ಸಿಂಗಪೂರ್ ಗೆ ಹಾರಿದ ನೀಳ ಕಾಲ್ಗಳ ಚೆಲುವೆ ರಾಗಿಣಿ

ಇನ್ನೇನು ಖಾಕಿ ಕದರ್ ತೋರಿಸಲು ಅಭಿಮಾನಿಗಳ ಮುಂದೆ ಬರುತ್ತಿದ್ದಾರೆ 'ರಾಗಿಣಿ ಐಪಿಎಸ್'. ಇತ್ತೀಚೆಗಷ್ಟೇ ರಾಗಿಣಿ ತಮ್ಮ 23ನೇ ಹುಟ್ಟುಹಬ್ಬವನ್ನೂ ಆಚರಿಸಿಕೊಂಡು ಸಂಭ್ರಮಿಸಿದರು. ಆದರೆ ತಮ್ಮ ಚಿತ್ರಕ್ಕೆ ಯು/ಎ ಸರ್ಟಿಫಿಕೇಟ್ ಸಿಕ್ಕ ಬಗ್ಗೆ ಸ್ವಲ್ಪ ಬೇಸರವನ್ನೂ ವ್ಯಕ್ತಪಡಿಸಿದ್ದರು.

ಈ ಎಲ್ಲಾ ಜಂಜಾಟಗಳ ನಡುವೆ ರಾಗಿಣಿ ಸ್ವಲ್ಪ ರಿಲ್ಯಾಕ್ಸ್ ಆಗಲು ಸಿಂಗಪುರಕ್ಕೆ ಹಾರಿದ್ದಾರೆ. ಜೊತೆಗೆ ಅವರ ತಂದೆ ತಾಯಿಯನ್ನೂ ಕರೆದೊಯ್ದಿದ್ದಾರೆ. ಸಿಂಗಪುರದಲ್ಲಿ ರಾಗಿಣಿ ಸಹೋದರ ರುದ್ರಾಕ್ಷ್ ಫ್ಯಾಷನ್ ಡಿಸೈನ್ ತರಬೇತಿ ಪಡೆಯುತ್ತಿದ್ದಾರಂತೆ.

ರಾಗಿಣಿ ದ್ವಿವೇದಿ

ಸಿಂಗಪುರದಿಂದ ಹಿಂತಿರುಗಿದ ಬಳಿಕ ಇನ್ನೊಂದಿಷ್ಟು ಹೊಸ ಚಿತ್ರಗಳಿಗೆ ಸಹಿ ಹಾಕುವ ಸಾಧ್ಯತೆಗಳಿವೆ. ತುಪ್ಪ ಬೇಕಾ ತುಪ್ಪ ಎಂದು ಸೊಂಟ ಬಳುಕಿಸಿ 'ಕಳ್ಳ ಮಳ್ಳ ಸುಳ್ಳ'ರ ಮೂಗಿಗೆ ನಾಟಿ ತುಪ್ಪ ಸವರಿದ್ದ ರಾಗಿಣಿ ಈಗ ಶರಣ್ ನಾಯಕ ನಟನಾಗಿರುವ 'ವಿಕ್ಟರಿ' ಚಿತ್ರದಲ್ಲೂ ಹೆಜ್ಜೆ ಹಾಕಿದ್ದಾರೆ.

ಕೈಲಾಶ್ ಖೇರ್ ಹಾಡಿರುವ 'ವಿಕ್ಟರಿ' ಚಿತ್ರದ ಹಾಡಿಗೆ ಅರ್ಜುನ್ ಜನ್ಯ ಸಂಗೀತ ನೀಡಿರುವ ಹಾಡಿಗೆ ರಾಗಿಣಿ ಸ್ಟೈಪ್ ಹಾಕಿದ್ದಾರೆ. ವಿಭಿನ್ನ ಸೆಟ್ ಗಳಲ್ಲಿ ಚಿತ್ರೀಕರಿಸಿರುವ ಈ ಹಾಡು ಇನ್ನೇನು ಗದ್ದಲ ಮಾಡುತ್ತದೋ ಎಂಬ ಕುತೂಹಲ ಇದ್ದೇ ಇದೆ. (ಏಜೆನ್ಸೀಸ್)