿ

''ನಾಗರಹಾವು ಅಂದಾಕ್ಷಣ ನನಗೆ ಒಬ್ಬ ಮಹಾನ್ ವ್ಯಕ್ತಿ ನೆನಪಾಗ್ತಾರೆ. ಆ ವ್ಯಕ್ತಿಯ ಹೆಸರು ಹೇಳೋದೆ ಬೇಡ. ಆ ಇತಿಹಾಸ ಸೃಷ್ಟಿಯಾದಾಗ ನಾವಿನ್ನು ಹುಟ್ಟಿರಲಿಲ್ಲ.ಚಿಕ್ಕ ವಯಸ್ಸಿನಲ್ಲಿ ಸಿನಿಮಾ ನೋಡ್ತಿದ್ರಿ. ಆಗ ತೆರೆ ಮೇಲೆ ವಿಷ್ಣು ಸರ್ ಪರಿಚಯ ಆಯ್ತು. ಆಮೇಲೆ ಅವರ ಬಗ್ಗೆ ಕುತೂಹಲ ಮೂಡಿತು. ನಂತರ ನಾಗರಹಾವು ಸಿನಿಮಾ ನೋಡಿದ್ದು '' - ಸುದೀಪ್

ಈಗ ನೆನಸಿಕೊಂಡ್ರು ಅಚ್ಚರಿಯಾಗುತ್ತೆ

''ಪುಟ್ಟಣ್ಣ ಕಣಗಾಲ್ ಅವರ ಚಿತ್ರಕಥೆಯಲ್ಲಿ ಹುಟ್ಟಿರುವ ಪಾತ್ರವಿದು. ಯಾವ ಧೈರ್ಯದಿಂದ ಅಂದು ಒಬ್ಬ ಹೊಸ ಹುಡುಗನಿಗೆ ಅವಕಾಶ ಕೊಟ್ರು, ಈ ಪಾತ್ರ ನಿಭಾಯಿಸಲು ಆ ಹೊಸ ಹುಡುಗನಿಗೆ ಎಷ್ಟು ತೂಕವಿತ್ತು ಅನ್ನೋದು ಈಗ ನೆನಸಿಕೊಂಡ್ರೆ ಅಚ್ಚರಿಯಾಗುತ್ತೆ'' - ಸುದೀಪ್

ರಾಮಾಯಣ, ಮಹಾಭಾರತದಂತೆ ಶ್ರೇಷ್ಠ

''ನಮ್ಮ ಚಿತ್ರರಂಗದಲ್ಲೊಂದು ದೊಡ್ಡ ಇತಿಹಾಸ. ಅದನ್ನ ರೀ-ಪ್ಲೇಸ್ ಮಾಡ್ತೀವಿ ಅಂದ್ರೆ ಆಗಲ್ಲ, ಅದನ್ನ ಅಳಿಸ್ತೀವಿ ಅಂದ್ರೆ ಆಗಲ್ಲ. ಅದನ್ನ ಏನೂ ಮಾಡೋಕೆ ಆಗಲ್ಲ. ಸುಮ್ಮನೆ ನೋಡ್ಬೇಕು, ಬಿಡ್ಬೇಕು ಮನೆಗೆ ಹೋಗ್ಬೇಕು. ರಾಮಾಯಣ, ಮಹಾಭಾರತ ಎಷ್ಟು ಶ್ರೇಷ್ಠನೋ ಇವತ್ತಿಗೂ ಆ ಸ್ಕ್ರಿಪ್ಟ್ ಅಷ್ಟು ಶ್ರೇಷ್ಠ ಅನಿಸುತ್ತೆ'' - ಸುದೀಪ್

ಈ ಚಿತ್ರದಿಂದ ಲೆಜೆಂಡ್ ಹುಟ್ಟಿದ್ರು

''ಒಬ್ಬ ಅಂಬರೀಶ್ ಅವರನ್ನ ಹುಟ್ಟಿಹಾಕ್ತು, ವಿಷ್ಣು ಸರ್ ಅವರನ್ನ ಎಲ್ಲಿಗೋ ಕರೆದುಕೊಂಡು ಹೋಯಿತು. ಪುಟ್ಟಣ್ಣ ಕಣಗಾಲ್ ಅವರ ದಿಲ್ ಧೈರ್ಯ ಏನಂತ ತೋರಿಸಿತು. ಕೆ.ಎಸ್ ಅಶ್ವತ್ಥ್ ಕೊನೆಯಲ್ಲಿ ನೋಡಿದ್ರೆ ಅವರು ಹೀರೋ ಆಗೋದ್ರು'' - ಸುದೀಪ್.

ನನ್ನ ಕುಟುಂದ ಜೊತೆ ನೋಡ್ತೀನಿ

''ಪ್ರತಿಯೊಬ್ಬರ ಜೀವನದಲ್ಲೂ ಆ ತರ ಒಬ್ರು ಮೇಷ್ಟ್ರ ಇದ್ರೆ ಚೆಂದ. ಯಾವ ಸಿನಿಮಾದಲ್ಲೂ ಶಿಷ್ಯ ಮತ್ತು ಮೇಷ್ಟ್ರು ಸಂಬಂಧವನ್ನ ಈ ಮಟ್ಟಕ್ಕೆ ಕೈಹಾಕಿಲಿಲ್ಲ. ನನ್ನ ಕುಟುಂದವರ ಜೊತೆ ಇನ್ನೊಂದು ಈ ಸಿನಿಮಾ ನೋಡೋಕೆ ಖುಷಿಯಾಗ್ತಿದೆ.'' - ಸುದೀಪ್