ಅಮೀರ್ ಖಾನ್ ದೆಸೆಯಿಂದ ಕಣ್ಣೀರು ಹಾಕಿದ್ದರು ನಟಿ ಲಕ್ಷ್ಮಿ ಮಂಚು

| Updated: Wednesday, December 23, 2020, 9:47 [IST]

ತೆಲುಗು, ತಮಿಳು ಹಾಗೂ ಕೆಲವು ಇಂಗ್ಲಿಷ್ ಸಿನಿಮಾಗಳಲ್ಲಿ ಸಹ ನಟಿಸಿರುವ ಲಕ್ಷ್ಮಿ ಮಂಚು ನಟನೆಯಿಂದ ಮಾತ್ರವಲ್ಲದೆ ತಮ್ಮ ಬಿಡು-ಬೀಸು ಮಾತುಗಳಿಗೂ ಖ್ಯಾತರು.

ಇತ್ತೀಚೆಗಷ್ಟೆ ಸಂದರ್ಶನವೊಂದರಲ್ಲಿ ಮಾತನಾಡಿರುವ ಲಕ್ಷ್ಮಿ ಮಂಚು, ತಾವು ಅಮೀರ್ ಖಾನ್ ಕಾರಣದಿಂದ ಬಿಕ್ಕಿ-ಬಿಕ್ಕಿ ಅತ್ತಿದ್ದನ್ನು ನೆನಪು ಮಾಡಿಕೊಂಡಿದ್ದಾರೆ.

'ಮಹಾರಾಜ'ನಾಗಿ ಬಾಲಿವುಡ್ ಗೆ ಎಂಟ್ರಿ ಕೊಡಲು ಸಜ್ಜಾದ ಆಮೀರ್ ಖಾನ್ ಪುತ್ರ 'ಮಹಾರಾಜ'ನಾಗಿ ಬಾಲಿವುಡ್ ಗೆ ಎಂಟ್ರಿ ಕೊಡಲು ಸಜ್ಜಾದ ಆಮೀರ್ ಖಾನ್ ಪುತ್ರ

'ಅಮೀರ್ ಖಾನ್ ರ ಮದುವೆ ಆದಾಗ ನಾನು ಬಹುಷಃ 4-5 ನೇ ತರಗತಿಯಲ್ಲಿದ್ದೆನೊ ಏನೋ, ಅಮೀರ್ ಖಾನ್ ಮದುವೆ ಆದ ವಿಷಯ ತಿಳಿದ ದಿನ ನಾನು ಯಾವುದೋ ಆಭರಣದ ಅಂಗಡಿಯಲ್ಲಿ ಇದ್ದೆ. ಅಂದು ಬಿಕ್ಕಿ-ಬಿಕ್ಕಿ ಅತ್ತಿದ್ದೆ. ನನಗೆ ವಿಪರೀತ ಬೇಸರವಾಗಿತ್ತು' ಎಂದು ನೆನಪಿಸಿಕೊಂಡಿದ್ದಾರೆ ಲಕ್ಷ್ಮಿ ಮಂಚು.

Lakshmi Manchu Talked About How Much She Love Aamir Khan

'ಆ ನಂತರ ಅಮೀರ್ ಖಾನ್ ಅನ್ನು ಭೇಟಿ ಆಗುವ ಕೆಲವು ಅವಕಾಶಗಳು ಸಿಕ್ಕವು ಆದರೆ ನಾನು ಭೇಟಿ ಮಾಡಲಿಲ್ಲ. ನಾನು ಅಮೀರ್ ಖಾನ್ ಅನ್ನು ನೋಡಿದ ಕೂಡಲೇ ಎಲ್ಲವನ್ನೂ ಮರೆತು ಕುಣಿಯಲು ಪ್ರಾರಂಭಿಸಿಬಿಡುತ್ತೇನೆ ಎಂಬ ಭಯ ನನಗೆ, ಮೂರ್ಖಳಂತೆ ವರ್ತಿಸಿಬಿಡುತ್ತೇನೆ, ಹಾಗಾಗಿ ಅಂಥಹಾ ಪರಿಸ್ಥಿತಿ ಎದುರಾಗುವುದೇ ಬೇಡವೆಂಬ ಕಾರಣಕ್ಕೆ ಅಮೀರ್ ಖಾನ್ ಅನ್ನು ಭೇಟಿಯಾಗಲಿಲ್ಲ' ಎಂದಿದ್ದಾರೆ ಲಕ್ಷ್ಮಿ.

ಅಮೀರ್ ಖಾನ್ ಸಿನಿಮಾದಲ್ಲಿ ನಟಿಸುವ ಅವಕಾಶ ಕಳೆದುಕೊಂಡ ವಿಜಯ್ ಸೇತುಪತಿ ಅಮೀರ್ ಖಾನ್ ಸಿನಿಮಾದಲ್ಲಿ ನಟಿಸುವ ಅವಕಾಶ ಕಳೆದುಕೊಂಡ ವಿಜಯ್ ಸೇತುಪತಿ

ಒಮ್ಮೆ ಅಮೀರ್ ಖಾನ್ ಊಟಿಯಲ್ಲಿ ಚಿತ್ರೀಕರಣದಲ್ಲಿ ಭಾಗವಹಿಸಿದ್ದರು, ತಂದೆ ಮೋಹನ್‌ಬಾಬು ಸಹ ಊಟಿಯಲ್ಲಿ ಚಿತ್ರೀಕರಣ ಮಾಡುತ್ತಿದ್ದರು. ಅಮೀರ್ ಖಾನ್ ಇದ್ದ ಹೋಟೆಲ್‌ನಲ್ಲಿಯೇ ನಾವು ತಂಗಿದ್ದೆವು. ಆಗೊಮ್ಮೆ ಅಮೀರ್ ಖಾನ್ ರೂಂ ಎದುರು ಹಾದು ಹೋಗಿದ್ದೆ, ಅಂದು ನನ್ನ ಎದೆ ಬಡಿತ ಜೋರಾಗಿದ್ದು ನನಗೆ ಈಗಲೂ ನೆನಪಿದೆ' ಎಂದು ಹಳೆಯ ನೆನಪುಗಳಿಗೆ ಜಾರಿದ್ದಾರೆ ಲಕ್ಷ್ಮಿ.