ಯಶ್ ಅಲ್ಲ ಹರ್ಷ ಮುಂದಿನ ಸಿನಿಮಾ ಶಿವಣ್ಣನ ಜೊತೆಗೆ!

'ಮೈ ನೇಮ್ ಇಸ್ ಅಂಜಿ'

'ಮೈ ನೇಮ್ ಇಸ್ ಅಂಜಿ' ಹೆಸರಿನಲ್ಲಿ ಹರ್ಷ ಹೊಸ ಸಿನಿಮಾ ಮಾಡುತ್ತಿದ್ದಾರೆ. ಈ ಸಿನಿಮಾದ ನಾಯಕನಾಗಿ ಶಿವರಾಜ್ ಕುಮಾರ್ ಕಾಣಿಸಿಕೊಳ್ಳುತ್ತಿದ್ದಾರೆ. ಶಿವರಾತ್ರಿ ಹಬ್ಬದ ಶುಭ ಸಮಯದಲ್ಲಿ ಈ ಸಿನಿಮಾ ಅನೌನ್ಸ್ ಆಗಿದೆ. ಈ ಹಿಂದೆ 'ವಜ್ರಕಾಯ' ಚಿತ್ರದ ಸಮಯದಲ್ಲಿಯೇ ಶಿವಣ್ಣ ಒಮ್ಮೆ ಈ ಚಿತ್ರದ ಬಗ್ಗೆ ಹೇಳಿಕೊಂಡಿದ್ದರು.

ಹರ್ಷ ನಿರ್ದೇಶನದ 'ರಾಣ' ಚಿತ್ರವನ್ನು ಮಾಡಲ್ಲ ಅಂದ್ರಾ ಯಶ್?

ಹ್ಯಾಟಿಕ್ ಹೀರೋ ಜೊತೆ ಹ್ಯಾಟಿಕ್ ಸಿನಿಮಾ

ನಟ ಶಿವರಾಜ್ ಕುಮಾರ್ ಹಾಗೂ ನಿರ್ದೇಶಕ ಹರ್ಷ ಕಾಂಬಿನೇಶನ್ ನಲ್ಲಿ ಬರುತ್ತಿರುವ ಮೂರನೇ ಸಿನಿಮಾ ಇದಾಗಿದೆ. 'ಭಜರಂಗಿ' ಚಿತ್ರದ ಮೂಲಕ ಒಂದಾದ ಈ ಜೋಡಿ ಬಳಿಕ 'ವಜ್ರಕಾಯ' ಸಿನಿಮಾ ಮಾಡಿದರು. 'ಭಜರಂಗಿ' ದೊಡ್ಡ ಹಿಟ್ ಚಿತ್ರವಾದರೆ, 'ವಜ್ರಕಾಯ' ಓಕೆ ಓಕೆ ಎನಿಸಿತ್ತು. ಈ ಚಿತ್ರಗಳ ನಂತರ ಹ್ಯಾಟಿಕ್ ಹೀರೋ ಜೊತೆಗೆ ಹರ್ಷ ಹ್ಯಾಟಿಕ್ ಬಾರಿಸಲು ರೆಡಿಯಾಗಿದ್ದಾರೆ.

ಜೂನ್ ನಲ್ಲಿ ಮುಹೂರ್ತ

ಸದ್ಯ, 'ಮೈ ನೇಮ್ ಇಸ್ ಅಂಜಿ' ಚಿತ್ರದ ಸ್ಕ್ರಿಪ್ಟ್ ವರ್ಕ್ ಅಂತಿಮ ಹಂತದಲ್ಲಿ ನಡೆಯುತ್ತಿದೆಯಂತೆ. ಚಿತ್ರಕಥೆ ಬರೆಯುತ್ತಿದ್ದು, ಜೂನ್ ನಲ್ಲಿ ಈ ಸಿನಿಮಾದ ಮುಹೂರ್ತ ನಡೆಯಲಿದೆ. ಶಿವಣ್ಣ ಲುಕ್ ಹೊಸ ರೀತಿಯಲ್ಲಿ ಇರಲಿದೆಯಂತೆ. ಇನ್ನು ಈ ಹಿಂದೆ 2016ರಲ್ಲಿಯೇ 'ಮೈ ನೇಮ್ ಇಸ್ ಅಂಜಿ' ಟೈಟಲ್ ರಿಜಿಸ್ಟರ್ ಆಗಿತ್ತು.

ಜಯಣ್ಣ ಕಂಬೈನ್ಸ್ ನಿರ್ಮಾಣ

'ಮೈ ನೇಮ್ ಇಸ್ ಅಂಜಿ' ಸಿನಿಮಾ ಜಯಣ್ಣ ಕಂಬೈನ್ಸ್ ನಿರ್ಮಾಣ ಆಗುತ್ತಿದೆ. ಶಿವಣ್ಣನ ಇತರ ಚಿತ್ರಗಳಾದ 'ಸನ್ ಆಫ್ ಬಂಗಾರದ ಮನುಷ್ಯ', 'ಮಫ್ತಿ', 'ರುಸ್ತುಂ' ಸಿನಿಮಾಗಳಿಗೆ ಸಹ ಜಯಣ್ಣ ಬೋಗೇಂದ್ರ ಬಂಡವಾಳ ಹಾಕಿದ್ದಾರೆ. ಈಗ ಬರುತ್ತಿರುವ ಈ ಸಿನಿಮಾವೂ ದೊಡ್ಡ ಬಜೆಟ್ ನಲ್ಲಿ ನಿರ್ಮಾಣ ಆಗಲಿದೆಯಂತೆ.

'ರಾಣಾ' ಯಾವಾಗ?

ಹರ್ಷ ನಿರ್ದೇಶನ ಮಾಡಬೇಕಿರುವ 'ರಾಣಾ' ಸಿನಿಮಾವನ್ನು ಯಶ್ ರಿಜಿಕ್ಟ್ ಮಾಡಿದ್ದಾರೆ ಎನ್ನುವ ಸುದ್ದಿ ಇತ್ತು. ಆದರೆ, ಈ ಬಗ್ಗೆ ಸ್ಪಷ್ಟನೆ ನೀಡಿದ್ದ ಹರ್ಷ ''ರಾಣಾ ಚಿತ್ರದ ಕಥೆ ಮಾಡಿರುವುದು ಯಶ್ ಅವರಿಗಾಗಿಯೇ. ಆ ಸಿನಿಮಾವನ್ನು ಅವರ ಜೊತೆಗೆ ಮಾಡಿಯೇ ಮಾಡುತ್ತೇನೆ ಎಂದಿದ್ದರು. ಹಾಗಾದರೆ, 'ರಾಣಾ' ಚಿತ್ರ 'ಮೈ ನೇಮ್ ಇಸ್ ಅಂಜಿ' ಸಿನಿಮಾದ ಬಳಿಕ ಶುರು ಆಗಬಹುದು.