'ನಿನ್ನಿಂದಲೇ' ಚಿತ್ರಕ್ಕೆ ಡೈಲಾಗ್ ಬರೆದದ್ದು ನಾನಲ್ಲ: ಸುನಿ

ಪವರ್ ಸ್ಟಾರ್ ಪುನೀತ್ ರಾಜ್ ಕುಮಾರ್ ಹಾಗೂ ಎರಿಕಾ ಫರ್ನಾಂಡಿಸ್ ಮುಖ್ಯಭೂಮಿಯಲ್ಲಿರುವ ಚಿತ್ರಕ್ಕೆ ಡೈಲಾಗ್ ಬರೆದದ್ದು ಯಾರು ಎಂಬ ಬಗ್ಗೆ ನಾನಾ ಸುದ್ದಿಗಳು ಹರಿದಾಡುತ್ತಿವೆ. ಈ ಬಗ್ಗೆ ಒನ್ಇಂಡಿಯಾ ಕನ್ನಡವೂ ಒಂದು ಸುದ್ದಿಯನ್ನು ಪ್ರಕಟಿಸಿತ್ತು.

ಅದರ ಪ್ರಕಾರ 'ಸಿಂಪಲ್ಲಾಗ್ ಒಂದ್ ಲವ್ ಸ್ಟೋರಿ' ಚಿತ್ರದ ನಿರ್ದೇಶಕ ಸುನಿ ಅವರೇ ಚಿತ್ರಕ್ಕೆ ಪಂಚಿಂಗ್ ಡೈಲಾಗ್ ಗಳನ್ನು ಬರೆದವರು ಎಂಬುದು. ಆದರೆ ಈ ಸುದ್ದಿಯನ್ನು ಸುನಿ ಸಾರಾಸಗಟಾಗಿ ತಳ್ಳಿಹಾಕಿದ್ದಾರೆ. ನಿನ್ನಿಂದಲೇ ಚಿತ್ರಕ್ಕೆ ತಾವು ಡೈಲಾಗ್ ಬರೆದಿಲ್ಲ ಎಂದು ಸ್ಪಷ್ಟಪಡಿಸಿದ್ದಾರೆ. ['ನಿನ್ನಿಂದಲೇ' ಡೈಲಾಗ್ ಗಳ ಇಂಟರೆಸ್ಟಿಂಗ್ ಕಥೆ]

ನಿನ್ನಿಂದಲೇ ಚಿತ್ರಕ್ಕೆ ಸಂಭಾಷಣೆ ಬರೆದಿರುವವರು ಎಂಎಸ್ ರಮೇಶ್. ಆದರೆ ನನ್ನ ಹೆಸರು ಯಾಕೆ ಬಂತೋ ಗೊತ್ತಿಲ್ಲ ಎಂದು ಬೇಸರಿಸಿಕೊಂಡಿದ್ದಾರೆ ಸುನಿ. ಒಂದು ವೇಳೆ ಚಿತ್ರಕ್ಕೆ ನಾನು ಡೈಲಾಗ್ ಬರೆದಿದ್ದರೆ ಅದರಲ್ಲಿ ಮುಚ್ಚಿಡುವಂತಹದ್ದೇನು ಇರಲಿಲ್ಲ ಎಂದಿದ್ದಾರೆ. (ಒನ್ಇಂಡಿಯಾ ಕನ್ನಡ)