"ಗಂಡಸರು ಅದನ್ನು ಕಂಟ್ರೋಲ್ ಮಾಡಿಕೊಳ್ಳಬೇಕು": ಕಾಸ್ಟಿಂಗ್ ಕೌಚ್ ಬಗ್ಗೆ ವಿಷ್ಣುಪ್ರಿಯಾ ಹೇಳಿಕೆ

ಎಲ್ಲಾ ಕ್ಷೇತ್ರಗಳಲ್ಲೂ ಕಾಸ್ಟಿಂಗ್ ಕೌಚ್ ಇದೆ

ಕಾಸ್ಟಿಂಗ್ ಕೌಚ್ ಕುರಿತಾದ ಪ್ರಶ್ನೆಗೆ ಮಾತನಾಡುತ್ತಾ ವಿಷ್ಣುಪ್ರಿಯಾ "ಕಾಸ್ಟಿಂಗ್ ಕೌಚ್ ಸಮಸ್ಯೆ ಕೇವಲ ಚಿತ್ರರಂಗದಲ್ಲಿ ಮಾತ್ರವಲ್ಲದೇ ಇತರ ಕ್ಷೇತ್ರಗಳಲ್ಲೂ ಇದೆ. ಆದರೆ ಚಿತ್ರರಂಗದ ಸೆಲೆಬ್ರಿಟಿಗಳು ಎಲ್ಲರಿಗೂ ಗೊತ್ತಿರುವ ಕಾರಣ ಹೆಚ್ಚಿನವರಿಗೆ ಇಂಡಸ್ಟ್ರಿಯ ಬಗ್ಗೆ ತಪ್ಪು ಕಲ್ಪನೆ ಇದೆ ಎಂದು ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.

ನನಗೂ ಇಂತಹ ಬೇಡಿಕೆ ಇಟ್ಟಿದ್ದರು

"ಇಂತಹ ಬೇಡಿಕೆ ಇಟ್ಟಾಗ ಅದನ್ನು ಒಪ್ಪಿಕೊಳ್ಳಬೇಕೋ ಬೇಡವೋ ಎನ್ನುವುದು ಮಹಿಳೆಯರಿಗೆ ಬಿಟ್ಟ ವಿಚಾರ. ನನಗೂ ಅವಕಾಶಗಳು ಬರುತ್ತಿದ್ದ ಸಮಯದಲ್ಲಿ ತುಂಬಾ ಜನ ಕೋರಿಕೆ ತೀರಿಸುವಂತೆ ಕೇಳಿದ್ದರು. ಆದರೆ ನಾನು ಅದಕ್ಕೆ ಒಪ್ಪಿಕೊಳ್ಳಲಿಲ್ಲ. ಅದರಿಂದ ಸಾಕಷ್ಟು ಅವಕಾಶಗಳನ್ನು ಕಳೆದುಕೊಳ್ಳುವಂತಾಯಿತು. ನನ್ನ ಪ್ರತಿಭೆಯನ್ನು ನಂಬಿ ಮುಂದಡಿ ಇಟ್ಟೆ. ನನ್ನ ಪರಿಶ್ರಮದ ಫಲವಾಗಿ ಇಂದು ಈ ಸ್ಥಾನದಲ್ಲಿ ಇದ್ದೀನಿ"

ಗಂಡಸರು ಅದನ್ನು ಕಂಟ್ರೋಲ್ ಮಾಡಿಕೊಳ್ಳಬೇಕು

"ಪುರುಷರು ಸಹ ತಮ್ಮ ಹಾರ್ಮೋನುಗಳನ್ನು ನಿಯಂತ್ರಿಸಬೇಕು ಎಂದು ವಿಷ್ಣುಪ್ರಿಯಾ ಹೇಳಿದ್ದಾರೆ. ಕೂಡಲೇ ಸಂದರ್ಶಕ ಮಹಿಳೆಯರಿಗೆ ಅಷ್ಟೇ ಅಲ್ಲ, ಪುರುಷರಿಗೆ ಮಹಿಳೆಯರಿಂದಲೂ ಈ ಕಾಸ್ಟಿಂಗ್ ಕೌಚ್ ಸಮಸ್ಯೆ ಎದುರಾಗುತ್ತಿದೆ ಎಂದಿದ್ದಕ್ಕೆ ಪುರುಷರೊಂದಿಗೆ ಮಹಿಳೆಯರು ಸಹ ತಮ್ಮ ಹಾರ್ಮೋನುಗಳನ್ನು ನಿಯಂತ್ರಿಸಿಕೊಳ್ಳಬೇಕು" ಎಂದು ವಿಷ್ಣುಪ್ರಿಯಾ ತಮಾಷೆಯಾಗಿ ನಕ್ಕಿದ್ದಾರೆ.

ಚಿತ್ರರಂಗದಲ್ಲಿ ಪುರುಷರ ಆಧಿಪತ್ಯ ಹೆಚ್ಚು

"ಪ್ರತಿಭೆ ಇದ್ದರೆ ಮಾತ್ರ ಅವಕಾಶಗಳು ಸಿಗುವುದಿಲ್ಲ. ಅದೃಷ್ಟವೂ ಇರಬೇಕು, ಇಲ್ಲದಿದ್ದರೆ ಇಂಡಸ್ಟ್ರಿಯಲ್ಲಿ ಮೇಲುಗೈ ಸಾಧಿಸಲು ಸಾಧ್ಯವಿಲ್ಲ. ಚಿತ್ರರಂಗದಲ್ಲಿ ಪುರುಷರ ಪಾರುಪತ್ಯ ಹೆಚ್ಚಾಗಿದೆ. ಅದು ಹೋಗಲು ಇನ್ನು ಬಹಳ ಸಮಯ ಬೇಕು. ಮಹಿಳೆಯರು ಇತ್ತೀಚೆಗೆ ಎಲ್ಲಾ ವಿಭಾಗಗಳಲ್ಲಿ ಕೆಲಸ ಮಾಡುತ್ತಿದ್ದಾರೆ. 15-20 ವರ್ಷಗಳಲ್ಲಿ ಮಹಿಳೆಯರು ಹೆಚ್ಚು ಪೈಪೋಟಿ ಕೊಡಲಿದ್ದಾರೆ" ಎಂದು ವಿಷ್ಣುಪ್ರಿಯಾ ಹೇಳಿದ್ದಾರೆ.