ಮತ್ತೆ ಸುದೀಪ್ ಜತೆ ಸಿನಿಮಾ ಮಾಡ್ತಾರಾ ರಾಗಿಣಿ ದ್ವಿವೇದಿ?

ಮೊದಲ ಬಾರಿ ಲೈವ್ ಬಂದಿದ್ದೇನೆ

ಹೀಗಾಗಿ ಲಾಕ್ ಡೌನ್‌ನಲ್ಲಿಯೂ ಬಿಜಿಯಾಗಿರುವ ರಾಗಿಣಿ, ಅದರ ನಡುವೆ ಬಿಡುವು ಮಾಡಿಕೊಂಡು ಫಿಲ್ಮಿ ಬೀಟ್‌ನಲ್ಲಿ ಲೈವ್ ನಡೆಸಿಕೊಟ್ಟರು. ತಮ್ಮ ಸಾಮಾಜಿಕ ಜಾಲತಾಣದ ಖಾತೆ ಹೊರತುಪಡಿಸಿ ಇದೇ ಮೊದಲ ಬಾರಿಗೆ ಬೇರೆ ಮಾಧ್ಯಮದಲ್ಲಿ ಲೈವ್ ಬಂದಿರುವ ಖುಷಿಯನ್ನು ರಾಗಿಣಿ ಹಂಚಿಕೊಂಡರು. ಈ ವೇಳೆ ಅವರು ಅಭಿಮಾನಿಗಳ ಕೆಲವು ಪ್ರಶ್ನೆಗಳಿಗೆ ಉತ್ತರಿಸಿದರು.

ಎಲ್ಲರಿಗೂ ಶುಭಾಶಯಗಳು

ಮೊದಲು ಕಾರ್ಮಿಕರ ದಿನಾಚರಣೆಯ ಶುಭಾಶಯ ಕೋರಿದ ರಾಗಿಣಿ, ಕೆಲಸ ಮಾಡುವ ಪ್ರತಿಯೊಬ್ಬರೂ ಕಾರ್ಮಿಕರು. ಎಲ್ಲರೂ ಒಂದೇ ರೀತಿ ಪ್ರೀತಿ ಗೌರವ ಕೊಡುತ್ತಾರೆ. ಎಲ್ಲರಿಗೂ ಒಳ್ಳೆಯದಾಗಲಿ ಎಂದು ಹೇಳಿದರು.

ಸಂಯಮದಿಂದ ಇರಿ

ಲಾಕ್‌ಡೌನ್ ಸಮಯದಲ್ಲಿ ಎಲ್ಲರೂ ತಮ್ಮ ಸಂಯಮ, ಸಹನೆ ಪರಿಶೀಲಿಸಿಕೊಂಡಿದ್ದಾರೆ. ಇದರಿಂದ ಜನರು ಉದ್ವಿಗ್ನರಾಗೋದು ಸಹಜ. ಆದರೆ ನಾವು ಕೆಲವು ಸಮಯ ಹೀಗೆಯೇ ಇರಬೇಕಾಗುತ್ತದೆ. ಆರೋಗ್ಯದ ಸಲುವಾಗಿ ಮುನ್ನೆಚ್ಚರಿಕೆ ವಹಿಸಬೇಕು. ಅಕ್ಕಪಕ್ಕದವರಗೆ ಸಹಾಯ ಮಾಡಿ. ಯಾವಾಗಲೂ ಸ್ಟ್ರಾಂಗ್ ಆಗಿರಿ ಎಂದು ಸಲಹೆ ನೀಡಿದರು.

ಸುದೀಪ್ ಜತೆ ಸಿನಿಮಾ ಯಾವಾಗ?

ಸುದೀಪ್ ಜತೆ ಯಾವಾಗ ಸಿನಿಮಾ ಮಾಡ್ತೀರಿ ಎಂಬ ಪ್ರಶ್ನೆ ಅಭಿಮಾನಿಗಳಿಂದ ಎದುರಾಯ್ತು. ಸುದೀಪ್ ಜತೆ ನಟಿಸುವ ಒಳ್ಳೆಯ ಅವಕಾಶ ಬಂದರೆ ಖಂಡಿತಾ ಮಾಡೋಣ. ಆದರೆ ಯಾವಾಗ ಬರುತ್ತದೆಯೋ ಗೊತ್ತಿಲ್ಲ ಎಂದರು. ಮುಂದಿನ ಸಿನಿಮಾ ಪ್ರಕಾಶ್ ಬೆಳವಾಡಿ ಜತೆ ಮಾಡುತ್ತಿದ್ದು, ಬಹಳ ಇಂಟರೆಸ್ಟಿಂಗ್ ಆಗಿದೆ ಎಂದು ತಿಳಿಸಿದರು.

ಎರಡು ಆಕ್ಷನ್ ಸಿನಿಮಾಗಳು

ಎರಡು ಆಕ್ಷನ್ ಸಿನಿಮಾಗಳಗೆ ಯೋಜನೆ ನಡೆಯುತ್ತಿದೆ. ಮುಂದಿನ ವರ್ಷದಲ್ಲಿ ಒಂದು ಸೋಲೋ ಸಿನಿಮಾ ಇದೆ. ಅದು ಸೋಷಿಯಲ್ ಓರಿಯೆಂಟೆಡ್ ಸಿನಿಮಾ. ಸದ್ಯಕ್ಕೆ ಮನೆ ಸ್ವಚ್ಛಗೊಳಿಸುವುದು ಸಾಮಾಜಿಕ ಜವಾಬ್ದಾರಿಗಳನ್ನು ನಿಭಾಯಿಸುತ್ತಿದ್ದೇನೆ ಎಂದರು.