ಅವಕಾಶ ಕೊಡಲು ಹಾಸಿಗೆ ಹಂಚಿಕೋ ಎಂದು ಕರೆದಿದ್ದ ನಿರ್ದೇಶಕ: ಕರಾಳ ಅನುಭವ ಬಿಚ್ಚಿಟ್ಟ ನಟಿ

ಆರಂಭದಲ್ಲಿ ಅನುಭವ

ಫ್ಯಾಷನ್ ಪ್ರಪಂಚದಲ್ಲಿ ಸಾಕಷ್ಟು ಕೆಲಸ ಮಾಡಿ ಹೆಸರು ಪಡೆದಿರುವ ವಾಣಿ, 2019ರಲ್ಲಿ 'ಮೀಕು ಮಾತ್ರಾನೆ ಚೆಪ್ತಾ' ಚಿತ್ರದಲ್ಲಿ ತೆಲುಗು ಸಿನಿಮಾ ರಂಗಕ್ಕೆ ಪಾದಾರ್ಪಣೆ ಮಾಡಿದ್ದರು. ಕಿರುತೆರೆಯಲ್ಲಿ ಕಾಣಿಸಿಕೊಂಡಿದ್ದ ಅವರು, ಪ್ರಶಸ್ತಿಗಳನ್ನೂ ಮುಡಿಗೇರಿಸಿಕೊಂಡಿದ್ದರು. ಅವರು ಸಿನಿಮಾ ಉದ್ಯಮಕ್ಕೆ ಕಾಲಿಟ್ಟ ಸಂದರ್ಭದಲ್ಲಿ ತಮಗೆ ಕೂಡ ಕ್ಯಾಸ್ಟಿಂಗ್ ಕೌಚ್ ಅನುಭವ ಆಗಿತ್ತು ಎಂದು ಹೇಳಿದ್ದಾರೆ.

'ಅಡ್ಜಸ್ಟ್‌ಮೆಂಟ್' ಎಂಬುದೇ ಗೊತ್ತಿಲ್ಲ

ಇತ್ತೀಚೆಗೆ 'ಓ ಮೈ ಕಾದುವಲೆ' ಚಿತ್ರದ ಮೂಲಕ ತಮಿಳಿಗೆ ಕಾಲಿರಿಸಿರುವ ವಾಣಿ, ಅಲ್ಲಿ ಯಶಸ್ಸು ಪಡೆದ ಖುಷಿಯಲ್ಲಿದ್ದಾರೆ. ಸಂದರ್ಶನವೊಂದರ ವೇಳೆ ಅವರು, ಕ್ಯಾಸ್ಟಿಂಗ್ ಕೌಚ್ ಬಗ್ಗೆ ಮಾತನಾಡಿದ್ದಾರೆ. ನಟಿಯರನ್ನು 'ಅಡ್ಜಸ್ಟ್‌ಮೆಂಟ್‌'ಗೆ ಕೇಳುವಾಗ ಜನರು ಯಾವುದರ ಬಗ್ಗೆ ಮಾತನಾಡುತ್ತಿದ್ದರು ಎಂಬುದೇ ತಮಗೆ ಅರ್ಥವಾಗಿರಲಿಲ್ಲ ಎಂದು ತಿಳಿಸಿದ್ದಾರೆ.

ಮ್ಯಾನೇಜರ್ ಮೂಲಕ ಸಂಪರ್ಕ

ತಮಿಳು ಸಿನಿಮಾದಲ್ಲಿ ನಟಿಸಿದ ಬಳಿಕ ಅವರು ತಮ್ಮ ಕ್ಯಾಸ್ಟಿಂಗ್ ಕೌಚ್ ಅನುಭವದ ಬಗ್ಗೆ ಮಾತನಾಡಿದ್ದಾರೆ. ಆಕೆಯ ಮ್ಯಾನೇಜರ್ ಬಳಿಕ ನಿರ್ಮಾಪಕರು ಅವರನ್ನು ಸಂಪರ್ಕಿಸಿದ್ದರಂತೆ. ಆದರೆ ಅವರ ಫೋನ್ ಕರೆಗೆ ಅಷ್ಟೊಂದು ಮಹತ್ವ ನೀಡಿರಲಿಲ್ಲ ಎಂದು ವಾಣಿ ತಿಳಿಸಿದ್ದಾರೆ.

ದೊಡ್ಡ ಸ್ಟಾರ್‌ ಆಗಬೇಕೆಂದರೆ ಅನುಭವಿಸಬೇಕಾಗುತ್ತದೆ

'ನನಗೆ ಸಿನಿಮಾಗಳಲ್ಲಿ ನಟಿಸಲೇಬೇಕು ಎಂಬ ಹಪಹಪಿ ಇಲ್ಲ. ನಾನು ಬಯಸಿದಾಗ ಕಿರುತೆರೆಗೆ ವಾಪಸ್ ಹೋಗಿ ನಟಿಸುತ್ತೇನೆ. ದೊಡ್ಡ ನಟಿಯಾಗಲೇಬೇಕು ಎಂಬ ಮಹತ್ವಾಕಾಂಕ್ಷೆಯುಳ್ಳ ಜನರು ಮಾತ್ರ ಅಂತಹ ಆಫರ್‌ಗಳನ್ನು ಒಪ್ಪಿಕೊಳ್ಳಬಹುದು. ಅದರ ಅರ್ಥ ದೊಡ್ಡ ಸ್ಟಾರ್‌ಗಳು ಕಠಿಣ ಪರಿಶ್ರಮ ಪಡುವುದಿಲ್ಲ ಎಂದಲ್ಲ. ಆ ಹಂತವನ್ನು ತಲುಪಲು ಅವರು ಅಂತಹ ಸಂಕಷ್ಟಗಳನ್ನು ಎದುರಿಸಿರಬೇಕಾಗುತ್ತದೆ' ಎಂದಿದ್ದಾರೆ.

ಅವರ ಉದ್ದೇಶ ಸರಿಯಾಗಿ ಗೊತ್ತಿಲ್ಲ

ಕ್ಯಾಸ್ಟಿಂಗ್ ಕೌಚ್‌ಗಾಗಿ ತಮ್ಮನ್ನು ಯಾರೂ ನೇರವಾಗಿ ಸಂಪರ್ಕಿಸಿಲ್ಲ. ತಮ್ಮ ಮ್ಯಾನೇಜರ್ ಮೂಲಕವೇ ಸಂಪರ್ಕಿಸಲಾಗಿತ್ತು ಎಂದು ಅವರು ಹೇಳಿದ್ದಾರೆ. ನಟಿಯರನ್ನು ಹೀಗೆ ಸಂಪರ್ಕಿಸುವ ಜನರ ಉದ್ದೇಶಗಳೇ ತಿಳಿದಿಲ್ಲ. ಹೀಗಾಗಿ ಅದರ ಬಗ್ಗೆ ಕಾಮೆಂಟ್ ಮಾಡಲು ಆಗುವುದಿಲ್ಲ. ಬಹುಶಃ ಅವರು ಅದು ಸರಿಯಾದ ಸಂಗತಿ ಎಂದು ಅಂದುಕೊಂಡ ಕಾರಣದಿಂದ ಹಾಗೆ ಮಾಡುತ್ತಿರಬಹುದು. ಆದರೆ ನಟಿಯರು ಅದನ್ನು ಬಯಸದ ಕಾರಣ ಒಪ್ಪಿಕೊಳ್ಳುತ್ತಿಲ್ಲ ಎಂದು ಅಭಿಪ್ರಾಯಪಟ್ಟಿದ್ದಾರೆ.