'ವಾಸ್ತು ಪ್ರಕಾರ' ಸ್ವಿಟ್ಜರ್ಲೆಂಡ್ ಗೆ ಹಾರಿದ ಭಟ್ರ ಟೀಂ

ಯೋಗರಾಜ ಭಟ್ರ 'ವಾಸ್ತುಪ್ರಕಾರ' ಚಿತ್ರತಂಡ ಇವತ್ತು (ಜೂ.5) ಸ್ವಿಟ್ಜರ್ಲೆಂಡ್ ಗೆ ಪ್ರಯಾಣ ಬೆಳೆಸ್ತಿದೆ. ಭಟ್ರು ಫಾರೀನ್ ನಲ್ಲಿ ಶೂಟಿಂಗ್ ಮಾಡ್ತಿದ್ದಾರೆ ಅಂತ ಗಾಂಧಿನಗರ ಅಚ್ಚರಿಯಿಂದ ನೋಡ್ತಿದೆ. ಭಟ್ರ ವಾಸ್ತುಪ್ರಕಾರ ಟೀಂನಲ್ಲಿ ಇತ್ತೀಚೆಗ್ಯಾಕೋ ಸಿಕ್ಕಾಪಟ್ಟೆ ಬದಲಾವಣೆಗಳಾಗ್ತಿವೆ. ಈಗ ಮತ್ತೊಬ್ಬ ಹೀರೋಯಿನ್ ಚೇಂಜ್ ಆಗಿದ್ದಾರೆ.

ಇವತ್ತು ರಕ್ಷಿತ್ ಶೆಟ್ಟಿ, ಐಶಾನಿ ಶೆಟ್ಟಿ ಟೀಂ ಜೊತೆ ಯೋಗರಾಜ್ ಭಟ್ರು ವಿಮಾನ ಏರಲಿದ್ದಾರೆ. ಭಟ್ರು ಹಿಂದಿನ ತಮ್ಮ ಸಿನಿಮಾಗಳಿಗೆ ಫಾರಿನ್ ನಲ್ಲಿ ಶೂಟಿಂಗ್ ಮಾಡೋ ಮನಸ್ಸು ಮಾಡಿರಲಿಲ್ಲ. ಇನ್ನು ರಕ್ಷಿತ್ ಶೆಟ್ಟಿ ಕೂಡ ಶೂಟಿಂಗಾಗಿ ಮೊದಲ ಬಾರಿ ಫಾರಿನ್ ಗೆ ಹಾರ್ತಿದ್ದಾರೆ. ಚಿತ್ರದ ಮೂವತ್ತು ಪರ್ಸೆಂಟ್ ಚಿತ್ರೀಕರಣ ಸ್ವಿಟ್ಜರ್ಲೆಂಡ್ ನಲ್ಲೇ ಇರಲಿದೆಯಂತೆ. [ವಾಸ್ತು ಪ್ರಕಾರ ಬಣ್ಣ ಹಚ್ಚಿದ 'ಬ್ರಹ್ಮಾಂಡ' ಬಾಬು]

ಭಟ್ರ ಟೀಂನಲ್ಲಿ ಕೊನೇ ಕ್ಷಣದವರೆಗೂ ಬದಲಾವಣೆಗಳಾಗ್ತಿವೆ. ಕೇಳಿದ್ರೆ... ವಾಸ್ತುಪ್ರಕಾರ ಎಲ್ಲವೂ ಆಗ್ಬೇಕಲ್ವಾ ಅನ್ನೋ ಉತ್ತರವನ್ನ ಭಟ್ರು ಕೊಡಬಹುದು ಏನಂತೀರಾ?