Vedha Trailer: 'ವೇದ' ಹೆದರೋದು ಇಲ್ಲ.. ಕ್ಷಮಿಸೋದು ಇಲ್ಲ: ಶಿವಣ್ಣ ಈಸ್ ಬ್ಯಾಕ್

'ವೇದ' ಪ್ರಪಂಚ ಅನಾವರಣ

ಸಿನಿಮಾ ರಿಲೀಸ್ ಡೇಟ್ ಹತ್ತಿರವಾಗ್ತಿದ್ದಂತೆ ಟ್ರೈಲರ್ ರಿಲೀಸ್ ಮಾಡಿ ಹೈಪ್ ಕ್ರಿಯೇಟ್ ಮಾಡ್ತಿದೆ ಚಿತ್ರತಂಡ. ನಿರ್ದೇಶಕ ಪಾತ್ರಗಳನ್ನು ಡಿಸೈನ್ ಮಾಡಿರುವ ರೀತಿ, ಪ್ರತಿಯೊಬ್ಬರ ಲುಕ್ಕು, ಪರ್ಫಾರ್ಮೆನ್ಸ್ ಸೂಪರ್ ಎನ್ನುವಂತಿದೆ. ಒಂದು ಊರು. ಆ ಊರಿನ ಆಚರಣೆಗಳು, ಜನರ ನಂಬಿಕೆಗಳು. ಇದ್ದಕ್ಕಿದಂತೆ ಅಲ್ಲಿ ದುಷ್ಟರ ಕಾಟ. ಅವರನ್ನು ಎದುರಿಸಿ ನಿಲ್ಲುವ ನಾಯಕ ಮತ್ತು ಆತನ ಸಂಗಡಿಗರು. ಖಳರ ವಿರುದ್ಧ 'ವೇದ'ನ ದಂಡಯಾತ್ರೆ. ಅಬ್ಬಬ್ಬಾ ಟ್ರೈಲರ್ ನಿಜಕ್ಕೂ ಅದ್ಭುತ ಅನುಭವ ನೀಡುವಂತಿದೆ.

ಪವರ್‌ಫುಲ್ ಮಹಿಳಾ ಪಾತ್ರಗಳು

ಶಿವಣ್ಣ ಎರಡು ಶೇಡ್‌ಗಳಿರುವ ಪಾತ್ರದಲ್ಲಿ ಮಿಂಚಿದ್ದಾರೆ. ಒಂದರಲ್ಲಿ ಕೊಂಚ ಯಂಗ್ ಆಗಿ ಮತ್ತೊಂದರಲ್ಲಿ ಬಿಳಿ ಗಡ್ಡ, ಮೀಸೆಯಲ್ಲಿ ವಯಸ್ಸಾದ ವ್ಯಕ್ತಿಯಾಗಿ ದರ್ಶನ ಕೊಟ್ಟಿದ್ದಾರೆ. ಇನ್ನು ಶಿವಣ್ಣನನ್ನು ಮೀರಿಸುವಂತೆ ಅದಿತಿ ಅರುಣ್ ಸಾಗರ್, ಶ್ವೇತಾ ಚೆಂಗಪ್ಪ ಅಬ್ಬರಿಸಿದ್ದಾರೆ. ಮಹಿಳಾ ಪಾತ್ರಗಳನ್ನು ಬಹಳ ಪವರ್‌ಫುಲ್ಲಾಗಿ ಕಟ್ಟಿಕೊಟ್ಟಿರುವುದು ಗೊತ್ತಾಗುತ್ತಿದೆ. ನಿಜಕ್ಕೂ ಒಬ್ಬರಿಗಿಂತ ಒಬ್ಬರು ಭಯಹುಟ್ಟಿಸುವಂತೆ ಅಬ್ಬರಿಸಿದ್ದಾರೆ. ಇದು ಪಕ್ಕಾ ಪೈಸಾ ವಸೂಲ್ ಆಕ್ಷನ್ ಪ್ಯಾಕ್ಡ್ ಸಿನಿಮಾ ಎನ್ನುವುದು ಗೊತ್ತಾಗುತ್ತಿದೆ.

ಟೆಕ್ನಿಕಲಿ ಸ್ಟ್ರಾಂಗ್‌ ಆಗಿದೆ 'ವೇದ'

ಫ್ಯಾಂಟಸಿ, ಪೌರಾಣಿಕ ಅಂಶಗಳನ್ನು ಬಿಟ್ಟು 60, 70ರ ದಶಕದಲ್ಲಿ ಒಂದು ಊರಿನಲ್ಲಿ ನಡೆದ ಕಥೆಯನ್ನು ಚಿತ್ರದಲ್ಲಿ ಕಟ್ಟಿಕೊಡುತ್ತಿರುವುದಾಗಿ ಚಿತ್ರತಂಡ ಹೇಳಿದೆ. 'ವೇದ'ನ ಜೀವನದಲ್ಲಿ ನಡೆಯುವ ಘಟನೆಗಳನ್ನು ಎಳೆ ಎಳೆಯಾಗಿ ಬಿಚ್ಚಿಡಲಾಗಿದೆ. ಅದಕ್ಕೆ ಬೇಕಾದ ಮೂಡ್ ಕ್ರಿಯೇಟ್ ಮಾಡುವಲ್ಲಿ ಟೀಂ ಸಕ್ಸಸ್ ಆಗಿರುವಂತೆ ಕಾಣುತ್ತಿದೆ. ಸ್ವಾಮಿ ಗೌಡ ಸಿನಿಮಾಟೋಗ್ರಫಿ ಹಾಗೂ ಅರ್ಜುನ್ ಮ್ಯೂಸಿಕ್ ಅದಕ್ಕೆ ಸಾಥ್ ನೀಡಿದೆ.

ಡಿ. 23ಕ್ಕೆ 'ವೇದ' ಅಬ್ಬರ

ಮೇಲ್ನೋಟಕ್ಕೆ ಇದೊಂದು ರಿವೇಂಜ್ ಡ್ರಾಮಾ ಎನ್ನುವುದು ಗೊತ್ತಾಗುತ್ತಿದೆ. ಆದರೆ ಯಾಕೆ ರಿವೇಂಜ್? ಯಾರ ಮೇಲೆ ರಿವೇಂಜ್? ಎನ್ನುವ ಪ್ರಶ್ನೆಗೆ ಡಿಸೆಂಬರ್ 23ಕ್ಕೆ ಉತ್ತರ ಸಿಗಲಿದೆ. ಕೆಲವರು ಟ್ರೈಲರ್ ನೋಡಿ ಇದು ಪ್ಯಾನ್ ಇಂಡಿಯಾ ಆಗುವಂತಹ ಸಿನಿಮಾ. ಬೇರೆ ಭಾಷೆಗಳಿಗೂ ಡಬ್ ಮಾಡಿ ಎನ್ನುತ್ತಿದ್ದಾರೆ. ಕಥೆಯ ಬಗ್ಗೆ ಸುಳಿವು ಕೊಡದೇ ಬರೀ ಭರ್ಜರಿ ದೃಶ್ಯಗಳನ್ನು ಟ್ರೈಲರ್‌ನಲ್ಲಿ ಕಟ್ ಮಾಡಿದ್ದಾರೆ. ಜೀ ಸ್ಟುಡಿಯೋಸ್ ಜೊತೆ ಸೇರಿ ಗೀತಾ ಶಿವರಾಜ್‌ಕುಮಾರ್ 'ವೇದ' ಸಿನಿಮಾ ನಿರ್ಮಾಣ ಮಾಡಿದ್ದಾರೆ.