ಚಿತ್ರರಂಗಕ್ಕೆ ಗುಡ್‌ನ್ಯೂಸ್: ಕೇರಳ ಸರ್ಕಾರದಿಂದ ಸ್ವಂತ ಒಟಿಟಿಗೆ ನಿರ್ಧಾರ

ಸ್ವಂತ ಒಟಿಟಿಗೆ ಅಧ್ಯಯನ ನಡೆಯುತ್ತಿದೆ

''ಸ್ವಂತವಾಗಿ ಒಟಿಟಿ ಪ್ಲಾಟ್‌ ಫಾರ್ಮ್ ಪ್ರಾರಂಭಿಸಬೇಕೋ ಅಥವಾ ಈಗಾಗಲೇ ಅಸ್ತಿತ್ವದಲ್ಲಿರುವ ಪ್ಲಾಟ್‌ ಫಾರ್ಮ್‌ನ ಸೇವೆ ಖರೀದಿಸಿ ಸರ್ಕಾರವೇ ನೋಡಿಕೊಳ್ಳಬೇಕೋ ಎಂದು ಆಲೋಚಿಸಲಾಗುತ್ತಿದೆ. ಈ ಕಾರ್ಯಸಾಧ್ಯತೆಯನ್ನು ಅಧ್ಯಯನ ಮಾಡುವ ಜವಾಬ್ದಾರಿಯನ್ನು ಸಂಸ್ಕೃತಿ ಇಲಾಖೆಯ ಕಾರ್ಯದರ್ಶಿ ಮತ್ತು ಕೇರಳ ರಾಜ್ಯ ಚಲನಚಿತ್ರ ಅಭಿವೃದ್ಧಿ ನಿಗಮದ ವ್ಯವಸ್ಥಾಪಕ ನಿರ್ದೇಶಕರಿಗೆ ನೀಡಲಾಗಿದೆ'' ಎಂದು ಈ ಸಂದರ್ಭದಲ್ಲಿ ಹೇಳಿದರು.

ಸಣ್ಣ ಚಿತ್ರಗಳಿಗೆ ದೊಡ್ಡ ಸಹಾಯ

ಕೊರೊನಾವೈರಸ್ ಬಿಕ್ಕಟ್ಟಿನಿಂದ ಸಣ್ಣ ಮಟ್ಟದ ಚಿತ್ರಗಳಿಗೆ ದೊಡ್ಡ ಹೊಡೆತ ಬಿದ್ದಿದೆ. ಈ ಸಲುವಾಗಿ ಸರ್ಕಾರದ ಒಟಿಟಿ ಮೂಲಕ ಸಾಧ್ಯವಾದಷ್ಟು ಸಹಾಯ ಮಾಡಬಹುದು. ಅವರ ಚಿತ್ರಗಳನ್ನು ಜನರಿಗೆ ತಲುಪಿಸಲು ವೇದಿಕೆ ಸೃಷ್ಟಿಸಬಹುದು ಎಂದು ಸಚಿವ ಸಾಜಿ ಭರವಸೆ ನೀಡಿದ್ದಾರೆ.

ದೊಡ್ಡ ಚಿತ್ರಗಳು ಸದ್ಬಳಕೆ ಮಾಡಿಕೊಳ್ಳಬಹುದು

ದೊಡ್ಡ ಸಿನಿಮಾಗಳು ಸಹ ಈ ಒಟಿಟಿ ವೇದಿಕೆಯನ್ನು ಬಳಸಿಕೊಳ್ಳಬಹುದು ಎಂದು ಸಚಿವರು ತಿಳಿಸಿದ್ದಾರೆ. ಸಾಮಾನ್ಯವಾಗಿ ದೊಡ್ಡ ಬಜೆಟ್ ಚಿತ್ರಗಳಿಗೆ ಥಿಯೇಟರ್‌ನಲ್ಲಿ ಬರುವುದರಿಂದ ಹೆಚ್ಚು ಲಾಭ ಇದೆ. ದೊಡ್ಡ ಸಿನಿಮಾಗಳಿಗೂ ಈ ಒಟಿಟಿ ಉಪಯೋಗವಾಗುವುದಾದರೆ ಖಂಡಿತಾ ಬಳಸಬಹುದು ಎಂದು ಸಾಜಿ ಹೇಳಿದ್ದಾರೆ.

ಕೇರಳ ಮಾದರಿ ಆಗುತ್ತಾ?

ಅಂದ್ಹಾಗೆ, ಇದುವರೆಗೂ ಯಾವುದೇ ರಾಜ್ಯದಲ್ಲಿ ಸರ್ಕಾರ ಸ್ವಂತವಾಗಿ ಒಟಿಟಿ ಫ್ಲಾಟ್‌ಫಾರ್ಮ್ ಹೊಂದಿಲ್ಲ. ಕೇರಳ ಇಂತಹದೊಂದು ಆಲೋಚನೆ ಮಾಡಿದ್ದು, ಬಹುಶಃ ಆನ್‌ಲೈನ್ ದುನಿಯಾದಲ್ಲಿ ಕೇರಳ ಸರ್ಕಾರ ಹೊಸ ಕ್ರಾಂತಿ ಸೃಷ್ಟಿಸಬಹುದು. ಕೇರಳ ಸ್ವಂತ ಒಟಿಟಿ ಸಕ್ಸಸ್ ಆದರೆ ಇತರೆ ರಾಜ್ಯಗಳಲ್ಲಿ ಇದು ಮಾದರಿಯಾಗಬಹುದು.