ಚೆನ್ನೈ ಬೀಚ್ ರೆಸಾರ್ಟ್ ನಲ್ಲಿ 'ಮಳ್ಳಿ' ಜತೆ ಉಪೇಂದ್ರ

ಸೂಪರ್ ಸ್ಟಾರ್ ಉಪೇಂದ್ರ

'ರೆಟ್ರೋ ಫೀಲ್' ಹೊಂದಿರುವ ಈ ಹಾಡಿಗೆ ಬಳಸಲಾದ ಉಪೇಂದ್ರ ಕಾಸ್ಟ್ಯೂಮ್ ಬೆಲೆಯೇ ರು. 25,000 ಆಗಿದ್ದು, 70 ವಿದೇಶಿ ಸಹನರ್ತಕಿಯರು ಅಂದು ಉಪೇಂದ್ರರ ಜೊತೆಯಲ್ಲಿದ್ದರು. 'ಚಿನ್ನಿ ಪ್ರಕಾಶ್' ನೃತ್ಯ ನಿರ್ದೇಶನದಲ್ಲಿ ಮೂಡಿಬಂದ ಆ ಹಾಡು, ಶೂಟಿಂಗ್ ತಾಣದಲ್ಲಿ ನೆರೆದಿದ್ದ ಬಹಳಷ್ಟು ಜನರ ಗಮನಸೆಳೆದಿದೆ. ಪ್ರಸಿದ್ಧ ಸಂಗೀತಗಾರ 'ಎಲ್ವಿಸ್ ಪ್ರೆಸ್ಲಿ' ಹೋಲುವ ಲುಕ್ ನಲ್ಲಿ ಉಪೇಂದ್ರ ಆ ಹಾಡಿನಲ್ಲಿ ಮಿಂಚುತ್ತಿದ್ದರು. ಈ ಹಾಡಿನ್ನು 4 ದಿನಗಳ ಕಾಲ ಅಲ್ಲಿ ಶೂಟ್ ಮಾಡಲಾಗಿದ

ಇತ್ತ, ಉಪೇಂದ್ರ ನಾಯಕತ್ವದ 'ಕಲ್ಪನಾ' ಚಿತ್ರ ಇತ್ತೀಚಿಗಷ್ಟೇ ಚಿತ್ರೀಕರಣ ಮುಗಿಸಿ ಸದ್ಯದಲ್ಲೇ ತೆರೆಗೆ ಬರಲು ಸಜ್ಜಾಗಿದೆ. ತಮಿಳಿನ ಯಶಸ್ವಿ ಚಿತ್ರ 'ಕಾಂಚನಾ' ರೀಮೇಕ್ ಕನ್ನಡದ 'ಕಲ್ಪನಾ'. ಈ ಚಿತ್ರದಲ್ಲಿ ಸಾಯಿಕುಮಾರ್ ಕೂಡ ಉಪೇಂದ್ರ ಜತೆಗೂಡಿರುವುದು ವಿಶೇಷ. 'ಕಲ್ಪನಾ' ಚಿತ್ರದ ನಾಯಕಿ ಲಕ್ಷ್ಮೀ ರೈ. ಉಪೇಂದ್ರ ನಟನೆಯ ಈ ಚಿತ್ರಕ್ಕೂ ಕೂಡ ವಿ ಹರಿಕೃಷ್ಣ ಸಂಗೀತ ಸಂಯೋಜಿಸಿದ್ದಾರೆ.

'ಟೋಪಿವಾಲಾ' ಚಿತ್ರದ ಚಿತ್ರೀಕರಣದಲ್ಲಿ ಸದ್ಯಕ್ಕೆ ಬಿಜಿಯಾಗಿರುವ ಉಪೇಂದ್ರ, ಬರುವ ತಿಂಗಳು 18 ಕ್ಕೆ (ಸೆಪ್ಟೆಂಬರ್ 18, 2012) ಹೋಮ್ ಬ್ಯಾನರಿನಲ್ಲಿ ತಮ್ಮದೇ ನಟನೆ ಹಾಗೂ ನಿರ್ದೇಶನದ ಹೊಸ ಚಿತ್ರವನ್ನು ಲಾಂಚ್ ಮಾಡಲಿದ್ದಾರೆ. ಸಿಕ್ಕ ಮಾಹಿತಿ ಪ್ರಕಾರ ಅದು 'ಉಪೇಂದ್ರ- 2'. ಅಷ್ಟರಲ್ಲಿ ಈ 'ಟೋಪಿವಾಲಾ' ಚಿತ್ರೀಕರಂ ಮುಗಿಸುವ ಕಮಿಟ್ ಮೆಂಟ್ ಉಪ್ಪಿಯದು. ಒಟ್ಟಿನಲ್ಲಿ, 'ಟೋಪಿವಾಲಾ'ದಲ್ಲಿ ಅದ್ದೂರಿ ಹಾಡೊಂದು ಉಪೇಂದ್ರ ಅಭಿಮಾನಿಗಳಿಗೆ ಕಾದಿದೆ. ಅಂದಹಾಗೆ, ಟೋಪಿವಾಲಾ ನಾಯಕಿ 'ಜಾಕಿ' ಭಾವನಾ.