ಸೂರ್ಯಾ ಹೊಸ ಸಿನಿಮಾ ಲುಕ್ ಲೀಕ್: ಅಭಿಮಾನಿಗಳಿಗೆ ಕುತೂಹಲ

ಸೂರ್ಯಾ ಲುಕ್ ಬಹಳ ಭಿನ್ನವಾಗಿದೆ

ಗೌತಮ್ ಮೆನನ್ ಸಿನಿಮಾಗಳು ನಿಜಜೀವನಕ್ಕೆ ಬಹು ಹತ್ತಿರವಾಗಿರುತ್ತವೆ, ಅವರ ಸಿನಿಮಾಗಳಲ್ಲಿ ಕಮರ್ಶಿಯಲ್ ಅಂಶಗಳು, 'ಲಾರ್ಜರ್ ದ್ಯಾನ್ ಲೈಫ್' ರೀತಿಯ ಪಾತ್ರಗಳು ಇರುವುದಿಲ್ಲ, ಆದರೆ ಕತೆಯಲ್ಲಿ ತಾಜಾತನ ಇರುತ್ತದೆ, ಹಾಗಾಗಿ ನಟ ಸೂರ್ಯಾ ಜೊತೆಗೆ ಎಂಥಹಾ ಕತೆ ಹೇಳಲು ಹೊರಟಿದ್ದಾರೆ ಎಂಬ ಕುತೂಹಲ ಎದ್ದಿದೆ.

ಹಲವು ನಿರ್ದೇಶಕರು ಒಟ್ಟು ಸೇರಿರುವ ಸಿನಿಮಾ

ಗೌತಮ್-ಸೂರ್ಯಾ ಜೋಡಿಯ ಈ ಸಿನಿಮಾಕ್ಕೆ ನವರಸ ಎಂದು ಹೆಸರಿಡಲಾಗಿದೆ. ಈ ಸಿನಿಮಾವನ್ನು ಗೌತಮ್ ವಾಸುದೇವ್ ಮೆನನ್ ಮಾತ್ರವೇ ನಿರ್ದೇಶಿಸುತ್ತಿಲ್ಲ. ಸಿನಿಮಾವನ್ನು ಇನ್ನೂ ಕೆಲವು ನಿರ್ದೇಶಕರು ಒಟ್ಟಿಗೆ ಸೇರಿ ನಿರ್ದೇಶಿಸುತ್ತಿದ್ದಾರೆ. ಇದೊಂದು ಅಂತಾಲಜಿ ಸಿನಿಮಾ ಆಗಿರಲಿದೆ.

ನವರಸ ಸಿನಿಮಾದಲ್ಲಿ ಒಂಬತ್ತು ಕಿರುಚಿತ್ರ

'ನವರಸ' ಸಿನಿಮಾದಲ್ಲಿ ಒಟ್ಟು ಒಂಬತ್ತು ಕಿರು ಸಿನಿಮಾಗಳಿರಲಿದ್ದು, ಎಲ್ಲ ಸಿನಿಮಾಗಳು ನವ ಭಾವಗಳ ಮೇಲೆ ಆಧರಿಸಿದ್ದಾಗಿರಲಿವೆ. ಎಲ್ಲಾ ಒಂಬತ್ತೂ ಕಿರುಚಿತ್ರಗಳಲ್ಲಿಯೂ ಸೂರ್ಯಾ ಮುಖ್ಯ ಪಾತ್ರದಲ್ಲಿರುತ್ತಾರೆ ಎನ್ನಲಾಗುತ್ತಿದೆ. 'ನವರಸ' ಸಿನಿಮಾವನ್ನು ಖ್ಯಾತ ನಿರ್ದೇಶಕ ಮಣಿರತ್ನಂ ನಿರ್ಮಿಸುತ್ತಿದ್ದಾರೆ.

Arjun Sarjaಗೆ ಇನ್ನೂ ಮರೆಯಾಗಿಲ್ಲ ಆ ನೋವು | Filmibeat Kannada

ಈಗಾಗಲೇ ಒಂದು ಸಿನಿಮಾ ಬಿಡುಗಡೆ ಆಗಿದೆ

ಈಗಾಗಲೇ ತಮಿಳಿನ ಒಂದು ಅಂತಾಲಜಿ ಸಿನಿಮಾ 'ಪುತ್ತು ಪುದು ಕಾಲೈ' ಒಟಿಟಿಯಲ್ಲಿ ಬಿಡುಗಡೆ ಆಗಿ ಭಾರಿ ಜನಮೆಚ್ಚುಗೆ ಗಳಿಸಿದೆ. ಇದೇ ತಿಂಗಳ 18 ಕ್ಕೆ 'ಪಾವ ಕದೈಗಳ್' ಎಂಬ ಮತ್ತೊಂದು ಅಂತಾಲಜಿ ಸಿನಿಮಾ ಬಿಡುಗಡೆ ಆಗುತ್ತಿದೆ. ನವರಸ ಸಹ ಅಂತಾಲಜಿ ಸಿನಿಮಾ ಆಗಿದ್ದು, ಇದು ನೆಟ್‌ಫ್ಲಿಕ್ಸ್‌ನಲ್ಲಿ ಬಿಡುಗಡೆ ಆಗಲಿದೆ.