ಅಸುರರ ಲೋಕಕ್ಕೆ ಭಜರಂಗಿಯ ಭರ್ಜರಿ ಎಂಟ್ರಿ

ಶಿವರಾಜ್ ಕುಮಾರ್ ಕಾಣಿಸಿಕೊಳ್ಳುವುದು ಕಡಿಮೆ

2:28 ನಿಮಿಷದ ಟ್ರೇಲರ್‌ನಲ್ಲಿ ಶಿವರಾಜ್ ಕುಮಾರ್ ಕಾಣಿಸಿಕೊಳ್ಳುವುದು ಬಹಳ ಕಡಿಮೆ. ಆದರೆ ಸಿನಿಮಾ ಒಳಗೊಂಡಿರುವ ಕುತೂಹಕಾರಿ ಅಂಶಗಳನ್ನು ಪ್ರೇಕ್ಷಕರಿಗೆ ಪರಿಚಯ ಮಾಡಿಸುತ್ತದೆ ಈ ಟ್ರೇಲರ್.

ಭಿನ್ನ ಪಾತ್ರದಲ್ಲಿ ನಟಿ ಶ್ರುತಿ

ಟ್ರೇಲರ್‌ನಲ್ಲಿನ ಆಶ್ಚರ್ಯಕರ ಸಂಗತಿ ಎಂದರೆ ನಟಿ ಶ್ರುತಿ. ಸಿನಿಮಾದ ಭಿನ್ನ ಪಾತ್ರದಲ್ಲಿ ಶ್ರುತಿ ಕಾಣಿಸಿಕೊಂಡಿದ್ದಾರೆ. ಟ್ರೇಲರ್‌ ನಲ್ಲಿ ಶಿವರಾಜ್‌ ಕುಮಾರ್ ಬಿಟ್ಟರೆ ಗಮನ ಸೆಳೆಯುವುದು ಶ್ರುತಿ ಅವರೇ. ಬಹು ಭಿನ್ನ ಪಾತ್ರದಲ್ಲಿ ಅವರು ಕಾಣಿಸಿಕೊಂಡಿದ್ದಾರೆ.

ನರಾಚಿಗಿಂತಲೂ ಭಯಂಕರವಾಗಿದೆ ಸೆಟ್‌ಗಳು

ನರಾಚಿಗಿಂತಲೂ ಭಯಂಕರ ಕತೆ ನಡೆಯುವ ಸ್ಥಳ, ಭಯಹುಟ್ಟಿಸುವ ವಿಲನ್‌ಗಳು, ದೊಡ್ಡ ಸೆಟ್‌ಗಳು, ಚಿತ್ರ ವಿಚಿತ್ರ ಆಚರಣೆಗಳು, ಶಿವಣ್ಣನ ಭರ್ಜರಿ ಎಂಟ್ರಿ, ಅಬ್ಬರದ ಸಂಗೀತ ಎಲ್ಲವೂ ಟ್ರೇಲರ್‌ ಅನ್ನು ಕುತೂಹಲಭರಿತಗೊಳಿಸಿದೆ.

ಹಲವು ಪ್ರಮುಖ ನಟರು ಸಿನಿಮಾದಲ್ಲಿದ್ದಾರೆ

ಭಜರಂಗಿ 2 ಸಿನಿಮಾದ ನಿರ್ದೇಶಕವನ್ನು ಹರ್ಷಾ ಮಾಡಿದ್ದು, ಭಾವನಾ ನಾಯಕಿಯಾಗಿದ್ದಾರೆ. ಭಜರಂಗಿ ಮೊದಲ ಸಿನಿಮಾದಲ್ಲಿದ್ದ ಸೂರ್ಯ ಲೋಕೇಶ್, ನಟಿ ಶ್ರುತಿ ಇನ್ನೂ ಹಲವು ಪ್ರಮುಖ ನಟರು ಸಿನಿಮಾದಲ್ಲಿದ್ದಾರೆ. ಲಾಕ್‌ಡೌನ್‌ ನ ನಂತರ ಸಿನಿಮಾ ಬಿಡುಗಡೆ ಆಗಲಿದೆ.