ಅಂಬರೀಶ್ ಪ್ರೀತಿಯ ಶ್ವಾನ 'ಕನ್ವರ್' ಇನ್ನು ನೆನಪು ಮಾತ್ರ

ಕನ್ವರ್ ಮತ್ತು ಬುಲ್ ಬುಲ್

ಸೇಂಟ್ ಬರ್ನಾಡ್ ತಳಿಯ ಶ್ವಾನಗಳಾದ ಕನ್ವರ್ ಮತ್ತು ಬುಲ್ ಬುಲ್ ಅಂಬಿ ನಿವಾಸದ ಖಾಯಂ ಸದಸ್ಯರಾಗಿದ್ದರು. ಅಭಿಷೇಕ್‌ಗೂ ಈ ಶ್ವಾನಗಳಂದ್ರೆ ಬಹಳ ಅಚ್ಚುಮೆಚ್ಚು. ಅದರಲ್ಲೂ ಕನ್ವರ್ ಅಂದ್ರೆ ಸ್ವಲ್ಪ ಆತ್ಮೀಯತೆ ಹೆಚ್ಚಿತ್ತು. ಅಂಬಿ ವಾಕಿಂಗ್ ಹೋದಾಗ ಕನ್ವರ್‌ನ ಜೊತೆಯಲ್ಲಿ ಕರೆದುಕೊಂಡು ಹೋಗುತ್ತಿದ್ದರು. ಮನೆಯಲ್ಲಿದ್ದಾಗಲೂ ''ಹೇ ಕನ್ವರ್'' ಎಂದು ಕರೆದ ತಕ್ಷಣ ಎಲ್ಲಿದ್ದರೂ ಬಂದು ನಿಲ್ಲುತ್ತಿತ್ತು.

ಇಷ್ಟದ ಹೆಸರಿಟ್ಟಿದ್ದ ಅಂಬಿ

ತಮ್ಮ ವೃತ್ತಿ ಜೀವನದಲ್ಲಿ ಬಹಳ ಖ್ಯಾತಿ ತಂದುಕೊಟ್ಟಿದ್ದ ಚಿತ್ರಗಳ ಫೇಮಸ್ ಡೈಲಾಗನ್ನೇ ಶ್ವಾನಗಳಿಗೆ ಹೆಸರಾಗಿಸಿದ್ದರು. ನಾಗರಹಾವು ಚಿತ್ರದಲ್ಲಿ ಜಲೀಲಾನ ಪಾತ್ರ ನಿಭಾಯಿಸಿದ್ದ ಅಂಬರೀಶ್‌ಗೆ 'ಬುಲ್ ಬುಲ್ ಮಾತಾಡಕ್ಕಿಲ್ವಾ...' ಡೈಲಾಗ್ ಬಹಳ ದೊಡ್ಡ ಖ್ಯಾತಿ ತಂದು ಕೊಟ್ಟಿತ್ತು. 'ಅಂತ' ಚಿತ್ರದ 'ಕನ್ವರ್ ಲಾಲ್' ಹೆಸರು ಸಹ ಹಾಗೂ 'ಕುತ್ತೇ...ಕನ್ವರ್ ನಹೀ ಕನ್ವರ್ ಲಾಲ್ ಬೋಲೋ' ಡೈಲಾಗ್ ಅಷ್ಟೇ ಯಶಸ್ಸು ಕೊಟ್ಟಿತ್ತು. ಹಾಗಾಗಿ, ಈ ನೆನಪಿಗಾಗಿ ಶ್ವಾನಗಳಿಗೆ ಆ ಹೆಸರು ಇಟ್ಟಿದ್ದರು.

ಅಂಬಿ ನಿಧನದ ನಂತರ ಒಂಟಿಯಾಗಿದ್ದ ಕನ್ವರ್

ಅಂಬರೀಶ್ ನಿಧನರಾದ ಬಳಿಕ ಕನ್ವರ್ ಮಾನಸಿಕವಾಗಿ ನೊಂದಿತ್ತು. ಸರಿಯಾಗಿ ಊಟ ಮಾಡುತ್ತಿರಲಿಲ್ಲ, ಯಾರ ಬಳಿಯೂ ಸೇರುತ್ತಿರಲಿಲ್ಲ, ಒಬ್ಬಂಟಿಯಾಗಿ ಇರುತ್ತಿತ್ತು. ಇದೀಗ, ಅಂಬಿ ನಿಧನದ ಎರಡೂವರೆ ವರ್ಷದ ಬಳಿಕ ಕನ್ವರ್ ಸಹ ಕೊನೆಯುಸಿರೆಳೆದಿದೆ.

Recommended Video

Corona ರೋಗಿಗಳ ಉಸಿರಿಗಾಗಿ ಉಸಿರು ತಂಡಕ್ಕೆ ಗಜ ಬಲ ತಂದ D Boss | Filmibeat Kannada

ದರ್ಶನ್ ಜೊತೆ ಕನ್ವರ್

ಅಂಬರೀಶ್‌ ಮನೆಗೆ ಯಾವಾಗಲೂ ಹೋಗ್ತಿದ್ದ ನಟ ದರ್ಶನ್‌ಗೂ ಸಹ ಕನ್ವರ್ ಜೊತೆ ಬಾಂಧವ್ಯ ಇತ್ತು. ಕನ್ವರ್ ಜೊತೆ ದರ್ಶನ್ ಕಾಣಿಸಿಕೊಂಡಿದ್ದ ಫೋಟೋಗಳು ಸಹ ವೈರಲ್ ಆಗಿತ್ತು. ದುರಂತ ಅಂದ್ರೆ ಮೇ 29 ರಂದು ಅಂಬಿ ಹುಟ್ಟುಹಬ್ಬವಿತ್ತು. ಅದಕ್ಕೂ ಐದು ದಿನದ ಮುಂಚೆ ಕನ್ವರ್ ಇನ್ನಿಲ್ಲದಂತಾಗಿದೆ.