'ರಾಬರ್ಟ್' ಸಿನಿಮಾಕ್ಕೆ ಕೋಟಿ-ಕೋಟಿ ಆಫರ್: ಡೀಲ್ ಬೇಡವೆಂದ ನಿರ್ಮಾಪಕ

ದರ್ಶನ್ ಸಿನಿಮಾ ಮೇಲೆ ಅಮೆಜಾನ್ ಪ್ರೈಂ ಕಣ್ಣು

ಅಮೆಜಾನ್ ಪ್ರೈಂ ಓಟಿಟಿ ಪ್ಲ್ಯಾಟ್‌ಫಾರಂ, ದರ್ಶನ್ ಅವರ ರಾಬರ್ಟ್ ಸಿನಿಮಾ ಮೇಲೆ ಕಣ್ಣಿಟ್ಟಿದ್ದು, ಸಿನಿಮಾವನ್ನು ನೇರವಾಗಿ ತಮ್ಮ ಓಟಿಟಿ ಫ್ಲಾಟ್‌ಪಾರ್ಮ್‌ ನಲ್ಲಿ ಬಿಡುಗಡೆ ಪ್ರಯತ್ನ ನಡೆಸಿದ್ದಾರೆ. ಈ ಬಗ್ಗೆ ಚಿತ್ರದ ನಿರ್ಮಾಪಕರನ್ನೂ ಸಹ ಭೇಟಿಯಾಗಿ ಮಾತುಕತೆ ನಡೆಸಿದ್ದಾರೆ.

ಬರೋಬ್ಬರಿ 70 ಕೋಟಿ ರೂಪಾಯಿ ಆಫರ್

ಅಮೆಜಾನ್ ಪ್ರೈಂ ಬರೋಬ್ಬರಿ 70 ಕೋಟಿ ಆಫರ್ ಅನ್ನು ರಾಬರ್ಟ್ ಸಿನಿಮಾಕ್ಕೆ ನೀಡಿದೆಯಂತೆ. ಡೀಲ್ ಓಕೆಯಾದರೆ ಕನ್ನಡ ಸಿನಿಮಾವೊಂದಕ್ಕೆ ನೀಡಿದ ಬಹುದೊಡ್ಡ ಮೊತ್ತ ಇದಾಗಲಿದೆ. ಆದರೆ ಡೀಲ್ ಓಕೆ ಆಗಿಲ್ಲ.

ಅಮೆಜಾನ್ ಆಫರ್ ತಿರಸ್ಕರಿಸಿದ ನಿರ್ಮಾಪಕ

ದರ್ಶನ್ ಸಿನಿಮಾದ 'ಓಡುವ ವೇಗ'ದ ಅರಿವಿರುವ ನಿರ್ಮಾಪಕ ಉಮಾಪತಿ ಅಮೆಜಾನ್ ಪ್ರೈಂ ಆಫರ್ ಅನ್ನು ನಿರಾಕರಿಸಿದ್ದಾರೆ. 'ನಾವು ಚಿತ್ರಮಂದಿರದಲ್ಲಿಯೇ ರಾಬರ್ಟ್ ಸಿನಿಮಾವನ್ನು ಬಿಡುಗಡೆ ಮಾಡುತ್ತೇವೆ' ಎಂದಿದ್ದಾರೆ.

ಅಭಿಮಾನಿಗಳಿಗೆ ನಿರಾಸೆ ಆಗುತ್ತಿತ್ತು

ದರ್ಶನ್ ಅಭಿಮಾನಿಗಳಿಗೆ ಮೆಚ್ಚಿನ ನಾಯಕನ ಸಿನಿಮಾವನ್ನು ಚಿತ್ರಮಂದಿರದಲ್ಲಿಯೇ ನೋಡುವುದು ಇಷ್ಟ. ದರ್ಶನ್ ಸಿನಿಮಾ ಬಿಡುಗಡೆಯನ್ನು ಹಬ್ಬವಾಗಿ ಆಚರಿಸುವ ಅಭಿಮಾನಿಗಳು ನಟರಿಗಿದ್ದಾರೆ. ಹೀಗಿದ್ದಾಗ ಚಿತ್ರಮಂದಿರದಲ್ಲಿ ಬಿಡುಗಡೆಯೇ ಮಾಡದಿದ್ದಲ್ಲಿ ಅಭಿಮಾನಿಗಳಿಗೆ ಭಾರಿ ನಿರಾಸೆಯಾಗುತ್ತಿತ್ತು, ಆದರೆ ಈಗ ಹಾಗಾಗಿಲ್ಲ.