ಮಾರ್ಚ್ 1ಕ್ಕೆ 'ಯಜಮಾನ' ಚಿತ್ರದ ಜೊತೆ ಬರ್ತಿದೆ 2 ಕನ್ನಡ ಸಿನಿಮಾ

ರಾಘಣ್ಣನ ಅಮ್ಮನ ಮನೆ

ರಾಘವೇಂದ್ರ ರಾಜ್ ಕುಮಾರ್ ತುಂಬಾ ವರ್ಷದ ನಂತರ ನಟಿಸಿರುವ ಸಿನಿಮಾ ಅಮ್ಮನ ಮನೆ. ಸದ್ಯ ಪೋಸ್ಟರ್, ಟೀಸರ್ ನಿಂದ ಗಮನ ಸೆಳೆದಿರುವ ಈ ಚಿತ್ರದ ಆಡಿಯೋ ಫೆಬ್ರವರಿ 23 ರಂದು ಆಗಲಿದೆ. ಈ ಚಿತ್ರ ಮಾರ್ಚ್ 1 ರಂದು ಚಿತ್ರಮಂದಿರಕ್ಕೆ ಬರ್ತಿರುವುದು ಕುತೂಹಲ ಮೂಡಿಸಿದೆ.

ಕಾಲೇಜ್ ಡೇಸ್

ಕಲರ್ಸ್ ಕ್ರಿಯೇಷನ್ ಬ್ಯಾನರ್ ಅಡಿಯಲ್ಲಿ ಎಂ.ಎಸ್.ರವೀಂದ್ರ ನಿರ್ದೇಶನದಲ್ಲಿ ಮೂಡಿ ಬರುತ್ತಿರುವ 'ಕಾಲೇಜ್ ಡೇಸ್' ಸಿನಿಮಾ ಮಾರ್ಚ್ 1 ರಂದೇ ಬರುವುದಾಗಿ ಘೋಷಿಸಿಕೊಂಡಿದೆ. ಸದ್ಯ ಟ್ರೈಲರ್, ಹಾಡುಗಳನ್ನ ರಿಲೀಸ್ ಮಾಡಿ ತಕ್ಕ ಮಟ್ಟಿಗೆ ಸದ್ದು ಮಾಡಿದೆ. ಅಕ್ಷಯ್ ನಾಯಕನಾಗಿದ್ದು ಪಲ್ಲವಿ ಮತ್ತು ಸ್ಮಿತಾ ನಾಯಕಿಯಾಗಿ ನಟಿಸಿದ್ದಾರೆ.

ಮುಂದಕ್ಕೆ ಹೋಗುತ್ತಾ?

ಸದ್ಯಕ್ಕೆ ಈ ಎರಡು ಚಿತ್ರಗಳು ರಿಲೀಸ್ ದಿನಾಂಕವನ್ನ ಘೋಷಿಸಿದೆ. ದರ್ಶನ್ ಸಿನಿಮಾ ಅತಿ ಹೆಚ್ಚು ಚಿತ್ರಮಂದಿರಗಳಲ್ಲಿ ತೆರೆಕಾಣುತ್ತಿರುವುದರಿಂದ, ಈ ಚಿತ್ರಗಳಿಗೆ ಥಿಯೇಟರ್ ಕೊರತೆ ಎದುರಾಗಬಹುದು ಎಂಬ ನಿರೀಕ್ಷೆ ಇದೆ. ಇನ್ನು ಒಂದು ವಾರ ಸಮಯವಿದ್ದು, ಅಷ್ಟರಲ್ಲಿ ಮುಂದಕ್ಕೆ ಹೋಗಬಹುದಾ ಎಂಬ ಲೆಕ್ಕಾಚಾರ ಇದೆ.

ಯಜಮಾನ ಜೊತೆ ಮತ್ಯಾರು?

ಸದ್ಯಕ್ಕೆ ಯಜಮಾನ, ಅಮ್ಮನ ಮನೆ, ಕಾಲೇಜ್ ಡೇಸ್ ಚಿತ್ರಗಳು ಮಾರ್ಚ್ 1ಕ್ಕೆ ಬರ್ತಿದೆ. ಇದರ ಜೊತೆ ಮತ್ಯಾವ ಚಿತ್ರಗಳು ಬರಲಿದೆ ಎಂಬುದರ ಬಗ್ಗೆ ಸದ್ಯಕ್ಕೆ ಮಾಹಿತಿ ಇಲ್ಲ. ಕನ್ನಡದ ಜೊತೆ ತೆಲುಗು, ಹಿಂದಿ, ತಮಿಳು ಚಿತ್ರಗಳು ಬರುವ ಸಾಧ್ಯತೆ ಇದೆ.