ಥೈಲ್ಯಾಂಡ್‌ನಲ್ಲಿ ನಯನತಾರಾ, ವಿಘ್ನೇಶ್ ಶಿವನ್ ಹನಿಮೂನ್!

ಮದುವೆಗೆ 200 ಮಂದಿಗೆ ಆಹ್ವಾನ!

ನಯನತಾರಾ ಮತ್ತು ವಿಘ್ನೇಶ್ ಮದುವೆಗೆ ಒಟ್ಟು 200 ಮಂದಿಗೆ ಮಾತ್ರ ಆಹ್ವಾನ ನೀಡಲಾಗಿತ್ತು. ಸೂಪರ್ ಸ್ಟಾರ್ ರಜನಿಕಾಂತ್, ಶಾರುಖ್ ಖಾನ್, ವಿಜಯ್, ವಿಜಯ್ ಸೇತುಪತಿ, ಶರತ್‌ ಕುಮಾರ್, ಕೆ.ಎಸ್.ರವಿಕುಮಾರ್ ಮತ್ತು ಅಜಿತ್ ದಂಪತಿ ವಿವಾಹದಲ್ಲಿ ಪಾಲ್ಗೊಂಡು ವಧು-ವರರಿಗೆ ಶುಭ ಹಾರೈಸಿದರು.

ಅದ್ಧೂರಿಯಾಗಿ ನಡೆದ ಮದುವೆ!

ಅದ್ಧೂರಿ ಮದುವೆಗಾಗಿ ನಯನತಾರಾ - ವಿಘ್ನೇಶ್ ಮದುವೆ ನಡೆದಿದೆ. ಇವರು ಮುಂಬೈನಿಂದ ವಸ್ತ್ರ ವಿನ್ಯಾಸಕರ ತಂಡ ಚೆನ್ನೈಗೆ ಬಂದಿತ್ತು. ಕತ್ರಿನಾ ಕೈಫ್ - ವಿಕ್ಕಿ ಕೌಶಲ್ ಮದುವೆಯಲ್ಲಿ ವಧುವಿನ ವಸ್ತ್ರಗಳನ್ನು ತಯಾರಿಸಿದ ಕಾಸ್ಟ್ಯೂಮ್ ಡಿಸೈನರ್ ತಂಡವು ನಯನತಾರಾ ಮತ್ತು ವಿಘ್ನೇಶ್ ಶಿವನ್ ಉಡುಗೆ ಸೇರಿದಂತೆ ಅಲಂಕಾರಗಳನ್ನು ಮಾಡಿದೆ. ಸಿನಿಮಾ ರಂಗವೇ ಮೂಗಿನ ಮೇಲೆ ಬೆರಳಿಡುವ ರೀತಿಯಲ್ಲಿ ಇವರ ಮದುವೆ ನಡೆದಿದೆ.

ಮದುವೆ ಬಳಿಕ ತಿರುಪತಿಗೆ ದಂಪತಿ ಭೇಟಿ!

ಮದುವೆಯಾದ ಮರುದಿನವೇ ದಂಪತಿಗಳಿಬ್ಬರು ತಿರುಪತಿಗೆ ತೆರಳಿದ್ದರು. ತಿರುಪತಿಯಲ್ಲಿ ದೇವರ ದರ್ಶನ ಪಡೆದುಕೊಂಡ ನಂತರ, ನಯನತಾರಾ ಮತ್ತು ವಿಘ್ನೇಶ್ ಕೇರಳಕ್ಕೆ ಹೋದರು. ನಯನತಾರಾ ತಾಯಿಯ ಆಶೀರ್ವಾದ ಪಡೆಯಲು ಕೇರಳಕ್ಕೆ ಹೋದರು. ನಯನತಾರಾ ತಾಯಿ ಅನಾರೋಗ್ಯದ ಕಾರಣ ಮದುವೆಗೆ ಹಾಜರಾಗಲಿಲ್ಲ. ಈ ಕಾರಣಕ್ಕೆ ಅಮ್ಮನ ಮನೆಯಲ್ಲಿ ಕೆಲವು ದಿನ ಇದ್ದರು.

ಥೈಲ್ಯಾಂಡ್‌ನಲ್ಲಿ ನಯನತಾರಾ, ವಿಘ್ನೇಶ್!

ಸದ್ಯ ಹನಿಮೂನ್ ಮೂಡ್‌ನಲ್ಲಿದ್ದಾರೆ ವಿಘ್ನೇಶ್ ಶಿವನ್ ಮತ್ತು ನಯನತಾರಾ. ವಿಘ್ನೇಶ್ ಶಿವನ್ ತಮ್ಮ ಇನ್‌ಸ್ಟಾಗ್ರಾಂ ಸ್ಟೋರಿಯಲ್ಲಿ ಥೈಲ್ಯಾಂಡ್‌ ಹೋಟೆಲ್‌ನಲ್ಲಿ ತೆಗೆದ ಕೆಲವು ಫೋಟೊಗಳನ್ನು ಹಂಚಿಕೊಂಡಿದ್ದಾರೆ. ಹಾಗಾಗಿ ಈ ಜೋಡಿ ಸದ್ಯ ಹನಿಮೂನ್‌ಗಾಗಿ ಥೈಲ್ಯಾಂಡ್‌ಗೆ ಹಾರಿಗೆ ಎನ್ನುವುದು ಸ್ಪಷ್ಟ. ಇದನ್ನು ನೋಡಿದ ಅಭಿಮಾನಿಗಳು ನವ ದಂಪತಿಗೆ ಶುಭಾಶಯ ಕೋರಿದ್ದಾರೆ.

'ಜವಾನ್' ಶೂಟಿಂಗ್‌ಗೆ ನಯನತಾರಾ!

ಅಲ್ಲಿಂದ ಬಂದ ಬಳಿಕ ನಟಿ ನಯನತಾರಾ ಸಿನಿಮಾ ಶೂಟಿಂಗ್‌ನಲ್ಲಿ ಭಾಗಿ ಆಗಲಿದ್ದಾರೆ. ಅಟ್ಲಿ ನಿರ್ದೇಶನದಲ್ಲಿ ಮೂಡಿಬರುತ್ತಿರುವ 'ಜವಾನ್' ಚಿತ್ರದ ಮೊದಲ ಹಂತದ ಚಿತ್ರೀಕರಣ ಮುಗಿದಿದ್ದು, ಎರಡನೇ ಹಂತದ ಚಿತ್ರೀಕರಣ ಹೈದರಾಬಾದ್‌ನ ರಾಮ್‌ಜಿ ಫಿಲ್ಮ್ ಸಿಟಿಯಲ್ಲಿ ನಡೆಯಲಿದೆ. ಈ ಚಿತ್ರದಲ್ಲಿ ನಯನತಾರಾ ಮತ್ತು ಶಾರುಖ್ ಖಾನ್ ದೃಶ್ಯಗಳ ಚಿತ್ರೀಕರಣ ನಡೆಯಬೇಕಿದೆ. ಹಾಗಾಗಿ ಈ ಬಾರಿಯ ಶೂಟಿಂಗ್‌ನಲ್ಲಿ ನಯನತಾರಾ ಭಾಗವಹಿಸಲಿದ್ದಾರೆ.