ಸಂಭಾವನೆ ಏರಿಸಿಕೊಂಡ ನಟ ನಾನಿ: ಈಗೆಷ್ಟು ಪಡೆಯುತ್ತಾರೆ ಹಣ?

ಸಂಭಾವನೆ ಏರಿಸಿಕೊಂಡಿದ್ದಾರೆ ನಾನಿ

ಇದೀಗ ನಟ ನಾನಿ ತಮ್ಮ ಸಂಭಾವನೆ ಏರಿಸಿಕೊಂಡಿದ್ದಾರೆ ಎಂಬ ಸುದ್ದಿ ತೆಲುಗು ಸಿನಿಮಾರಂಗದಲ್ಲಿ ಗಟ್ಟಿಯಾಗಿ ಹರಿದಾಡುತ್ತಿದೆ. ಹಲವು ಸತತ ಹಿಟ್ ನೀಡಿರುವ ನಾನಿ ತಮ್ಮ ಸಂಭಾವನೆ ಏರಿಸಿಕೊಂಡಿರುವುದರಲ್ಲಿ ದೊಡ್ಡ ಆಶ್ಚರ್ಯವೇನೂ ಇಲ್ಲ.

ಸಿನಿಮಾ ಒಂದಕ್ಕೆ 11 ಕೋಟಿ ಪಡೆಯುತ್ತಿದ್ದರು

ಈ ಹಿಂದೆ ಸಿನಿಮಾ ಒಂದಕ್ಕೆ 11 ಕೋಟಿ ಸಂಭಾವನೆ ಪಡೆಯುತ್ತಿದ್ದರಂತೆ ನಾನಿ. 2020 ರಲ್ಲಿ ಅವರು ನಟಿಸಿದ 'ವಿ' ಸಿನಿಮಾಕ್ಕೆ 11 ಕೋಟಿ ಪಡೆದಿದ್ದರಂತೆ. ಆದರೆ ಈಗ ಹೊಸ ಸಿನಿಮಾಗಳಿಗೆ ಹೆಚ್ಚಿನ ಸಂಭಾವನೆಯನ್ನು ನಾನಿ ಕೇಳುತ್ತಿದ್ದಾರಂತೆ.

ಹೊಸ ಸಿನಿಮಾಕ್ಕೆ ಹೆಚ್ಚು ಸಂಭಾವನೆ ಬೇಡಿಕೆ

ಇದೀಗ 'ಶ್ಯಾಮ್ ಸಿಂಘ ರಾಯ್' ಸಿನಿಮಾಕ್ಕೆ ಸಹಿ ಮಾಡಿರುವ ನಾನಿ ಈ ಸಿನಿಮಾದಲ್ಲಿ ನಟಿಸಲು 14 ಕೋಟಿ ಕೇಳುತ್ತಿದ್ದಾರೆ ಎನ್ನಲಾಗುತ್ತಿದೆ. ಅದು ಮಾತ್ರವೇ ಅಲ್ಲದೆ 'ಅಂಟೆ ಸುಂದರಾನಿಕಿ' ಎಂಬ ಮತ್ತೊಂದು ಸಿನಿಮಾಕ್ಕೆ ಸಹಿ ಹಾಕಿದ್ದು ಅದಕ್ಕೂ ಸಹ 14 ಕೋಟಿ ಸಂಭಾವನೆ ಪಡೆಯುತ್ತಿದ್ದಾರೆ ನಾನಿ.

Recommended Video

ರಸ್ತೆ ವಿಚಾರಕ್ಕೆ ಗ್ರಾಮಸ್ಥರೊಡನೆ ಕಚ್ಚಾಡಿಕೊಂಡ ಯಶ್ ತಂದೆ-ತಾಯಿ | Filmibeat Kannada

ನಾನಿ ಗೆ ಸಾಯಿ ಪಲ್ಲವಿ ನಾಯಕಿ

ನಾನಿ ಅವರು ಟಕ್ ಜಗದೀಶ್ ಸಿನಿಮಾದ ಚಿತ್ರೀಕರಣ ಮುಗಿಸಿದ್ದು ಆ ಸಿನಿಮಾ ಬಿಡುಗಡೆಗೆ ತಯಾರಾಗಿದೆ. 'ಶ್ಯಾಮ್ ಸಿಂಘ ರಾಯ್' ಸಿನಿಮಾದ ಚಿತ್ರೀಕರಣ ನಡೆಯುತ್ತಿದ್ದು, ಸಿನಿಮಾದಲ್ಲಿ ಸಾಯಿ ಪಲ್ಲವಿ ನಾಯಕಿಯಾಗಿ ನಟಿಸಿದ್ದಾರೆ. ಇವರಿಬ್ಬರೂ ಒಟ್ಟಿಗೆ ನಟಿಸುತ್ತಿರುವ ಎರಡನೇ ಸಿನಿಮಾ ಇದು.