ಹೆಣ್ಣು ಮಗುವಿಗೆ ಜನ್ಮ ನೀಡಿದ ಬಹುಭಾಷೆ ನಟಿ ಸ್ನೇಹಾ

ದಕ್ಷಿಣ ಭಾರತದ ಖ್ಯಾತ ತಾರಾ ದಂಪತಿ ಸ್ನೇಹಾ ಮತ್ತು ಪ್ರಸನ್ನ ದಂಪತಿ ತಮ್ಮ ಎರಡನೇ ಮಗುವಿಗೆ ಜನ್ಮ ನೀಡಿದ್ದಾರೆ. ಈ ಸಂತಸವನ್ನು ಪ್ರಸನ್ನ ಖುದ್ದು ತಮ್ಮ ಸೋಶಿಯಲ್ ಮೀಡಿಯಾ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ.

''ಏಂಜಲ್ ಬಂದರು (Angel arrived)'' ಎಂದು ಪೋಸ್ಟ್ ಹಾಕಿರುವ ಪ್ರಸನ್ನಾ, ಕೆಂಪು ಬಣ್ಣ ಶೋ ಫೋಟೋ ಹಂಚಿಕೊಂಡಿದ್ದಾರೆ.

ಸ್ನೇಹ ದಂಪತಿಗೆ ಈಗಾಗಲೇ 4 ವರ್ಷದ ಗಂಡು ಮಗು ಇದೆ. ಆ ಹುಡುಗನ ಹೆಸರು ವಿಹಾನ್. ಕಳೆದ ಅಕ್ಟೋಬರ್ ತಿಂಗಳಲ್ಲಿ ಸ್ನೇಹ ಸೀಮಂತ ಕಾರ್ಯಕ್ರಮ ನಡೆದಿತ್ತು.

2009ರಲ್ಲಿ ಬಂದಿದ್ದ 'ಅಚಮಂಡು ಅಚಮುಂಡು' ಸಿನಿಮಾದ ಶೂಟಿಂಗ್ ಸೆಟ್ ನಲ್ಲಿ ಸ್ನೇಹ ಮತ್ತು ಪ್ರಸನ್ನ ನಡುವೆ ಪ್ರೀತಿಯಾಗಿತ್ತು. 2012 ಮೇ 11 ರಂದು ತಾರಾಜೋಡಿ ಅದ್ಧೂರಿಯಾಗಿ ವಿವಾಹವಾಗಿದ್ದರು. ಮದುವೆ ಆದ ಮೂರು ವರ್ಷದ ಬಳಿಕ ಗಂಡು ಮಗುವಿಗೆ ಜನ್ಮ ನೀಡಿದ್ದರು.

ತಮಿಳು, ತೆಲುಗು, ಕನ್ನಡ, ಮಲಯಾಳಂ ಭಾಷೆಯಲ್ಲಿ ನಟಿಸಿರುವ ಸ್ನೇಹ ಕೊನೆಯದಾಗಿ ಧನುಶ್ ಅಭಿನಯದ ಪಟಾಸ್ ಸಿನಿಮಾದಲ್ಲಿ ಕಾಣಿಸಿಕೊಂಡಿದ್ದರು. ಅದಕ್ಕೂ ಮುಂಚೆ ಕನ್ನಡದ ಕುರುಕ್ಷೇತ್ರ ಸಿನಿಮಾದಲ್ಲಿ ದ್ರೌಪದಿಯಾಗಿ ನಟಿಸಿದ್ದರು.