ಜಮೀರ್ ಸರ್ ದಯವಿಟ್ಟು ಕ್ರಮ ತಗೊಳ್ಳಿ...,ಕೈಮುಗಿದು, ಕಣ್ಣೀರಿಟ್ಟ ನಟಿ ಸಂಜನಾ

ಜಮೀರ್ ಯಾರು ಎಂದೇ ಗೊತ್ತೆ ಇರಲಿಲ್ಲ

ಜಮೀರ್ ಅಹ್ಮದ್ ಖಾನ್ ಮತ್ತು ಸಂಜನಾ ಒಂದೇ ದಿನ ಕೊಲೊಂಬೊಗೆ ಏಕೆ ಹೋಗಿದ್ದರು ಎಂದು ಪ್ರಶಾಂತ್ ಸಂಬರ್ಗಿ ಪ್ರಶ್ನಿಸಿದ್ದರು. ಇದಕ್ಕೆ ಪ್ರತಿಕ್ರಿಯೆ ನೀಡಿರುವ ಸಂಜನಾ ''ಆ ಕಾರ್ಯಕ್ರಮಕ್ಕೆ ನಾನು ಅತಿಥಿಯಾಗಿ ಹೋಗಿದ್ದೆ, ಬಹಳ ಜನ ಕಲಾವಿದರು ಅಲ್ಲಿ ಹೋಗಿದ್ದಾರೆ. ನನಗೆ ಜಮೀರ್ ಅಹ್ಮದ್ ಯಾರು ಎಂದು ಗೊತ್ತೇ ಇರಲಿಲ್ಲ. ಅವರು ದೊಡ್ಡ ಶಾಸಕರು. ಬರಿ ಪ್ರಚಾರಕ್ಕೆ ನನ್ನನ್ನು ಟಾರ್ಗೆಟ್ ಮಾಡ್ತಿದ್ದಾನೆ'' ಎಂದು ವಾಗ್ದಾಳಿ ನಡೆಸಿದರು.

ನಾನು ಸತ್ತೋದ್ರು ಸುಮ್ಮನೆ ಬಿಡಲ್ಲ

'ಪ್ರಶಾಂತ್ ಸಂಬರ್ಗಿ ಸುಮ್ಮನೆ ಆರೋಪ ಮಾಡ್ತಿದ್ದಾನೆ. ನಮ್ಮ ತಾಯಿಗೆ ಆರೋಗ್ಯ ಸರಿಯಲ್ಲ, ಮಾನಸಿಕವಾಗಿ ಹಿಂಸೆ ಆಗ್ತಿದೆ' ಎಂದು ಆಕ್ರೋಶ ವ್ಯಕ್ತಪಡಿಸಿದ ನಟಿ ಸಂಜನಾ, ''ಒಂದು ವೇಳೆ ನಮ್ಮ ತಾಯಿಗೆ ಏನಾದರೂ ಹೆಚ್ಚು-ಕಡಿಮೆ ಆದ್ರೆ, ನಾನು ಸತ್ತರೂ ಅವನನ್ನು ಬಿಡಲ್ಲ'' ಎಂದಿದ್ದಾರೆ.

ಸುಶಾಂತ್ ಸಿಂಗ್ ರೀತಿ ನೇಣು ಹಾಕಿಕೊಂಡು ಸಾಯಬೇಕಾ? ಸಂಜನಾ ಗರಂ

ಕೈಮುಗಿದು, ಕಣ್ಣೀರಿಟ್ಟ ನಟಿ ಸಂಜನಾ

ನಿರಂತರ ಆರೋಪಗಳು ಮಾಡುತ್ತಿರುವ 'ಪ್ರಶಾಂತ್ ಸಂಬರ್ಗಿ ವಿಚಾರದಲ್ಲಿ ಕ್ರಮ ತಗೊಳ್ಳಿ ಜಮೀರ್ ಸರ್' ಎಂದು ವಿನಂತಿಸಿದ ಸಂಜನಾ ಕಣ್ಣೀರಿಟ್ಟರು. 'ಬೀದಿ ನಾಯಿ, ಅವನು ಯಾರೂ ಅಂತ ನನಗೆ ಗೊತ್ತಿಲ್ಲ, ನನ್ನ ಹಿಂದೆ ಏಕೆ ಬಿದ್ದಿದ್ದಾನೆ. ನಾನೊಬ್ಬ ಸೆಲೆಬ್ರಿಟಿ ಆಗಿರೋದೆ ದೊಡ್ಡ ತಪ್ಪಾ? ಎಂದು ಸಂಜನಾ ಭಾವುಕರಾದರು.

ನಾನು ಚಿಯರ್ ಗರ್ಲ್ ಅಲ್ಲ

ಸಿನಿಮಾ ಮಾಡುವುದಕ್ಕೆ ಮುಂಚೆ ಸಂಜನಾ ಚಿಯರ್ ಗರ್ಲ್ ಆಗಿದ್ದರು, 300 ರೂಪಾಯಿಗೆ ಕೆಲಸ ಮಾಡಿದ್ದರು ಎಂದು ಪ್ರಶಾಂತ್ ಸಂಬರ್ಗಿ ಟೀಕಿಸಿದ್ದರು. ಈ ಕುರಿತು ಪ್ರತಿಕ್ರಿಯೆ ಮಾಡಿದ ಸಂಜನಾ ''ನಾನು ಚಿಯರ್ ಗರ್ಲ್ ಅಲ್ಲ, ನಾನು 500 ರೂಪಾಯಿಗೆ ಮಾಡಲಿಂಗ್ ಮಾಡಿದ್ದೇನೆ, ಈಗಿನ ಕಾಲಕ್ಕೆ ಅದು 5000 ರೂಪಾಯಿ ಬೆಲೆ'' ಎಂದು ತಿರುಗೇಟು ನೀಡಿದ್ದಾರೆ.