ಹತ್ತು ಭಾಷೆಯಲ್ಲಿ RRR: ಕೆಲವೇ ದಿನದಲ್ಲಿ ಟೀಸರ್

ಒಟ್ಟಿಗೆ ಹತ್ತು ಭಾಷೆಗಳಲ್ಲಿ ಬಿಡುಗಡೆ ಆಗಲಿದೆ ಆರ್‌ಆರ್‌ಆರ್

ಆರ್‌ಆರ್‌ಆರ್ ಸಿನಿಮಾವು ಒಟ್ಟಿಗೆ ಹತ್ತು ಭಾಷೆಗಳಲ್ಲಿ ಬಿಡುಗಡೆ ಆಗಲಿರುವುದು ಹೊಸ ಸುದ್ದಿಯೇನಲ್ಲ. ಆರ್‌ಆರ್‌ಆರ್‌ ಸಿನಿಮಾದ ಮೊದಲ ಸುದ್ದಿಗೋಷ್ಠಿಯಲ್ಲಿಯೇ ರಾಜಮೌಳಿ ಅವರು ಈ ವಿಷಯವನ್ನು ಹೇಳಿದ್ದರು.

'ಬಾಹುಬಲಿ' ಸಿನಿಮಾ ಹಲವು ಭಾಷೆಗಳಿಗೆ ಡಬ್ ಆಗಿತ್ತು

ರಾಜಮೌಳಿ ನಿರ್ದೇಶನದ 'ಬಾಹುಬಲಿ' ಸಿನಿಮಾವು ಭಾರತದ ಹಲವು ಭಾಷೆಗಳಿಗೆ ಡಬ್ ಆಗಿತ್ತು, ಮಾತ್ರವಲ್ಲದೆ ವಿದೇಶದ ಕೆಲವಾರು ಭಾಷೆಗಳಿಗೂ ಡಬ್ ಆಗಿ ಪ್ರಸಾರವಾಗಿತ್ತು. ಹಾಗಾಗಿ ಈ ಬಾರಿ ಆರ್‌ಆರ್‌ಆರ್‌ ಸಿನಿಮಾವನ್ನು ಹೆಚ್ಚಿನ ಭಾಷೆಗಳಲ್ಲಿ ಡಬ್ ಮಾಡಿಯೇ ಬಿಡುಗಡೆ ಮಾಡುವ ಯೋಚನೆ ಹಾಕಿದ್ದಾರೆ ರಾಜಮೌಳಿ.

ಚಿತ್ರೀಕರಣದಲ್ಲಿ ಸಾಕಷ್ಟು ಬದಲಾವಣೆ

ಕೊರೊನಾ ಕಾರಣಕ್ಕೆ ಚಿತ್ರೀಕರಣಕ್ಕೆ ಅಲ್ಪವಿರಾಮ ಉಂಟಾಗಿತ್ತು. ಆದರೆ ಇದೀಗ ಮತ್ತೆ ಭರದಿಂದ ಚಿತ್ರೀಕರಣ ಮಾಡಲಾಗುತ್ತಿದೆ. ಚಿತ್ರೀಕರಣದ ಶೆಡ್ಯೂಲ್‌ಗಳಲ್ಲಿ ಬದಲಾವಣೆ ಸಹ ಮಾಡಿಕೊಳ್ಳಲಾಗಿದೆ. ಸಿನಿಮಾದ ಬಹುತೇಕ ಭಾಗದ ಚಿತ್ರೀಕರಣ ಈಗಾಗಲೇ ಮುಗಿದಿದೆ. ಅಜಯ್ ದೇವಗನ್, ಆಲಿಯಾ ಭಟ್ ಅವರು ಪಾತ್ರದ ಮೊದಲ ಶೆಡ್ಯೂಲ್‌ನ ಚಿತ್ರೀಕರಣ ಮುಗಿದಿದ್ದು, ಈ ಇಬ್ಬರೂ ಬಾಲಿವುಡ್ಡಿಗರು ಆರ್‌ಆರ್‌ಆರ್‌ ಚಿತ್ರೀಕರಣ ಸೆಟ್‌ಗೆ ಮರಳಲಿದ್ದಾರೆ.

Recommended Video

ಚಾಂಪಿಯನ್ ಸಿನಿಮಾದ ಹಾಡಿನಲ್ಲಿ ಸನ್ನಿ ಲಿಯೋನ್ ಡ್ಯಾನ್ಸ್ | Filmibeat Kannada

ಅಕ್ಟೋಬರ್ 13 ಕ್ಕೆ ಸಿನಿಮಾ ತೆರೆಗೆ

ಆರ್‌ಆರ್‌ಆರ್ ಸಿನಿಮಾವು ಅಕ್ಟೋಬರ್ 13 ರಂದು ತೆರೆಗೆ ಬರಲಿದೆ. ಕನ್ನಡ, ತೆಲುಗು, ತಮಿಳು, ಹಿಂದಿ, ಮಲಯಾಳಂ, ಭೋಜ್‌ಪುರಿ, ಸಿಂಹಳಿ ಸೇರಿದಂತೆ ಇನ್ನೂ ಹಲವು ಭಾಷೆಗಳಲ್ಲಿ ಏಕಕಾಲದಲ್ಲಿ 'ಆರ್‌ಆರ್‌ಆರ್‌' ಬಿಡುಗಡೆ ಆಗಲಿದೆ.