ಪಾಕಿಸ್ತಾನದಲ್ಲಿ ಈ ವರ್ಷ ಅತಿ ಹೆಚ್ಚು ಸದ್ದು ಮಾಡಿದ ಭಾರತೀಯ ಚಿತ್ರ ಯಾವುದು?

ಸಲ್ಮಾನ್ ಖಾನ್ 'ರೇಸ್-3'

ಸಲ್ಮಾನ್ ಖಾನ್, ಅನಿಲ್ ಕಪೂರ್, ಜಾಕ್ವಲೀನ್ ಫರ್ನಾಂಡೀಸ್, ಬಾಬಿ ಡಿಯೋಲ್, ಡೈಸಿ ಶಾ ಅಭಿನಯದ 'ರೇಸ್-3' ಸಿನಿಮಾ, ಪಾಕಿಸ್ತಾನದಲ್ಲಿ ಹೆಚ್ಚು ಸರ್ಚ್ ಆಗಿದೆ. ಜೂನ್ 15, 2018ರಂದು ಈ ಸಿನಿಮಾ ಜಗತ್ತಿನಾದ್ಯಂತ ಬಿಡುಗಡೆಯಾಗಿತ್ತು.

'ಸಂಜು' ಮೆಚ್ಚಿದ ಪಾಕಿಗಳು

ಸಂಜಯ್ ದತ್ ಬಯೋಪಿಕ್ ಸಿನಿಮಾ ಸಂಜು ಚಿತ್ರದ ಬಗ್ಗೆಯೂ ಪಾಕ್ ಪ್ರಜೆಗಳು ಹೆಚ್ಚು ಹುಡುಕಿದ್ದಾರೆ. ಈ ಚಿತ್ರದಲ್ಲಿ ಸಂಜಯ್ ದತ್ ಅವರ ವೈಯಕ್ತಿಕ ಜೀವನದ ಹಲವು ವಿಷ್ಯಗಳನ್ನ ತೋರಿಸಲಾಗಿತ್ತು. ರಾಜ್ ಕುಮಾರ್ ಹಿರಾನಿ ನಿರ್ದೇಶನ ಮಾಡಿದ್ದ ಈ ಚಿತ್ರದಲ್ಲಿ ರಣ್ಬೀರ್ ಕಪೂರ್, ಸಂಜಯ್ ದತ್ ಪಾತ್ರ ನಿರ್ವಹಿಸಿದ್ದರು.

ಟೈಗರ್ ಜಿಂದಾ ಹೈ

2012ರಲ್ಲಿ ಬಿಡುಗಡೆಯಾಗಿದ್ದ ಏಕ್ತಾಟೈಗರ್ ಸಿನಿಮಾದ ಮುಂದುವರೆದ ಭಾಗ ಟೈಗರ್ ಜಿಂದಾ ಹೈ ಸಿನಿಮಾ 2017ರ ಡಿಸೆಂಬರ್ ನಲ್ಲಿ ರಿಲೀಸ್ ಆಗಿತ್ತು. ಹಾಗಿದ್ದರೂ ಈ ವರ್ಷ ಈ ಸಿನಿಮಾದ ಬಗ್ಗೆ ಪಾಕಿಸ್ತಾನದಲ್ಲಿ ಹೆಚ್ಚು ಜನ ಹುಡುಕಿದ್ದಾರೆ. ಸಲ್ಮಾನ್, ಕತ್ರಿನಾ ಈ ಚಿತ್ರದಲ್ಲಿ ನಟಿಸಿದ್ದರು.

ಭಾಗಿ 2

ಟೈಗರ್ ಶ್ರಾಫ್, ದಿಶಾ ಪಟಾನಿ ಅಭಿನಯದ 'ಭಾಗಿ-2' ಸಿನಿಮಾ ಈ ವರ್ಷ ಹೆಚ್ಚು ಸದ್ದು ಮಾಡಿತ್ತು. ಅದರಂತೆ ಪಾಕಿಸ್ತಾನದಲ್ಲೂ ಸಿನಿಮಾ ಮೋಡಿ ಮಾಡಿದೆ.

ಥಗ್ಸ್ ಆಫ್ ಹಿಂದೂಸ್ತಾನ್

ಅಮೀರ್ ಖಾನ್, ಅಮಿತಾಬ್ ಬಚ್ಚನ್, ಕತ್ರಿನಾ ಕೈಫ್, ಫಾತೀಮಾ ಸನಾ ಅಭಿನಯಿಸಿದ್ದ ಥಗ್ಸ್ ಆಫ್ ಹಿಂದೂಸ್ತಾನ್ ಸಿನಿಮಾ ಭಾರಿ ನಿರೀಕ್ಷೆ ಹುಟ್ಟುಹಾಕಿತ್ತು. ಆದ್ರೆ, ಬಾಕ್ಸ್ ಆಫೀಸ್ ನಲ್ಲಿ ಮುಗ್ಗರಿಸಿದ ಈ ಚಿತ್ರಕ್ಕೆ ಪ್ರೇಕ್ಷಕರು ಕೂಡ ನೋ ಎಂದರು. ಈ ಚಿತ್ರದ ಬಗ್ಗೆಯೂ ಪಾಕ್ ಅಭಿಮಾನಿಗಳು ಕುತೂಹಲವಿಟ್ಟುಕೊಂಡಿದ್ದರು.

ಹೇಟ್ ಸ್ಟೋರಿ 4

ಊವರ್ಶಿ ರೌಟೇಲಾ, ಕರಣ್ ವಾಹಿ, ವಿವಾನ್ ಅಭಿನಯಿಸಿದ್ದ ಹೇಟ್ ಸ್ಟೋರಿ 4 ಸಿನಿಮಾ ಬಗ್ಗೆ ಪಾಕಿಸ್ತಾನದಲ್ಲಿ ಜನರು ಸರ್ಚ್ ಮಾಡಿದ್ದಾರೆ. ವಿಶಾಲ್ ಪಾಂಡ್ಯ ಈ ಚಿತ್ರವನ್ನ ನಿರ್ದೇಶನ ಮಾಡಿದ್ದರು.

ಪದ್ಮಾವತ್ ಸಿನಿಮಾ

ದೀಪಿಕಾ ಪಡುಕೋಣೆ, ರಣ್ವೀರ್ ಸಿಂಗ್, ಶಾಹೀದ್ ಕಪೂರ್ ಅಭಿನಯಿಸಿದ್ದ ಐತಿಹಾಸಿಕ ಸಿನಿಮಾ ಪದ್ಮಾವತ್ ಚಿತ್ರದ ಬಗ್ಗೆಯೂ ಪಾಕ್ ಜನರು ಹುಡುಕಿದ್ದಾರೆ. ಸಂಜಯ್ ಲೀಲಾ ಬನ್ಸಾಲಿ ನಿರ್ದೇಶನ ಮಾಡಿದ್ದ ಈ ಸಿನಿಮಾ ವಿವಾದದಿಂದಲೇ ಹೆಚ್ಚು ಸುದ್ದಿ ಮಾಡಿತ್ತು.