ಚಿತ್ರರಂಗಕ್ಕೆ ಡ್ರಗ್ಸ್ ನಂಟು: ನಟಿ ರಾಗಿಣಿಗೆ ಸಿಸಿಬಿ ನೊಟೀಸ್

ಸಂದೀಪ್ ಪಾಟೀಲ್ ನೇತೃತ್ವದಲ್ಲಿ ವಿಚಾರಣೆ

ಸಿಸಿಬಿ ಮುಖ್ಯಸ್ಥ ಸಂದೀಪ್ ಪಾಟೀಲ್ ನೇತೃತ್ವದಲ್ಲಿ ರವಿಶಂಕರ್ ಅನ್ನು ವಿಚಾರಣೆ ಒಳಪಡಿಸಿದ್ದು, ಆತನ ಹೇಳಿಕೆ ಮೇರೆಗೆ ನಟಿ ರಾಗಿಣಿಗೆ ಸಿಸಿಬಿ ನೊಟೀಸ್ ನೀಡಲಾಗಿದ್ದು, ನಾಳೆ (ಸೆಪ್ಟೆಂಬರ್ 3) ರ ಬೆಳಿಗ್ಗೆ ವಿಚಾರಣೆಗೆ ಹಾಜರಾಗುವಂತೆ ಸೂಚಿಸಲಾಗಿದೆ.

ರವಿಶಂಕರ್, ರಾಗಿಣಿಯ ಆಪ್ತ ಸ್ನೇಹಿತ

ಇದೀಗ ಸಿಸಿಬಿ ವಶದಲ್ಲಿರುವ ರವಿಶಂಕರ್, ನಟಿ ರಾಗಿಣಿ ದ್ವಿವೇದಿಯವರ ಹಳೆಯ ಸ್ನೇಹಿತ. ರಾಗಿಣಿ ಜೊತೆಗೆ ಇನ್ನೂ ಕೆಲವರೊಂದಿಗೆ ರವಿಶಂಕರ್ ಆಪ್ತವಾಗಿದ್ದಾನೆ ಎನ್ನಲಾಗಿದೆ. ವಿಚಾರಣೆ ವೇಳೆ ಮಲಯಾಳಂ ನಟನೊಬ್ಬನ ಹೆಸರನ್ನೂ ರವಿಶಂಕರ್ ಹೇಳಿದ್ದಾನೆ.

ಇನ್ನೂ ಒಬ್ಬರು ನಟಿಗೆ ನೊಟೀಸ್?

ರಾಗಿಣಿ ಮಾತ್ರವಲ್ಲದೆ ಇನ್ನೂ ಒಬ್ಬರು ನಟಿಗೂ ಸಿಸಿಬಿ ನೊಟೀಸ್ ನೀಡಲಿದೆ ಎನ್ನಲಾಗುತ್ತಿದೆ. ನಟಿ ಹಾಗೂ ಆಕೆಯ ಮ್ಯಾನೇಜರ್‌ ಇಬ್ಬರಿಗೂ ವಿಚಾರಣೆಗೆ ಹಾಜರಾಗುವಂತೆ ಸಿಸಿಬಿ ಹೇಳಲಿದೆ.

ಇನ್ನಷ್ಟು ನಟ-ನಟಿಯರಿಗೆ ನೊಟೀಸ್ ಸಾಧ್ಯತೆ

ರವಿಶಂಕರ್ ನೀಡಿರುವ ಮಾಹಿತಿಯಂತೆಯೇ ಈ ನಟಿಯರಿಗೆ ನೊಟೀಸ್ ಜಾರಿ ಮಾಡಲಾಗಿದೆ. ಮುಂದಿನ ದಿನಗಳಲ್ಲಿ ಇನ್ನಷ್ಟು ನಟ-ನಟಿಯರಿಗೆ ನೊಟೀಸ್ ನೀಡುವ ಸಾಧ್ಯತೆ ಇದೆ.