ಸೂಪರ್ ಸ್ಟಾರ್ ರಜನಿಕಾಂತ್ ಜೊತೆ ಶ್ರೀಮುರಳಿ

ಸದ್ಯಕ್ಕೆ ಸೂಪರ್ ಸ್ಟಾರ್ ರಜನಿಕಾಂತ್ ಅವರು 'ಲಿಂಗಾ' ಚಿತ್ರದಲ್ಲಿ ಬಿಜಿಯಾಗಿದ್ದಾರೆ. ಈ ಚಿತ್ರವನ್ನು ರಾಕ್ ಲೈನ್ ವೆಂಕಟೇಶ್ ನಿರ್ಮಿಸುತ್ತಿರುವುದು ಗೊತ್ತೇ ಇದೆ. ಮಂಡ್ಯ, ಮೈಸೂರು ಸುತ್ತಮುತ್ತ ಈ ಚಿತ್ರದ ಚಿತ್ರೀಕರಣ ಭರದಿಂದ ಸಾಗಿದ್ದು ಅಭಿಮಾನಿಗಳು ರಜನಿಯನ್ನು ನೋಡಲು ಹರಸಾಹಸ ಪಟ್ಟಿದ್ದನ್ನೂ ಓದಿಯೇ ಇರುತ್ತೀರ.

ಇದೀಗ ಸೈಲೆಂಟ್ ಸ್ಟಾರ್ ಶ್ರೀಮುರಳಿ ಅವರ ರಜನಿಯೊಂದಿಗಿನ ಚಿತ್ರ ಫೇಸ್ ಬುಕ್ ನಲ್ಲಿ ಸಾಕಷ್ಟು ಗದ್ದಲ ಎಬ್ಬಿಸಿದೆ. ಇಷ್ಟಕ್ಕೂ ಈ ಚಿತ್ರ ಇತ್ತೀಚೆಗಿನದಲ್ಲ. ಅಂಬಿ ಸಂಭ್ರಮದಲ್ಲಿ ತೆಗೆದದ್ದು. ಆಗ ತೆಗೆದ ಫೋಟೋ ಈಗ ಯಾಕೆ ಹಾಕಿದರು ಎಂಬುದನ್ನು ಸ್ವತಃ ಶ್ರೀಮುರಳಿ ಹೇಳಿದ್ದಾರೆ. [ಇದು ಜೋಕ್ ಅಲ್ಲ ನಿಜ, ಟ್ವಿಟ್ಟರ್ ಗೆ ರಜನಿಕಾಂತ್]

ಈ ಸಂದರ್ಭದಲ್ಲಿ ರಜನಿ ಜೊತೆಗಿನ ತಮ್ಮ ಫೋಟೋವನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಹಾಕಿ ಶ್ರೀಮುರಳಿ ಸಂಭ್ರಮಿಸಿದ್ದಾರೆ. ಇನ್ನು ಶ್ರೀಮುರಳಿ ಅಭಿನಯದ ಉಗ್ರಂ ಚಿತ್ರ 75 ದಿನಗಳನ್ನು ಪೂರೈಸಿದ್ದು ಶತದಿನೋತ್ಸವಕ್ಕೆ ಹತ್ತಿರವಾಗುತ್ತಿದೆ. ರಜನಿ ಅವರ ಅನಿಮೇಶನ್ ಚಿತ್ರ ಕೋಚಡಿಯಾನ್ ಚಿತ್ರ ಮೇ.23ಕ್ಕೆ ತೆರೆಕಾಣುತ್ತಿದೆ. (ಏಜೆನ್ಸೀಸ್)