ನೆಲಸಮವಾಗಲಿದೆ ಕ್ರೇಜಿಸ್ಟಾರ್ ರವಿಚಂದ್ರನ್ ಮನೆ

ಕ್ರೇಜಿಸ್ಟಾರ್

ಈಗ ಕ್ರೇಜಿಸ್ಟಾರ್ ರವಿಚಂದ್ರನ್ ತಮ್ಮ ನಿವಾಸವನ್ನು ಬದಲಾಯಿಸಿದ್ದಾರೆ. ವಾಸ್ತುತಜ್ಞರ ಸಲಹೆ ಸೂಚನೆಗಳ ಮೇರೆಗೆ ಈ ಬದಲಾವಣೆ ಎನ್ನಲಾಗಿದೆ. ಈಗವರ ಫ್ಯಾಮಿಲಿ ಯಲಹಂಕ ಸಮೀಪದ ನ್ಯಾಯಾಂಗ ಬಡಾವಣೆಗೆ ಶಿಫ್ಟ್ ಆಗಿದೆ.

'ಏಕಾಂಗಿ' ಚಿತ್ರದಿಂದ ಆರಂಭವಾದ ರವಿಚಂದ್ರನ್ ಅವರ ಸೋಲಿನ ಪರ್ವಕ್ಕೆ ಇನ್ನೂ ಮುಗಿದಿಲ್ಲ. ಈಗವರು ತಮ್ಮ ಮನೆಯನ್ನು ಬದಲಾಯಿಸುವ ಮೂಲಕ ಗೆಲುವಿನ ನಗೆ ಬೀರಲು ಹಾತೊರೆಯುತ್ತಿದ್ದಾರೆ. ಅವರ 'ಮಂಜಿನ ಹನಿ' ಚಿತ್ರವೂ ಹನಿಹನಿಯಾಗಿ ತಯಾರಾಗುತ್ತಿದೆ.

ಇನ್ನು ರಾಜ್ ಕುಮಾರ್ ರಸ್ತೆಯಲ್ಲಿನ ಮನೆಯನ್ನು ಕೆಡವಿ ಅಲ್ಲಿ ಸ್ಟುಡಿಯೋ ನಿರ್ಮಾಣ ಮಾಡುವ ಬಗ್ಗೆಯೂ ಆಲೋಚನೆ ಇದೆಯಂತೆ. ಗಾಂಧಿನಗರ ಈಶ್ವರಿ ಕಚೇರಿಯನ್ನೂ ನೆಲಸಮ ಮಾಡಿ ಹೊಸ ಕಟ್ಟಡ ಕಟ್ಟುವ ಕೆಲಸವೂ ನಡೆಯುತ್ತಿದೆ.

ಇದು ಹೀಗೆ ನಡೆಯುತ್ತಿದ್ದರೆ ಇನ್ನೊಂದು ಗಾಸಿಪ್ ಸಹ ಬಲವಾಗಿ ಬೀಸುತ್ತಿದೆ. ಅದೇನೆಂದರೆ...ಸಾಲದ ಹೊರೆ ಜಾಸ್ತಿಯಾಗಿ ರವಿಚಂದ್ರನ್ ಈ ರೀತಿ ಮಾಡುತ್ತಿದ್ದಾರೆ ಎಂಬುದು. ಆದರೆ ರವಿ ಮಾತ್ರ ಈ ಬಗ್ಗೆ ಕ್ಯಾರೆ ಎನ್ನುತ್ತಿಲ್ಲ.