ಜೋಗಿ, ಭೈರತಿ ರಣಗಲ್ಲು ರೆಕಾರ್ಡ್ ಬ್ರೇಕ್ ಮಾಡಿದ 'ಟಗರು ಶಿವ'

ಜೋಗಿ ಸಿನಿಮಾ ರೆಕಾರ್ಡ್ ಬ್ರೇಕ್ ಮಾಡಿದ ಶಿವಣ್ಣ

ಶಿವರಾಜ್ ಕುಮಾರ್ ಅಭಿನಯದ ಪ್ರೇಮ್ ನಿರ್ದೇಶನದ ಜೋಗಿ ಸಿನಿಮಾ ದಾಖಲೆಯ ಚಿತ್ರಮಂದಿರಗಳಲ್ಲಿ ಬಿಡುಗಡೆ ಆಗಿತ್ತು. ಅದಷ್ಟೇ ಅಲ್ಲದೆ ಆರಂಭದ ವಾರಗಳಲ್ಲಿ ಭರ್ಜರಿ ಕಲೆಕ್ಷನ್ ಕೂಡ ಮಾಡಿತ್ತು. ಆದರೆ ಟಗರು ಈಗ ಆ ದಾಖಲೆಯನ್ನ ಮುರಿದಿದೆ.

ಮಫ್ತಿ ಚಿತ್ರಕ್ಕೂ ಮೀರಿದ ಪ್ರತಿಕ್ರಿಯೆ

ಕಳೆದ ವರ್ಷ ಅಂತ್ಯದಲ್ಲಿ ಬಿಡುಗಡೆ ಆದ ಮಫ್ತಿ ಸಿನಿಮಾವನ್ನೂ ನಿರ್ಮಾಪಕ ಜಯಣ್ಣ ಅವರೇ ವಿತರಣೆ ಮಾಡಿದ್ದಾರೆ. ಅತೀ ಹೆಚ್ಚು ಚಿತ್ರಮಂದಿರಗಳಲ್ಲಿ ಚಿತ್ರ ಬಿಡುಡಗೆ ಮಾಡಲಾಗಿತ್ತು. ಆದರೆ ಟಗರು ಅದಕ್ಕೂ ಹೆಚ್ಚಿನ ಥಿಯೇಟರ್ ನಲ್ಲಿ ರಿಲೀಸ್ ಆಗಿದೆ.

ಅದ್ಬುತ ಪ್ರತಿಕ್ರಿಯೆ

ಟಗರು ಸಿನಿಮಾವನ್ನ ಜಯಣ್ಣ ಕಂಬೈನ್ಸ್ ಮೂಲಕ ವಿತರಣೆ ಮಾಡಲಾಗುತ್ತಿದೆ. 250 ಸಿಂಗಲ್ ಸ್ಕ್ರೀನ್ 50 ಮಲ್ಟಿಫ್ಲೆಕ್ಸ್ ನಲ್ಲಿ ಟಗರು ಬಿಡುಗಡೆ ಆಗಿದ್ದು ರಾಜ್ಯದ ಮೂಲೆ ಮೂಲೆಯಲ್ಲೂ ಅದ್ಬುತ ಪ್ರತಿಕ್ರಿಯೆ ಪಡೆದುಕೊಳ್ಳುತ್ತಿದೆ ಎಂದು ಜಯಣ್ಣ ತಿಳಿಸಿದ್ದಾರೆ.

ಬಾಕ್ಸ್ ಆಫೀಸ್ ಸದ್ದು ಮಾಡುತ್ತಿರುವ ಟಗರು

ಟಗರು ಸಿನಿಮಾ ಬಿಡುಗಡೆ ಆಗಿ ನಾಲ್ಕು ದಿನಗಳು ಕಳೆದಿವೆ. ಇಷ್ಟೇ ಗಳಿಕೆ ಆಗಿದೆ ಎಂದು ಹೇಳದೇ ಇದ್ದರೂ ಗ್ರಾಸ್ ಲೆಕ್ಕದಲ್ಲಿ 12 ಕೋಟಿ ಹಣ ಗಳಿಸಿದ್ದೇವೆ ಎಂದು ವಿತರಕರು ತಿಳಿಸಿದ್ದಾರೆ.

ಟಗರು ವೀಕ್ಷಣೆ ಮಾಡಲಿರುವ ರಾಮಲಿಂಗ ರೆಡ್ಡಿ

ಶಿವಣ್ಣನ ಟಗರು ಚಿತ್ರವನ್ನ ಕರ್ನಾಟಕ ಸರ್ಕಾರದ ಗೃಹ ಸಚಿವರಾದ ರಾಮಲಿಂಗಾರೆಡ್ಡಿ ಅವರು ವೀಕ್ಷಿಸಲಿದ್ದಾರೆ. ರಾಮಲಿಂಗಾ ರೆಡ್ಡಿ ಜೊತೆ ಅವರ ಮಗಳು ಸೌಮ್ಯರೆಡ್ಡಿ ಅವರು ಕೂಡ ಸಿನಿಮಾ ವೀಕ್ಷಿಸಲಿದ್ದಾರೆ. ಚಿತ್ರ ಆರಂಭಕ್ಕೂ ಮುನ್ನ ಅತಿಥಿಗಳ ಜೊತೆ ಒಂದು ಸಂವಾದ ಕೂಡ ಏರ್ಪಡಿಲಾಗಿದೆ.