ಬಿಡುಗಡೆ ದಿನವೇ 'ಕೆಜಿಎಫ್-2' ಆ ದಾಖಲೆ ಉಡೀಸ್ ಮಾಡಿದ 'ರೋಣ'

'ವಿಕ್ರಾಂತ್ ರೋಣ' ಚಿತ್ರಕ್ಕೆ 1047 ಕನ್ನಡ ಶೋಗಳು!

ಒಂದು ಅಂದಾಜಿನ ಪ್ರಕಾರ, ದೇಶಾದ್ಯಂತ ಮೊದಲ ದಿನ 'ವಿಕ್ರಾಂತ್ ರೋಣ' ಚಿತ್ರಕ್ಕೆ 1047 ಕನ್ನಡ ಶೋಗಳು ಸಿಕ್ಕಿವೆ. 'ಕೆಜಿಎಫ್-2'ಚಿತ್ರಕ್ಕೆ 913 ಶೋಗಳು ದಕ್ಕಿತ್ತು. ಹಾಗಾಗಿ ಅದೊಂದು ವಿಚಾರದಲ್ಲಿ ಈಗಾಗಲೇ ರಾಕಿ ಭಾಯ್‌ನ ಮೀರಿಸಿ ರೋಣ ಮುಂದೆ ಹೊರಟಿದ್ದಾನೆ. ಕರ್ನಾಟಕದಲ್ಲಿ 918 ಶೋಗಳು ಹೊರ ರಾಜ್ಯಗಳಲ್ಲಿ 129 ಶೋಗಳು ಸೇರಿ ಸಂಖ್ಯೆ ಸಾವಿರದ ಗಡಿ ದಾಟಿದೆ. ದಾಖಲೆಗಳು ಇರೋದೇ ಮುರಿಯೋದಕ್ಕೆ. ಎರಡೂ ನಮ್ಮ ಕನ್ನಡ ಸಿನಿಮಾಗಳೇ ಅಂತ ಮತ್ತೆ ಕೆಲವರು ಖುಷಿ ಪಡುತ್ತಿದ್ದಾರೆ.

ಟಾಪ್- 5 ಸಿನಿಮಾ ಪಟ್ಟಿ

ಇನ್ನು ದೇಶಾದ್ಯಂತ ಮೊದಲ ದಿನ ಮಲ್ಟಿಫ್ಲೆಕ್ಸ್‌ಗಳಲ್ಲಿ ಅತಿ ಹೆಚ್ಚು ಕನ್ನಡ ಶೋಗಳು ಕಂಡ ಟಾಪ್‌ ಸಿನಿಮಾಗಳು ಯಾವುದು ಅಂತ ನೋಡೋದಾದರೆ 'ವಿಕ್ರಾಂತ್ ರೋಣ' ಮೊದಲ ಸ್ಥಾನದಲ್ಲಿದ್ದರೆ ಎರಡನೇ ಸ್ಥಾನದಲ್ಲಿ 'ಕೆಜಿಎಫ್‌- 2' ಇದ್ದು, ಮೂರನೇ ಸ್ಥಾನದಲ್ಲಿ 'ಜೇಮ್ಸ್'(845), ನಾಲ್ಕನೇ ಸ್ಥಾನದಲ್ಲಿ 'ಯುವರತ್ನ'(718), ಐದನೇ ಸ್ಥಾನದಲ್ಲಿ 'ಪೊಗರು'(651) ಸಿನಿಮಾ ಇದೆ.

ಪ್ರೀಮಿಯರ್‌ ಶೋಗಳಿಗೆ ರೆಸ್ಪಾನ್ಸ್ ಹೇಗಿದೆ?

ದುಬೈ ಸೇರಿದಂತೆ ಹಲವು ದೇಶಗಳಲ್ಲಿ 'ವಿಕ್ರಾಂತ್ ರೋಣ' ಪ್ರೀಮಿಯರ್‌ ಶೋಗಳು ಯಶಸ್ವಿಯಾಗಿ ಮುಗಿದಿದ್ದು, ಪ್ರೇಕ್ಷಕರಿಂದ ಅದ್ಭುತ ಪ್ರತಿಕ್ರಿಯೆ ಸಿಕ್ಕಿದೆ. ಸುದೀಪ್ ಪರ್ಫಾರ್ಮೆನ್ಸ್, ಮೇಕಿಂಗ್, ಅನೂಪ್ ಭಂಡಾರಿ ಕೈಚಳಕದ ಬಗ್ಗೆ ಮೆಚ್ಚುಗೆ ವ್ಯಕ್ತವಾಗಿದೆ. ಕೆಲವೇ ನಿಮಿಷಗಳಲ್ಲಿ ಕರ್ನಾಟಕದಲ್ಲಿ ಪ್ರೇಕ್ಷಕರು ಸಿನಿಮಾ ಭವಿಷ್ಯ ನುಡಿಯಲಿದ್ದಾರೆ.

Recommended Video

Vikrant Rona Public Reaction | ಈ ಥಿಯೇಟರ್ ರಿವ್ಯೂ ಸುದೀಪ್ ಗೆ ತುಂಬಾ ಸ್ಪೆಷಲ್ | Chitradurga Fans | Sudeep

ಸಿನಿಮಾ ಫಸ್ಟ್ ಡೇ ಕಲೆಕ್ಷನ್ ಎಷ್ಟಾಗಬಹುದು?

'ವಿಕ್ರಾಂತ್ ರೋಣ' ಕ್ರೇಜ್‌ ನೋಡುತ್ತಿದ್ದರೆ ಫಸ್ಟ್ ಡೇ ಬಾಕ್ಸಾಫೀಸ್‌ನಲ್ಲಿ ಭರ್ಜರಿ ಕಲೆಕ್ಷನ್ ನಿರೀಕ್ಷೆ ಮಾಡಲಾಗುತ್ತಿದೆ. ಪ್ರೀಮಿಯರ್‌ ಶೋಗಳು, ಅಡ್ವಾನ್ಸ್‌ ಬುಕಿಂಗ್‌ಗೆ ಸಿಕ್ಕಿರುವ ರೆಸ್ಪಾನ್ಸ್ ಗಮನಿಸಿದರೇ ಮೊದಲ ದಿನವೇ ಅನಾಯಾಸವಾಗಿ 50 ಕೋಟಿಗೂ ಅಧಿಕ ಗಳಿಕೆ ಮಾಡುವ ಸಾಧ್ಯತೆಯಿದೆ.