ಅಭಿಮಾನಿಗಳ ಒತ್ತಾಯದ ಮೇರೆಗೆ 'RRR' ಸಿನಿಮಾಕ್ಕೆ ಬದಲಾವಣೆ ತಂದ ರಾಜಮೌಳಿ

ಬ್ರಿಟೀಷ್ ಅಧಿಕಾರಿಗಳ ಇಂಗ್ಲಿಷ್ ‌ ಸಂಭಾಷಣೆ ಬಗ್ಗೆ ತಕರಾರು

'RRR' ಸಿನಿಮಾವು ಸ್ವಾತಂತ್ರ್ಯಪೂರ್ವ ಭಾರತದ ಕತೆಯನ್ನು ಹೊಂದಿದೆ. ಸಿನಿಮಾದಲ್ಲಿ ಹಲವು ಬ್ರಿಟೀಷ್ ಅಧಿಕಾರಿಗಳ ಪಾತ್ರಗಳಿವೆ. ಬ್ರಿಟೀಷ್ ಅಧಿಕಾರಿಗಳ ಪಾತ್ರಗಳು ಇಂಗ್ಲಿಷ್ ‌ನಲ್ಲಿ ಮಾತನಾಡುತ್ತವೆ. ಮೊದಲಾರ್ಧದಲ್ಲಂತೂ ಇಂಗ್ಲಿಷ್ ಡೈಲಾಗ್‌ಗಳು ಹೆಚ್ಚಾಗಿಯೇ ಇವೆ. ಈ ಇಂಗ್ಲಿಷ್ ಡೈಲಾಗ್‌ಗಳು ಎಲ್ಲರಿಗೂ ಸುಲಭಕ್ಕೆ ಅರ್ಥವಾಗದು ಹಾಗಾಗಿ ಇವನ್ನು ಬದಲಸಿ, ಪ್ರಾದೇಶಿಕ ಭಾಷೆಗಳಲ್ಲಿ ವಾಯ್ಸ್‌ ಓವರ್ ನೀಡಬೇಕೆಂಬ ಬೇಡಿಕೆ ಕೇಳಿಬಂದಿದೆ.

ರೇಯ್ ಸ್ಟಿವನ್‌ಸನ್ ಪಾತ್ರಕ್ಕೆ ರಾಣಾ ದಗ್ಗುಬಾಟಿ ಧ್ವನಿ

ಅಸಲಿಗೆ ಸಿನಿಮಾದಲ್ಲಿ ರೇಯ್ ಸ್ಟಿವನ್‌ಸನ್ ಪಾತ್ರಕ್ಕೆ ರಾಣಾ ದಗ್ಗುಬಾಟಿ ಧ್ವನಿ ನೀಡಿದ್ದಾರೆ. ಆದರೆ ಅವರ ಧ್ವನಿ ಅಲ್ಲಲ್ಲಿ ಮಾತ್ರವೇ ಇದೆ. ಬದಲಿಗೆ ರೇಯ್ ಸ್ಟಿವನ್‌ಸನ್‌ನ ಪೂರ್ತಿ ಪಾತ್ರಕ್ಕೆ ಇಲ್ಲ. ಅಲ್ಲದೆ ರೇಯ್ ಸ್ಟಿವನ್‌ಸನ್ ಪಾತ್ರದ ಹೊರತಾಗಿ ಇನ್ನಾವ ಬ್ರಿಟೀಷ್ ಪಾತ್ರಕ್ಕೂ ಪ್ರಾದೇಶಿಕ ಭಾಷೆಯ ವಾಯ್ಸ್ ಓವರ್‌ ನೀಡಲಾಗಿಲ್ಲ. ಉಳಿದ ಎಲ್ಲ ಬ್ರಿಟೀಷ್ ಪಾತ್ರಗಳು ಇಂಗ್ಲಿಷ್ ‌ನಲ್ಲಿಯೇ ಮಾತನಾಡುತ್ತವೆ. ಜೂ ಎನ್‌ಟಿಆರ್ ಪ್ರೇಯಸಿ ಪಾತ್ರಧಾರಿ ಒಲಿವಿಯಾ ಮೋರಿಸ್ (ಜೆನಿಫರ್ ಪಾತ್ರ) ಸಂಭಾಷಣೆಗಳು ಸಹ ಇಂಗ್ಲಿಷ್ ‌ನಲ್ಲಿಯೇ ಇವೆ.

ರಾಮ್ ಚರಣ್ ಸಹ ಇಂಗ್ಲಿಷ್ ‌ನಲ್ಲಿ ಮಾತನಾಡುತ್ತಾರೆ

ಬ್ರಿಟೀಷ್ ಪಾತ್ರಗಳು ಮಾತ್ರವೇ ಅಲ್ಲದೆ ಸಿನಿಮಾದ ಕೆಲವು ಕಡೆಗಳಲ್ಲಿ ರಾಮ್ ಚರಣ್ ಸಹ ಇಂಗ್ಲಿಷ್ ‌ನಲ್ಲಿ ಮಾತನಾಡುತ್ತಾರೆ. ಇವಕ್ಕೆಲ್ಲ ತೆಲುಗು ಅಥವಾ ಪ್ರಾದೇಶಿಕ ಭಾಷೆಯ ವಾಯ್ಸ್ ಓವರ್ ಇಲ್ಲ. ಅಲ್ಲದೆ ಸ್ಥಳೀಯ ಭಾಷೆಯಲ್ಲಿ ಸಬ್ ಟೈಟಲ್ಸ್ ಸಹ ಇಲ್ಲ. ಹಾಗಾಗಿ ಹಲವು ಅಭಿಮಾನಿಗಳು ಇದಕ್ಕೆ ತಕರಾರು ವ್ಯಕ್ತಪಡಿಸಿದ್ದು, ಇದನ್ನು ಬದಲಾಯಿಸಲು ಕೇಳಿದ್ದಾರೆ. ಅಂತೆಯೇ ರಾಜಮೌಳಿ, 'RRR' ಸಿನಿಮಾದಲ್ಲಿ ಎಲ್ಲೆಲ್ಲಿ ಇಂಗ್ಲಿಷ್ ಭಾಷೆಯ ಡೈಲಾಗ್‌ಗಳು ಇವೆಯೋ ಅಲ್ಲೆಲ್ಲ ಸ್ಥಳೀಯ ಭಾಷೆಯ ಸಬ್‌ಟೈಟಲ್ ಸೇರಿಸಲಿದ್ದಾರೆ. ಸಬ್ ಟೈಟಲ್ ಸೇರಿಸಿದ ಹೊಸ ಅವತರಣಿಕೆ ಶೀಘ್ರದಲ್ಲಿಯೇ ಚಿತ್ರಮಂದಿರಗಳಲ್ಲಿ ಪ್ರದರ್ಶನ ಕಾಣಲಿದೆ.

Recommended Video

RRR ಪೋಸ್ಟ್ ಡಿಲೀಟ್ ಮಾಡಿದ್ದಕ್ಕೆ ಕಾರಣ ಕೊಟ್ಟ Alia Bhatt | Rajamouli

'RRR' ಸಿನಿಮಾಕ್ಕೆ ಇನ್ನಷ್ಟು ದೃಶ್ಯಗಳ ಸೇರಿಕೆ?

'RRR' ಸಿನಿಮಾದ ಅವಧಿ 3 ಗಂಟೆ 2 ನಿಮಿಷ. ಇದು ಉದ್ದದ ಸಿನಿಮಾ ಅವಧಿ ಎಂದೇ ಹೇಳಬೇಕು. ಸಿನಿಮಾಕ್ಕಾಗಿ ಇನ್ನೂ ಹಲವು ದೃಶ್ಯಗಳನ್ನು ಚಿತ್ರೀಕರಿಸಲಾಗಿತ್ತು. ಅದನ್ನೆಲ್ಲ ತೆಗೆದರೂ ಸಹ ಸಿನಿಮಾದ ಅವಧಿ ಇಷ್ಟು ಧೀರ್ಘವಾಗಿದೆ. ಆದರೆ 'RRR' ಸಿನಿಮಾವು ಒಟಿಟಿಗೆ ಬಂದಾಗ ಸಿನಿಮಾದಿಂದ ತೆಗೆದಿದ್ದ ದೃಶ್ಯಗಳನ್ನು ಸೇರಿಸುವ ಸಾಧ್ಯತೆ ಇದೆ. ಆಗ ಆಲಿಯಾ ಭಟ್‌ರ ಇನ್ನಷ್ಟು ದೃಶ್ಯಗಳು ವೀಕ್ಷಿಸಲು ಸಿಗಬಹುದು. ಒಲಿವಿಯಾ ಮೋರಿಸ್ ಹಾಗೂ ಜೂ ಎನ್‌ಟಿಆರ್ ನಡುವೆ ಸಹ ಇನ್ನಷ್ಟು ದೃಶ್ಯಗಳು ಸಿಗಬಹುದು ಎನ್ನಲಾಗುತ್ತಿದೆ.