'ಬಿಗಿಲ್' ಬಗ್ಗೆ ನೆಗಿಟಿವ್ ಪ್ರಚಾರಕ್ಕೆ ಇಳಿದ್ರಾ ಆ ಸ್ಟಾರ್ ನಟನ ಅಭಿಮಾನಿಗಳು?

#BigilDisaster ಟ್ರೆಂಡಿಂಗ್

#BigilDisaster ಎಂಬ ಹ್ಯಾಷ್ ಟ್ಯಾಗ್ ಟ್ವಿಟ್ಟರ್ ನಲ್ಲಿ ಟ್ರೆಂಟ್ ಆಗಿದೆ. ಇದಕ್ಕೆ ಕಾರಣ ತಮಿಳು ನಟ ಅಜಿತ್ ಫ್ಯಾನ್ಸ್ ಎಂದು ಹೇಳಲಾಗುತ್ತಿದೆ. ಸಿನಿಮಾ ನೋಡಿ ಬಂದ ಅಭಿಮಾನಿಗಳು ಥಿಯೇಟರ್ ಬಳಿ ಗಲಾಟೆ ಮಾಡಿರುವುದು, ಪೋಸ್ಟರ್ ಕಿತ್ತು ಎಸೆದಿರುವ ದೃಶ್ಯಗಳು ವೈರಲ್ ಆಗಿದೆ. ಬಿಗಿಲ್ ಚಿತ್ರದ ವಿರುದ್ಧ ಉದ್ದೇಶಪೂರ್ವಕವಾಗಿ ಅಪಪ್ರಚಾರ ಮಾಡುತ್ತಿದ್ದಾರೆ ಎಂಬ ಆಪಾದನೆ ಕೇಳಿಬಂದಿದೆ.

ಭಾರಿ ನಷ್ಟ ಸಾಧ್ಯತೆ

ಬಿಗಿಲ್ ಸಿನಿಮಾಗೆ ಭಾರಿ ನಷ್ಟ ಸಾಧ್ಯತೆ ಇದೆ. ಆಂಧ್ರ-ತೆಲಂಗಾಣದಲ್ಲಿ ಶೇಕಡಾ 90 ರಷ್ಟು ಜನರಿಗೆ ಬಿಗಿಲ್ ಸಿನಿಮಾ ರಿಲೀಸ್ ಬಗ್ಗೆ ಮಾಹಿತಿಯೇ ಇಲ್ಲ. ಸಿನಿಮಾ ರಿಲೀಸ್ ಆದ್ಮೇಲೂ ಪಾಸಿಟೀವ್ ಟಾಕ್ ಇಲ್ಲ. ಬಿಡುಗಡೆಗೆ ಮುಂಚೆ ಇದ್ದ ನಿರೀಕ್ಷೆ ಹುಸಿಯಾಗಿದೆ ಎಂದು ಪ್ರಚಾರ ಆಗುತ್ತಿದೆಯಂತೆ.

ವಿಜಯ್ ವರ್ಸಸ್ ಅಜಿತ್

ತಮಿಳುನಾಡಿನಲ್ಲಿ ವಿಜಯ್ ಮತ್ತು ಅಜಿತ್ ಅಭಿಮಾನಿಗಳ ನಡುವೆ ಮೊದಲಿನಿಂದಲೂ ಫ್ಯಾನ್ಸ್ ವಾರ್ ನಡೆಯುತ್ತಲೇ ಇದೆ. ರಜನಿಕಾಂತ್ ಬಳಿಕ ಮುಂದಿನ ಸೂಪರ್ ಸ್ಟಾರ್ ಯಾರು ಎಂಬ ಪ್ರಶ್ನೆಗೆ ಉತ್ತರ ಹುಡುಕುತ್ತಿರುವ ಕಾಲಿವುಡ್ ಅಭಿಮಾನಿಗಳು ಅಜಿತ್ ಮತ್ತು ವಿಜಯ್ ಇಬ್ಬರಲ್ಲಿ ಯಾರು ಶ್ರೇಷ್ಠ ಎಂದು ಚರ್ಚೆ ಮಾಡ್ತಿದ್ದಾರೆ. ಇದರ ಪರಿಣಾಮ ಇಷ್ಟೆಲ್ಲಾ ಫ್ಯಾನ್ಸ್ ವಾರ್ ಆಗಲು ದಾರಿ ಮಾಡಿದೆ.

'ಬಿಗಿಲ್' ಮೊದಲ ದಿನದ ಗಳಿಕೆ

ಮೊದಲ ದಿನದ ಗಳಿಕೆಯಲ್ಲಿ ವಿಜಯ್ ಸಿನಿಮಾಗಳು ಮೇಲಿಂದ ಕೆಳಗೆ ಹೋಗುತ್ತಿದೆ ಎನ್ನಲಾಗಿದೆ. ಸರ್ಕಾರ್ ಸಿನಿಮಾ 31 ಕೋಟಿ ಬಾಚಿಕೊಂಡಿತ್ತು, ಮೆರ್ಸಲ್ 24 ಕೋಟಿ ಗಳಿಸಿತ್ತು. ಈಗ ಬಿಗಿಲ್ ಸಿನಿಮಾ 22 ಕೋಟಿ ಗಳಿಸಿದೆ ಎಂದು ಅಂದಾಜಿಸಲಾಗಿದೆ.