ಅಚ್ಚರಿ ಗೂಡಾದ 'ಸಿಂಪಲ್ಲಾಗ್ ಒಂದ್ ಲವ್ ಸ್ಟೋರಿ'

ಈ ಚಿತ್ರಕ್ಕೆ ಸಂಬಂಧಿಸಿದಂತೆ, ಮಳೆಗಾಲದ ಚಿತ್ರೀಕರಣ ಈಗಾಗಲೇ ಈಗಾಗಲೇ ಪೂರ್ಣಗೊಂಡಿದೆ. ಚಳಿಗಾಲದ ಚಿತ್ರೀಕರಣವನ್ನು ನಡೆಸುತ್ತಿರುವ ಚಿತ್ರತಂಡ, ಅದು ಮುಗಿದ ಮೇಲೆ ಬೇಸಿಗೆ ಕಾಲದ ಚಿತ್ರೀಕರಣದಲ್ಲಿ ಭಾಗಿಯಾಗಲಿದೆ. ಈ ಚಿತ್ರವು ಕೃತಕ ಕಾಲಗಳ ಸೃಷ್ಟಿಗೆ ಹೋಗದೇ ನೈಜ ಚಿತ್ರಣದ ಮೂಲಕವೇ ಚಿತ್ರೀಕರಣ ಮಾಡುವುದರ ಚಿತ್ರತಂಡವು ಮೂಲಕ ಇಡೀ ಚಿತ್ರರಂಗದ ಗಮನಸೆಳೆಯುತ್ತಿದೆ.

ಕಳೆದ ಜುಲೈ ತಿಂಗಳಲ್ಲಿ ಮುಹೂರ್ತ ಆಚರಿಸಿಕೊಂಡ ಚಿತ್ರತಂಡ, ಅಂದಿನಿಂದಲೂ ಚಿತ್ರದ ಬಗ್ಗೆ ಸಾಕಷ್ಟು ಕುತೂಹಲ ಮೂಡಿಸಿ ಅದನ್ನು ಹಾಗೇ ಮುಂದುವರಿಸಿಕೊಂಡು ಬಂದಿದೆ. ಸುನಿಲ್ ನಿರ್ದೇಶನದ ಈ ಚಿತ್ರಕ್ಕೆ 'ನಮ್ ಏರಿಯಾದಲ್ ಒಂದಿನ' ಹಾಗೂ 'ತುಗ್ಲಕ್' ಚಿತ್ರದಲ್ಲಿ ನಟಿಸಿದ್ದ ರಕ್ಷಿತ್ ಶೆಟ್ಟಿ ನಾಯಕರು ಹಾಗೂ 'ಸೈಬರ್ ಯುಗದೋಳ್...' ಚಿತ್ರದ ನಾಯಕಿ ಶ್ವೇತಾ ಶ್ರೀವಾಸ್ತವ್ ನಾಯಕಿ.

ಚಿತ್ರಕ್ಕೆ ನವ ಸಂಗೀತ ನಿರ್ದೇಶಕ ಹಾಗೂ ಗಾಯಕ ಬಿಜೆ ಭರತ್ ಸಂಗೀತ ನಿರ್ದೇಶನವಿದೆ. ಮನೋಹರ್ ಜೋಶಿ ಛಾಯಾಗ್ರಹಣ ನೀಡುತ್ತಿದ್ದು ಸಚಿನ್ ಸಂಕಲನಕಾರರು. ಈ ಚಿತ್ರದ ಕಥೆ ವಿಭಿನ್ನವಾಗಿದೆ ಎಂಬ ಮಾತು ಗಾಂಧಿನಗರದ ತುಂಬಾ ಕೇಳಿಬರುತ್ತಿದ್ದು ಚಿತ್ರದ ಬಗ್ಗೆ ಸಾಕಷ್ಟು ನಿರೀಕ್ಷೆಗಳು ಮೂಡಿಬರಲು ಕಾರಣವಾಗಿದೆ. ಆದರೆ ಕಾಲಕ್ಕೆ ತಕ್ಕಂತೆ ಚಿತ್ರೀಕರಣ ನಡೆಯುತ್ತಿರುವುದರಿಂದ ಚಿತ್ರವು ತೆರೆಗೆ ಬರುವುದು ಸ್ವಲ್ಪ ತಡವಾಗಬಹುದು. (ಒನ್ ಇಂಡಿಯಾ ಕನ್ನಡ)