ಏನ್ ಅಚ್ಚರಿ ಗುರು: ಸೌತ್ ಸ್ಟಾರ್ ಗಳನ್ನ ಹಿಂದಿಕ್ಕಿದ ರಶ್ಮಿಕಾ ಮಂದಣ್ಣ.!

ಐದನೇ ಸ್ಥಾನದಲ್ಲಿ ರಶ್ಮಿಕಾ.!

ಈ ವರ್ಷ ಗೂಗಲ್ ನಲ್ಲಿ ಸರ್ಚ್ ಆದ ಸೌತ್ ಸ್ಟಾರ್ ಗಳ ಪೈಕಿ ಚಿರಂಜೀವಿ ಮೊದಲ ಸ್ಥಾನದಲ್ಲಿದ್ದರೇ, ನಾನಿ, ಬಾಲಕೃಷ್ಣ, ವಿಜಯ್ ದೇವರಕೊಂಡ ಕ್ರಮವಾಗಿ ಸ್ಥಾನ ಗಿಟ್ಟಿಸಿಕೊಂಡಿದ್ದಾರೆ. ಐದನೇ ಸ್ಥಾನದಲ್ಲಿ ರಶ್ಮಿಕಾ ಕಾಣಿಸಿಕೊಂಡಿದ್ದು, ಟಾಪ್ ಹತ್ತರಲ್ಲಿ ಇರುವ ಏಕೈಕ ಕನ್ನಡ ನಟಿ. ರಶ್ಮಿಕಾ ನಂತರ ಅನಸೂಯ ಭಾರಧ್ವಜ್, ಪ್ರಕಾಶ್ ರಾಜ್, ಮೋಹನ್ ಬಾಬು, ಜಗಪತಿ ಬಾಬು ನಾಗ ಶೌರ್ಯ ಕಾಣಿಸಿಕೊಂಡಿದ್ದಾರೆ.

'ಗೀತಾ ಗೋವಿಂದಂ' ಸಿನಿಮಾ

ಅಂದ್ಹಾಗೆ, ರಶ್ಮಿಕಾ ಮಂದಣ್ಣ ಈ ವರ್ಷ ಹೆಚ್ಚು ಸುದ್ದಿ ಮಾಡಿದ್ದೇ ಗೀತಾ ಗೋವಿಂದ ಸಿನಿಮಾ ಮೂಲಕ. ಈ ಚಿತ್ರದಲ್ಲಿ ವಿಜಯ್ ದೇವರಕೊಂಡ ನಾಯಕಿಯಾಗಿ ಅಭಿನಯಿಸಿದ್ದ ರಶ್ಮಿಕಾ, ಟ್ರೈಲರ್ ಮತ್ತು 'ಇಂಕೇಮ್ ಇಂಕೇಮ್ ಕಾವಲಿ' ಹಾಡಿನ ಮೂಲಕ ಸಖತ್ ಸೌಂಡ್ ಮಾಡಿದ್ದರು.

ಲಿಪ್ ಲಾಕ್ ಸೀನ್ ಲೀಕ್

ಇದೇ ಚಿತ್ರದ ಕ್ಲೈಮ್ಯಾಕ್ಸ್ ನಲ್ಲಿ ವಿಜಯ್ ದೇವರಕೊಂಡ ಮತ್ತು ರಶ್ಮಿಕಾ ನಡುವೆ ಲಿಕ್ ಲಾಕ್ ಸೀನ್ ಇದೆ. ಈ ದೃಶ್ಯ ಸಿನಿಮಾ ಬಿಡುಗಡೆಗೂ ಮುಂಚೆಯೇ ಲೀಕ್ ಆಗಿತ್ತು. ಈ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ಸಖತ್ ವೈರಲ್ ಆಗಿತ್ತು. ಬಹುಶಃ ಗೀತಾ ಗೋವಿಂದಂ ಚಿತ್ರಕ್ಕಿಂತ ಈ ಲೀಕ್ ವಿಡಿಯೋವೇ ಹೆಚ್ಚು ಸದ್ದು ಮಾಡಿತ್ತು.

ನಿಶ್ಚಿತಾರ್ಥ ಬ್ರೇಕ್ ಅಪ್

ರಶ್ಮಿಕಾ ಮಂದಣ್ಣ ಮತ್ತು ರಕ್ಷಿತ್ ಶೆಟ್ಟಿ ನಿಶ್ಚಿತಾರ್ಥ ಆಗಿತ್ತು. ಮದುವೆಗೆ ಎಲ್ಲ ಸಿದ್ದತೆ ನಡೆದಿತ್ತು. ಆದ್ರೆ, ಮಧ್ಯದಲ್ಲೇ ರಕ್ಷಿತ್ ಮತ್ತು ರಶ್ಮಿಕಾ ನಿಶ್ಚಿತಾರ್ಥ ಮುರಿದುಬಿತ್ತು. ಇದರಿಂದ ರಶ್ಮಿಕಾ ಮಂದಣ್ಣ ದಕ್ಷಿಣ ಭಾರತದಲ್ಲಿ ಹೆಚ್ಚು ಸುದ್ದಿಯಾದರು.

ರಶ್ಮಿಕಾ ಅಭಿನಯಿಸಿದ ಸಿನಿಮಾಗಳು

'ಗೀತಾ ಗೋವಿಂದಂ' ಚಿತ್ರದ ನಂತರ ನಾಗಾರ್ಜುನ, ನಾನಿ ಅಭಿನಯಿಸಿದ್ದ ದೇವದಾಸ್ ಸಿನಿಮಾದಲ್ಲಿ ರಶ್ಮಿಕಾ ನಾಯಕಿಯಾಗಿ ಅಭಿನಯಿಸಿದ್ದರು. ಈ ಕಡೆ ಕನ್ನಡದಲ್ಲಿ ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಜೊತೆ ಯಜಮಾನ ಸಿನಿಮಾ ಮಾಡಿದರು. ಈಗ ಧ್ರುವ ಸರ್ಜಾ ಜೊತೆ ಪೊಗರು ಮಾಡ್ತಿದ್ದಾರೆ.