'ಕಿರಿಕ್ ಪಾರ್ಟಿ' ಚಿತ್ರದ ರೀಮೇಕ್ ರೈಟ್ಸ್ ಗೆ ಅಷ್ಟೊಂದು ಬೆಲೆಯೇ.? ಅಬ್ಬಬ್ಬಾ.!

ದಾಖಲೆ ಬೆಲೆಗೆ ಸೇಲ್ ಆಗಿದೆ 'ಕಿರಿಕ್ ಪಾರ್ಟಿ' ರೀಮೇಕ್ ರೈಟ್ಸ್

ಕರ್ನಾಟಕ ರಾಜ್ಯದಲ್ಲಿ ಯಶಸ್ವಿ ಪ್ರದರ್ಶನ ಕಂಡ 'ಕಿರಿಕ್ ಪಾರ್ಟಿ' ಸಿನಿಮಾದ ರೀಮೇಕ್ ರೈಟ್ಸ್ ದಾಖಲೆ ಬೆಲೆಗೆ ಸೇಲ್ ಆಗಿದೆ. ಆ ದಾಖಲೆ ಬೆಲೆ ಎಷ್ಟು ಅಂತ ಕೇಳಿದರೆ, ನೀವು 'ಅಬ್ಬಬ್ಬಾ..!' ಎಂದು ಬಾಯಿ ಮೇಲೆ ಬೆರಳಿಡುವುದು ಗ್ಯಾರೆಂಟಿ.

ದಾಖಲೆ ಮೊತ್ತ ಎಷ್ಟು ಅಂದ್ರೆ...

ಸುಮಾರು ಎರಡು ಕೋಟಿ ರೂಪಾಯಿಗೆ 'ಕಿರಿಕ್ ಪಾರ್ಟಿ' ಚಿತ್ರದ ರೀಮೇಕ್ ಹಕ್ಕುಗಳು ಸೇಲ್ ಆಗಿದೆ. ಈ ಬಗ್ಗೆ ಚಿತ್ರತಂಡ ಕೂಡ ಫುಲ್ ಖುಷಿ ಆಗಿದೆ.

ಮೂರು ಭಾಷೆಗಳಿಗೆ ರೀಮೇಕ್ ರೈಟ್ಸ್ ಸೇಲ್

ಹಿಂದಿ, ತೆಲುಗು ಹಾಗೂ ತಮಿಳು ಭಾಷೆಗಳಿಗೆ 'ಕಿರಿಕ್ ಪಾರ್ಟಿ' ಚಿತ್ರದ ರೀಮೇಕ್ ರೈಟ್ಸ್ ಬಿಕರಿ ಆಗಿದೆ. ಈ ಮೂರು ಭಾಷೆಗಳಿಂದ ಸುಮಾರು ಎರಡು ಕೋಟಿ ರೂಪಾಯಿ 'ಪರಂವಾ' ಸ್ಟುಡಿಯೋ ಅಕೌಂಟ್ ಗೆ ಸೇರಿದೆ.

ಮೊದಲ ಸಿನಿಮಾ

ಹಾಗ್ನೋಡಿದ್ರೆ, 'ಪರಂವಾ ಸ್ಟುಡಿಯೋ' ಅಡಿ ನಿರ್ಮಾಣವಾದ ಮೊದಲ ಸಿನಿಮಾ 'ಕಿರಿಕ್ ಪಾರ್ಟಿ'. ಮೊದಲ ಚಿತ್ರವೇ ಈ ಮಟ್ಟದ ಯಶಸ್ಸು ಗಳಿಸಿರುವುದರಿಂದ, ಇನ್ಮುಂದೆಯೂ ಸದಭಿರುಚಿಯ ಚಿತ್ರಗಳನ್ನ 'ಪರಂವಾ ಸ್ಟುಡಿಯೋ' ಅಡಿ ನಿರ್ಮಾಣ ಮಾಡುವ ಆಶಯ ರಕ್ಷಿತ್ ಶೆಟ್ಟಿ ರವರಿಗಿದೆ.