ಅಮೆರಿಕದಲ್ಲೂ 'ಶಿವಲಿಂಗ' ಅಬ್ಬರ ಶುರು ಆಯ್ತು

ಇಡೀ ಕರ್ನಾಟಕದಾದ್ಯಂತ ತೆರೆಕಂಡು, ತದನಂತರ ಬೇರೆ ರಾಜ್ಯಗಳಲ್ಲೂ ತನ್ನ ಕಂಪನ್ನು ಪಸರಿಸಿದ ಶಿವರಾಜ್ ಕುಮಾರ್ ಅವರ 'ಶಿವಲಿಂಗ' ಸಿನಿಮಾ ಎಲ್ಲೆಡೆ ಯಶಸ್ವಿ ಪ್ರದರ್ಶನ ಕಾಣುತ್ತಾ ಬಾಕ್ಸಾಫೀಸ್ ನಲ್ಲಿ ಧೂಳೆಬ್ಬಿಸುತ್ತಿದೆ.

ನಿರ್ದೇಶಕ ಪಿ.ವಾಸು ಅವರು ಆಕ್ಷನ್-ಕಟ್ ಹೇಳಿರುವ ಹಾರರ್-ಥ್ರಿಲ್ಲರ್ ಸಿನಿಮಾ 'ಶಿವಲಿಂಗ' ಸಿನಿಮಾ ನಮ್ಮ ರಾಜ್ಯದಲ್ಲಿ ಮತ್ತು ಪಕ್ಕದ ರಾಜ್ಯದಲ್ಲಿ ಸದ್ದು ಮಾಡಿದ ನಂತರ ಇದೀಗ ದೇಶ ಸಂಚರಿಸಲು ಆರಂಭಿಸಿದೆ.[ಲಂಡನ್ ಗೆ ಹಾರಲು ಸಜ್ಜಾದ ಶಿವಣ್ಣನ 'ಶಿವಲಿಂಗ']

ಲಂಡನ್ ನಲ್ಲಿ 'ಶಿವಲಿಂಗ' ಪ್ರದರ್ಶನ ಕಾಣುತ್ತಿದೆ ಎಂದು ಸುದ್ದಿಯಾದ ಬೆನ್ನಲ್ಲೇ ಇದೀಗ ಯು.ಎಸ್ ನ ವಾಟರ್ ಬರಿ ಸಿಟಿಯಲ್ಲೂ 'ಶಿವಲಿಂಗ'ನ ಅಬ್ಬರ ಭರ್ಜರಿಯಾಗಿ ಆರಂಭವಾಗುತ್ತಿದೆ.

ಮಾರ್ಚ್ 5 ರಂದು ಶನಿವಾರ 6.30ಕ್ಕೆ ವಾಟರ್ ಬರಿ ಸಿಟಿಯಲ್ಲಿ ಹ್ಯಾಟ್ರಿಕ್ ಹೀರೋ ಶಿವರಾಜ್ ಕುಮಾರ್ ಮತ್ತು ನಟಿ ವೇದಿಕಾ ಅವರು ಅಭಿನಯಿಸಿರುವ 'ಶಿವಲಿಂಗ' ಸಿನಿಮಾ ಗ್ರ್ಯಾಂಡ್ ಆಗಿ ಪ್ರದರ್ಶನಗೊಳ್ಳಲಿದೆ.['ಶಿವಲಿಂಗ' ಚಿತ್ರದ ಬಗ್ಗೆ ಏನೇನು ಮಾತುಗಳು ಕೇಳಿಬರುತ್ತಿವೆ ಗೊತ್ತೇ?]

ಕೇವಲ ಒಂದೇ ಒಂದು ಶೋ ಇರುವುದರಿಂದ ಅಮೆರಿಕದಲ್ಲಿರುವ ಕನ್ನಡಿಗರು ಈ ಅವಕಾಶವನ್ನು ಸದುಪಯೋಗಪಡಿಸಿಕೊಳ್ಳಿ. ಯುಎಸ್ ನಲ್ಲಿರುವ ಕನ್ನಡಿಗರಿಗೆ ಮನರಂಜನೆ ನೀಡುವ ಉದ್ದೇಶದಿಂದ ಹೊಯ್ಸಳ ಕನ್ನಡ ಕೂಟದವರು 'ಶಿವಲಿಂಗ' ಚಿತ್ರದ ಶೋ ಅನ್ನು ಹಮ್ಮಿಕೊಂಡಿದ್ದಾರೆ.[ರಂಗಿತರಂಗ ಅಮೆರಿಕದಲ್ಲಿ ಕೋಟಿಗಟ್ಟಲೇ ಗಳಿಕೆ]

ಹೆಚ್ಚಿನ ಮಾಹಿತಿಗಾಗಿ Apple Cinemas: 920 Walcott St, Waterbury, CT 06705, www.applecinemas.com ಗೆ ಭೇಟಿ ನೀಡಿ.