'ಜಗ್ಗುದಾದ'ನ ಸ್ನೇಹದ ಬಗ್ಗೆ ಭಾವುಕರಾದ 'ಮರಿ ಟೈಗರ್'

ನನ್ನ ಆತ್ಮೀಯ ಗೆಳೆಯ

''ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಅವರು ನನ್ನ ಆತ್ಮೀಯ ಗೆಳೆಯ. ಲವ್ ಯೂ ಬಾಸ್. ನಾನು ಅವರನ್ನ ಪ್ರೀತಿಯಿಂದ 'ಬಿಗ್ ಬಾಸ್', ಚಾಲೆಂಜಿಂಗ್ ಸ್ಟಾರ್ ಅಂತ ಕರೆಯುತ್ತೇನೆ'' - ವಿನೋದ್ ಪ್ರಭಾಕರ್, ನಟ

ಸ್ನೇಹಕ್ಕಾಗಿ ಪ್ರಾಣ ಕೊಡ್ತಾರೆ

''ದರ್ಶನ್ ಅವರನ್ನ ತುಂಬ ಜನ ಅರ್ಥ ಮಾಡಿಕೊಳ್ಳಲ್ಲ. ಯಾಕಂದ್ರೆ, ಅವರು ಒರಟು ಅಂತ. ಆದ್ರೆ. ಸ್ನೇಹಕೋಸ್ಕರ ಪ್ರಾಣ ಕೊಡ್ತಾರೆ. ಅವರು ಎಷ್ಟೊಂದು ಜನಕ್ಕೆ ಒಳ್ಳೆಯದು ಮಾಡಿದ್ದಾರೆ. ಆದ್ರೆ, ಯಾರಿಗೂ ಗೊತ್ತಾಗಲ್ಲ ಅಷ್ಟೇ. ಬಲಗೈಯಲ್ಲಿ ಮಾಡಿದ ಕೆಲಸ ಎಡಗೈಗೆ ಗೊತ್ತಾಗಬಾರದು ಎಂಬ ಸ್ವಭಾವ ಅವರದ್ದು'' - ವಿನೋದ್ ಪ್ರಭಾಕರ್, ನಟ

ಟ್ರೈಲರ್ ನೋಡಿ ಸಂತೋಷ ಪಟ್ಟಿದ್ದರು

''ಮೊದಲು ಅವರಿಗೆ ಟ್ರೈಲರ್ ತೋರಿಸಿದ್ದೆ. ಬರಿ ಟ್ರೈಲರ್ ನೋಡಿಯೇ ನನಗೆ ಹೊಗಳಿದ್ದರು. ಹೇರ್ ಸ್ಟೈಲ್, ಕಾಮಿಡಿ, ಪೊಲೀಸ್ ಗೆಟಪ್ ಹೀಗೆ....ಎಲ್ಲವೂ ಚೆನ್ನಾಗಿದೆ ಎಂದಿದ್ದರು.

ಸಿನಿಮಾ ನೋಡ್ಬೇಕು ಅಂತ ಫೋನ್ ಮಾಡಿದ್ರು

'ಕ್ರ್ಯಾಕ್' ಚಿತ್ರದ ಬಗ್ಗೆ ಅವರೇ ಫೋನ್ ಮಾಡಿ ಮೈಸೂರು, ಎಲ್ಲ ಕಡೆ ವಿಚಾರಿಸಿದ್ದಾರೆ. ರೆಸ್ಪಾನ್ಸ್ ಕೇಳ್ಕೊಂಡು, ನನಗೆ ಫೋನ್ ಮಾಡಿದ್ರು. ಟೈಗರ್ ಸಿನಿಮಾ ನೋಡ್ಬೇಕು ಅಂತ. ಆಮೇಲೆ, ನಾನು ನಿರ್ಮಾಪಕರಿಗೆ ಫೋನ್ ಮಾಡಿ ಒಂದು ಸಿಡಿ ಸಿದ್ದ ಮಾಡಿ, ಹೈದರಾಬಾದ್ ಗೆ ಕೊರಿಯರ್ ಮಾಡಿದ್ವಿ. ನಂತರ ಸಿನಿಮಾ ನೋಡಿ ನಮಗೆ ಫುಲ್ ಸಪೋರ್ಟ್ ಮಾಡಿದ್ರು.

ಥ್ಯಾಂಕ್ ಯೂ ದರ್ಶನ್ ಸರ್

''ನನ್ನ ಪರವಾಗಿ, ಕರ್ನಾಟಕದ ಜನತೆಗೆ, ಅವರ ಅಭಿಮಾನಿಗಳಿಗೆ ಚಿತ್ರಮಂದಿರಕ್ಕೆ ಹೋಗಿ ಸಿನಿಮಾ ನೋಡಿ ಎಂದು ಮನವಿ ಮಾಡಿಕೊಂಡರು. ನಮ್ಮ ತಂದೆ ಅವರಂತೆ ನಾನು ಬೆಳೆಯಬೇಕು ಎಂದು ಆಶಿಸಿದರು. ಸೋ ಥ್ಯಾಂಕ್ ಯೂ ದರ್ಶನ್ ಸರ್'' ಎಂದು ತಮ್ಮ ಮನದಾಳದ ಮಾತುಗಳನ್ನ ನಟ ವಿನೋದ್ ಪ್ರಭಾಕರ್ ಹೊರ ಹಾಕಿದರು.