ತಮಿಳು ನಟ ವಿಶಾಲ್ ಗೆ ವಿಲನ್ ಆದ ನಟ ಆರ್ಯ: ಕಾರಣವೇನು?

ಕಾಲಿವುಡ್ ನ ಖ್ಯಾತ ನಟರಾದ ವಿಶಾಲ್ ಮತ್ತು ಆರ್ಯ ಒಂದೇ ಸಿನಿಮಾ ಮೂಲಕ ಅಭಿಮಾನಿಗಳ ಮುಂದೆ ಬರ್ತಿದ್ದಾರೆ. ಆನಂದ್ ಶಂಕರ್ ನಿರ್ದೇಶನದಲ್ಲಿ ಮೂಡಿ ಬರುತ್ತಿರುವ ಮಲ್ಟಿ ಸ್ಟಾರರ್ ಸಿನಿಮಾದಲ್ಲಿ ಆರ್ಯ ಮತ್ತು ವಿಶಾಲ್ ಪ್ರಮುಖ ಪಾತ್ರದಲ್ಲಿ ಮಿಂಚುತ್ತಿದ್ದಾರೆ. ಈ ಬಗ್ಗೆ ನಿರ್ದೇಶಕ ಆನಂದ್ ಶಂಕರ್ ಸಾಮಾಜಿಕ ಜಾಲತಾಣದ ಮೂಲಕ ಬಹಿರಂಗ ಪಡಿಸಿದ್ದಾರೆ.

ಅಂದ್ಹಾಗೆ ಆರ್ಯ ಮತ್ತು ವಿಶಾಲ್ ಇಬ್ಬರು 9 ವರ್ಷದ ಬಳಿಕ ಒಂದಾಗುತ್ತಿದ್ದಾರೆ. ಈ ಮೊದಲು ಅವನ್ ಅವನ್ ಸಿನಿಮಾದಲ್ಲಿ ಒಟ್ಟಿಗೆ ನಟಿಸಿದ್ದರು. ಇದೀಗ ಮತ್ತೆ ಒಂದಾಗಿರುವ ವಿಶಾಲ್ ಮತ್ತು ಆರ್ಯನನ್ನು ಒಟ್ಟಿಗೆ ನೋಡಲು ತಮಿಳು ಅಭಿಮಾನಿಗಳು ಕಾತರದಿಂದ ಕಾಯುತ್ತಿದ್ದಾರೆ.

ಆರ್ಯ ಮತ್ತು ವಿಶಾಲ್ ಇಬ್ಬರೂ ಉತ್ತಮ ಸ್ನೇಹಿತರು. ಆದರೆ ತೆರೆಮೇಲೆ ಇಬ್ಬರು ವಿರೋಧಿಗಳಾಗಿ ಕಾಣಿಸಿಕೊಳ್ಳುತ್ತಿದ್ದಾರೆ. ಹೌದು, ಚಿತ್ರದಲ್ಲಿ ವಿಶಾಲ್ ನಾಯಕನಾಗಿ ಕಾಣಿಸಿಕೊಂಡರೇ ಆರ್ಯ ವಿಲನ್ ಆಗಿ ಮಿಂಚುತ್ತಿದ್ದಾರಂತೆ. ಆದರೆ ಈ ಬಗ್ಗೆ ಸಿನಿಮಾತಂಡ ಇನ್ನೂ ಅಧಿಕೃತವಾಗಿ ಬಹಿರಂಗ ಪಡಿಸಿಲ್ಲ.

ಚಿತ್ರಕ್ಕೆ ಇನ್ನೂ ಟೈಟಲ್ ಫಿಕ್ಸ್ ಆಗಿಲ್ಲ. ನಿರ್ದೇಶಕ ಆನಂದ್ ಈ ಮೊದಲು ವಿಜಯ್ ದೇವರಕೊಂಡ ಅಭಿನಯದ ನೋಟ ಸಿನಿಮಾಗೆ ಆಕ್ಷನ್ ಕಟ್ ಹೇಳಿದ್ದರು. ಈ ಸಿನಿಮಾ ತಮಿಳು ಮತ್ತು ತೆಲುಗಿನಲ್ಲಿ ತೆರೆಗೆ ಬಂದಿದೆ. ಈ ಸಿನಿಮಾ ಈಗ ಆನಂದ್ ನಿರ್ದೇಶನದ ನಾಲ್ಕನೇ ಚಿತ್ರವಾಗಿದೆ.

ಇನ್ನೂ ನಟ ಆರ್ಯ ಸದ್ಯ ಸಲ್ಪಟ್ಟ ಸಿನಿಮಾದಲ್ಲಿ ಬ್ಯುಸಿಯಾಗಿದ್ದಾರೆ. ಈ ಸಿನಿಮಾಗಾಗಿ ಆರ್ಯ ಸಿಕ್ಕಾಪಟ್ಟೆ ವರ್ಕೌಟ್ ದೇಹ ಹುರಿಗೊಳಿಸಿದ್ದಾರೆ ಬಾಕ್ಸಿಂಗ್ ಬೇಸ್ಡ್ ಸಿನಿಮಾ ಇದಾಗಿದ್ದು ಪಾತ್ರಕ್ಕೆ ಸಿಕ್ಕಾಪಟ್ಟೆ ತಯಾರಿ ಮಾಡಿಕೊಂಡಿದ್ದಾರೆ. ಈ ಸಿನಿಮಾ ಜೊತೆಗೆ ಅರಣ್ಮಣೈ ಮತ್ತು ಟೆಡ್ಡಿ ಸಿನಿಮಾ ರಿಲೀಸ್ ಗೆ ರೆಡಿಯಾಗಿದೆ. ಇತ್ತ ನಟ ವಿಶಾಲ್ ತುಪ್ಪರಿವಾಲನ್-2 ಮತ್ತು ಚಕ್ರ ಸಿನಿಮಾದಲ್ಲಿ ನಿರತರಾಗಿದ್ದಾರೆ. ಆರ್ಯ ಮತ್ತು ವಿಶಾಲ್ ಹೊಸ ಸಿನಿಮಾ ಮುಂದಿನ ವರ್ಷ ಸೆಟ್ಟೇರುವ ಸಾಧ್ಯತೆ ಇದೆ.

Recommended Video