Don't Miss!
- Automobiles ಜನ ಕ್ಯೂ ನಿಂತು ಖರೀದಿಸುತ್ತಿದ್ದ ಮಾರುತಿ ಸ್ವಿಫ್ಟ್ ಕಾರು ಮಾರಾಟದಲ್ಲಿ ಕುಸಿತ: ಕಾರಣವೇನು?
- News Rain Alert: ಹುಬ್ಬಳ್ಳಿ-ಧಾರವಾಡ ಸೇರಿ ವಿವಿಧೆಡೆ ವ್ಯಾಪಕ ಮಳೆ ಆರ್ಭಟ
- Technology ಬಜೆಟ್ ಬೆಲೆಗೆ ಲಭ್ಯವಿರುವ ಈ ಫೋನ್ಗಳ ಫೀಚರ್ಸ್ ತಿಳಿದ್ರೆ, ವಾವ್ ಅಂತೀರಾ!
- Lifestyle ವೀಲ್ಚೇರ್ನಲ್ಲಿ ಮಾವನ ಹೆಣವಿಟ್ಟು ಬ್ಯಾಂಕ್ಗೆ ತಂದ ಸೊಸೆ..! ಲೋನ್ ಮಾಡಿಸುವಾಗ ಸಿಕ್ಕಿಬಿದ್ಲು..!
- Finance ಅಂಬುಜಾ ಸಿಮೆಂಟ್ ಮೇಲೆ ಅದಾನಿ ಗ್ರೂಪ್ನಿಂದ 8,339 ಕೋಟಿ ರೂ. ಹೂಡಿಕೆ
- Sports ಟಿ20 ವಿಶ್ವಕಪ್ ಬಗ್ಗೆ ಸ್ಪಷ್ಟನೆ ಕೇಳಿದ ವಿರಾಟ್ ಕೊಹ್ಲಿ; ಕಹಾನಿ ಮೇ ಟ್ವಿಸ್ಟ್ ನೀಡಿದ ಬಿಸಿಸಿಐ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಅಭಿಮಾನಿಗಳ ಒತ್ತಾಯದ ಮೇರೆಗೆ 'RRR' ಸಿನಿಮಾಕ್ಕೆ ಬದಲಾವಣೆ ತಂದ ರಾಜಮೌಳಿ
'RRR' ಸಿನಿಮಾದಲ್ಲಿ ಇಬ್ಬರು ಸೂಪರ್ ಸ್ಟಾರ್ಗಳಲ್ಲಿ ಹಾಕಿಕೊಂಡಾಗ ರಾಜಮೌಳಿಗೆ ಇದ್ದ ಮೊದಲ ಭಯವೆಂದರೆ ಅಭಿಮಾನಿಗಳದ್ದು. ಒಬ್ಬ ಸ್ಟಾರ್ ನಟನ ಪಾತ್ರ ಮತ್ತೊಬ್ಬರಿಗಿಂತ ತುಸು ಕಡಿಮೆಯಾದರೂ ಅಭಿಮಾನಿಗಳು ರೊಚ್ಚಿಗೇಳುವ ಸಾಧ್ಯತೆ ಇತ್ತು.
ಈಗ 'RRR' ಸಿನಿಮಾ ಬಿಡುಗಡೆ ಆಗಿದೆ. ಸಿನಿಮಾ ಬಿಡುಗಡೆ ಆದಮೇಲೆ ಜೂ ಎನ್ಟಿಆರ್ ಹಾಗೂ ರಾಮ್ ಚರಣ್ ತೇಜ ಅಭಿಮಾನಿಗಳು ಇಬ್ಬರೂ ಖುಷಿಯಾಗಿದ್ದಾರೆ. ಎಲ್ಲೋ ಕೆಲವರಷ್ಟೆ ಸಣ್ಣ ಪುಟ್ಟ ಅಸಮಾಧಾನಗಳನ್ನು ಹೊರಹಾಕಿದ್ದಾದೆ. ಆದರೆ ಅಸಮಧಾನಿತರ ಪ್ರಮಾಣ ಬಹಳ ಕಡಿಮೆ.
RRR ಹುಟ್ಟಿದ್ದು ಹೇಗೆ: ಕಥೆಗಾರ ಬಿಚ್ಚಿಟ್ಟ 'RRR' ಕತೆಯ ಕತೆ!
ಆದರೆ 'RRR' ಸಿನಿಮಾ ನೋಡಿದ ಅಭಿಮಾನಿಗಳು ಒಂದು ವಿಷಯಕ್ಕೆ ಅಸಮಾಧಾನಗೊಂಡಿದ್ದಾರೆ. ಅದನ್ನು ಬದಲಾಯಿಸುವಂತೆ ರಾಜಮೌಳಿಯನ್ನು ಒತ್ತಾಯಿಸಿದ್ದಾರೆ. ಕೇವಲ ಅಭಿಮಾನಿಗಳಷ್ಟೆ ಅಲ್ಲ, ಸಿನಿಮಾದ ವಿತರಕರು, ಪ್ರದರ್ಶಕರು ಸಹ ರಾಜಮೌಳಿಗೆ ಮನವಿ ಮಾಡಿದ್ದಾರೆ. ಏನದು? ಮುಂದೆ ತಿಳಿಯೋಣ...
ಮುಂಬೈನಲ್ಲಿ 'RRR' ಟಿಕೆಟ್ ಸಿಗಲಿಲ್ಲ, ಬೆಂಗಳೂರಲ್ಲಿ ನೋಡುವೆ ಎಂದ ನಟಿ ಶ್ರಿಯಾ
ಬ್ರಿಟೀಷ್ ಅಧಿಕಾರಿಗಳ ಇಂಗ್ಲಿಷ್ ಸಂಭಾಷಣೆ ಬಗ್ಗೆ ತಕರಾರು
'RRR' ಸಿನಿಮಾವು ಸ್ವಾತಂತ್ರ್ಯಪೂರ್ವ ಭಾರತದ ಕತೆಯನ್ನು ಹೊಂದಿದೆ. ಸಿನಿಮಾದಲ್ಲಿ ಹಲವು ಬ್ರಿಟೀಷ್ ಅಧಿಕಾರಿಗಳ ಪಾತ್ರಗಳಿವೆ. ಬ್ರಿಟೀಷ್ ಅಧಿಕಾರಿಗಳ ಪಾತ್ರಗಳು ಇಂಗ್ಲಿಷ್ ನಲ್ಲಿ ಮಾತನಾಡುತ್ತವೆ. ಮೊದಲಾರ್ಧದಲ್ಲಂತೂ ಇಂಗ್ಲಿಷ್ ಡೈಲಾಗ್ಗಳು ಹೆಚ್ಚಾಗಿಯೇ ಇವೆ. ಈ ಇಂಗ್ಲಿಷ್ ಡೈಲಾಗ್ಗಳು ಎಲ್ಲರಿಗೂ ಸುಲಭಕ್ಕೆ ಅರ್ಥವಾಗದು ಹಾಗಾಗಿ ಇವನ್ನು ಬದಲಸಿ, ಪ್ರಾದೇಶಿಕ ಭಾಷೆಗಳಲ್ಲಿ ವಾಯ್ಸ್ ಓವರ್ ನೀಡಬೇಕೆಂಬ ಬೇಡಿಕೆ ಕೇಳಿಬಂದಿದೆ.
ರೇಯ್ ಸ್ಟಿವನ್ಸನ್ ಪಾತ್ರಕ್ಕೆ ರಾಣಾ ದಗ್ಗುಬಾಟಿ ಧ್ವನಿ
ಅಸಲಿಗೆ ಸಿನಿಮಾದಲ್ಲಿ ರೇಯ್ ಸ್ಟಿವನ್ಸನ್ ಪಾತ್ರಕ್ಕೆ ರಾಣಾ ದಗ್ಗುಬಾಟಿ ಧ್ವನಿ ನೀಡಿದ್ದಾರೆ. ಆದರೆ ಅವರ ಧ್ವನಿ ಅಲ್ಲಲ್ಲಿ ಮಾತ್ರವೇ ಇದೆ. ಬದಲಿಗೆ ರೇಯ್ ಸ್ಟಿವನ್ಸನ್ನ ಪೂರ್ತಿ ಪಾತ್ರಕ್ಕೆ ಇಲ್ಲ. ಅಲ್ಲದೆ ರೇಯ್ ಸ್ಟಿವನ್ಸನ್ ಪಾತ್ರದ ಹೊರತಾಗಿ ಇನ್ನಾವ ಬ್ರಿಟೀಷ್ ಪಾತ್ರಕ್ಕೂ ಪ್ರಾದೇಶಿಕ ಭಾಷೆಯ ವಾಯ್ಸ್ ಓವರ್ ನೀಡಲಾಗಿಲ್ಲ. ಉಳಿದ ಎಲ್ಲ ಬ್ರಿಟೀಷ್ ಪಾತ್ರಗಳು ಇಂಗ್ಲಿಷ್ ನಲ್ಲಿಯೇ ಮಾತನಾಡುತ್ತವೆ. ಜೂ ಎನ್ಟಿಆರ್ ಪ್ರೇಯಸಿ ಪಾತ್ರಧಾರಿ ಒಲಿವಿಯಾ ಮೋರಿಸ್ (ಜೆನಿಫರ್ ಪಾತ್ರ) ಸಂಭಾಷಣೆಗಳು ಸಹ ಇಂಗ್ಲಿಷ್ ನಲ್ಲಿಯೇ ಇವೆ.
ರಾಮ್ ಚರಣ್ ಸಹ ಇಂಗ್ಲಿಷ್ ನಲ್ಲಿ ಮಾತನಾಡುತ್ತಾರೆ
ಬ್ರಿಟೀಷ್ ಪಾತ್ರಗಳು ಮಾತ್ರವೇ ಅಲ್ಲದೆ ಸಿನಿಮಾದ ಕೆಲವು ಕಡೆಗಳಲ್ಲಿ ರಾಮ್ ಚರಣ್ ಸಹ ಇಂಗ್ಲಿಷ್ ನಲ್ಲಿ ಮಾತನಾಡುತ್ತಾರೆ. ಇವಕ್ಕೆಲ್ಲ ತೆಲುಗು ಅಥವಾ ಪ್ರಾದೇಶಿಕ ಭಾಷೆಯ ವಾಯ್ಸ್ ಓವರ್ ಇಲ್ಲ. ಅಲ್ಲದೆ ಸ್ಥಳೀಯ ಭಾಷೆಯಲ್ಲಿ ಸಬ್ ಟೈಟಲ್ಸ್ ಸಹ ಇಲ್ಲ. ಹಾಗಾಗಿ ಹಲವು ಅಭಿಮಾನಿಗಳು ಇದಕ್ಕೆ ತಕರಾರು ವ್ಯಕ್ತಪಡಿಸಿದ್ದು, ಇದನ್ನು ಬದಲಾಯಿಸಲು ಕೇಳಿದ್ದಾರೆ. ಅಂತೆಯೇ ರಾಜಮೌಳಿ, 'RRR' ಸಿನಿಮಾದಲ್ಲಿ ಎಲ್ಲೆಲ್ಲಿ ಇಂಗ್ಲಿಷ್ ಭಾಷೆಯ ಡೈಲಾಗ್ಗಳು ಇವೆಯೋ ಅಲ್ಲೆಲ್ಲ ಸ್ಥಳೀಯ ಭಾಷೆಯ ಸಬ್ಟೈಟಲ್ ಸೇರಿಸಲಿದ್ದಾರೆ. ಸಬ್ ಟೈಟಲ್ ಸೇರಿಸಿದ ಹೊಸ ಅವತರಣಿಕೆ ಶೀಘ್ರದಲ್ಲಿಯೇ ಚಿತ್ರಮಂದಿರಗಳಲ್ಲಿ ಪ್ರದರ್ಶನ ಕಾಣಲಿದೆ.
Recommended Video
'RRR' ಸಿನಿಮಾಕ್ಕೆ ಇನ್ನಷ್ಟು ದೃಶ್ಯಗಳ ಸೇರಿಕೆ?
'RRR' ಸಿನಿಮಾದ ಅವಧಿ 3 ಗಂಟೆ 2 ನಿಮಿಷ. ಇದು ಉದ್ದದ ಸಿನಿಮಾ ಅವಧಿ ಎಂದೇ ಹೇಳಬೇಕು. ಸಿನಿಮಾಕ್ಕಾಗಿ ಇನ್ನೂ ಹಲವು ದೃಶ್ಯಗಳನ್ನು ಚಿತ್ರೀಕರಿಸಲಾಗಿತ್ತು. ಅದನ್ನೆಲ್ಲ ತೆಗೆದರೂ ಸಹ ಸಿನಿಮಾದ ಅವಧಿ ಇಷ್ಟು ಧೀರ್ಘವಾಗಿದೆ. ಆದರೆ 'RRR' ಸಿನಿಮಾವು ಒಟಿಟಿಗೆ ಬಂದಾಗ ಸಿನಿಮಾದಿಂದ ತೆಗೆದಿದ್ದ ದೃಶ್ಯಗಳನ್ನು ಸೇರಿಸುವ ಸಾಧ್ಯತೆ ಇದೆ. ಆಗ ಆಲಿಯಾ ಭಟ್ರ ಇನ್ನಷ್ಟು ದೃಶ್ಯಗಳು ವೀಕ್ಷಿಸಲು ಸಿಗಬಹುದು. ಒಲಿವಿಯಾ ಮೋರಿಸ್ ಹಾಗೂ ಜೂ ಎನ್ಟಿಆರ್ ನಡುವೆ ಸಹ ಇನ್ನಷ್ಟು ದೃಶ್ಯಗಳು ಸಿಗಬಹುದು ಎನ್ನಲಾಗುತ್ತಿದೆ.