ಸಮಂತಾಳ ಈ ಬಿಕಿನಿಯ ಬೆಲೆ ಎಷ್ಟು ಗೊತ್ತೆ? ಪ್ರಚಾರಕ್ಕೆ ಪಡೆದ ಸಂಭಾವನೆ ಅಷ್ಟಿಷ್ಟಲ್ಲ!

ಸಮಂತಾ ಧರಿಸಿರುವ ಬಿಕಿನಿಯ ಬೆಲೆ ಎಷ್ಟು?

ಚಿತ್ರದಲ್ಲಿ ಸಮಂತಾ ಧರಿಸಿರುವುದು ವಿದೇಶಿ ಬ್ರ್ಯಾಂಡ್‌ ಬರ್‌ಬೆರಿಯ ಸ್ವಿಮ್ ವೇರ್. ಬರ್‌ಬೆರಿ ಬ್ರ್ಯಾಂಡ್‌ ಬಿಕಿನಿ ಉಡುಗೆಗಳಿಗೆ ಜನಪ್ರಿಯ. ದುಬಾರಿ ಬೆಲೆಯ ಉಡುಗೆಗಳನ್ನು ಈ ಸಂಸ್ಥೆ ಡಿಸೈನ್ ಮತ್ತು ಮಾರಾಟ ಮಾಡುತ್ತದೆ. ಚಿತ್ರದಲ್ಲಿ ಸಮಂತಾ ಧರಿಸಿರುವ ಬಿಕಿನಿಯ ಬೆಲೆ ಭಾರತೀಯ ರುಪಾಯಿಗಳಲ್ಲಿ 30,000 ರುಪಾಯಿ!

ಸ್ವಿಮ್‌ವೇರ್ ಚಿತ್ರ ಹಂಚಿಕೊಂಡಿದ್ದ ಸಮಂತಾ

ಸ್ವಿಮ್ ವೇರ್ ಧರಿಸಿರುವ ಎರಡು ಚಿತ್ರಗಳನ್ನು ಸಮಂತಾ ಹಂಚಿಕೊಂಡಿದ್ದರು. ಒಂದು ಚಿತ್ರದಲ್ಲಿ ಬರ್‌ಬೆರಿ ಬ್ರ್ಯಾಂಡ್‌ ಲೇಡೀಸ್ ಪರ್ಸ್‌ ಅನ್ನು ಪ್ರದರ್ಶಿಸಿದ್ದರು. ಇದರ ಬೆಲೆಯೂ ಕಡಿಮೆಯಲ್ಲ, ಈ ಪರ್ಸ್‌ನ ಬೆಲೆ ಸುಮಾರು 80,000 ರುಪಾಯಿ ಎನ್ನಲಾಗುತ್ತಿದೆ. ಸಮಂತಾರ ಬರ್‌ಬೆರಿ ಪ್ರಚಾರದ ಫೊಟೊಗಳನ್ನು ಜನಪ್ರಿಯ ಫೊಟೊಗ್ರಾಫರ್ ವೇಣುರಸೂರಿ ಕ್ಲಿಕ್ಕಿಸಿದ್ದರು. ಸಮಂತಾಗೆ ಮೇಕಪ್‌ ಮಾಡಿದ್ದು ಸಾಧನಾ ಸಿಂಗ್, ಈಕೆ ಸಮಂತಾರ ಆಪ್ತ ಗೆಳತಿ ಸಹ ಹೌದು.

ಬಿಕಿನಿ ಪ್ರಚಾರಕ್ಕೆ ಪಡೆದ ಹಣವೆಷ್ಟು?

ಇನ್ನು ಈ ಬರ್‌ಬೆರಿ ಬ್ರ್ಯಾಂಡ್‌ನ ಪ್ರಚಾರಕ್ಕೆ ಸಮಂತಾ ಬರೋಬ್ಬರಿ 90 ಲಕ್ಷ ಹಣ ಪಡೆದಿದ್ದಾರೆ ಎನ್ನಲಾಗುತ್ತಿದೆ. ಅಲ್ಲಿಗೂ ಸಮಂತಾ ಪೂರ್ಣ ಬಿಕಿನಿಯಲ್ಲಿ ಕಾಣಿಸಿಕೊಂಡಿಲ್ಲ, ಬದಲಿಗೆ ಬಿಕಿನಿಯ ಮೇಲ್ಭಾಗವನ್ನಷ್ಟೆ ಪ್ರದರ್ಶಿಸಿದ್ದಾರೆ. ಆದರೂ 90 ಲಕ್ಷ ಸಂಭಾವನೆಯನ್ನು ಸಮಂತಾ ಪಡೆದಿದ್ದಾರೆ. ಸಮಂತಾ ಸಿನಿಮಾಗಳಿಂದ ಗಳಿಸಿದಷ್ಟೆ ಹಣವನ್ನು ಇನ್‌ಸ್ಟಾಗ್ರಾಂ ಪ್ರೊಮೋಷನ್‌ಗಳಿಂದಲೂ ಪಡೆಯುತ್ತಾರೆ.

ವಿವಿಧ ಬ್ರ್ಯಾಂಡ್‌ನ ಪ್ರಚಾರ ಮಾಡ್ತಾರೆ ಸಮಂತಾ

ಹಲವು ಬ್ರ್ಯಾಂಡ್‌ಗಳ ಅಂಬಾಸಿಡರ್ ಆಗಿರುವ ಸಮಂತಾ, ವಿವಿಧ ಬ್ರ್ಯಾಂಡ್‌ಗಳ ಜಾಹೀರಾತುಗಳನ್ನು ತಮ್ಮ ಇನ್‌ಸ್ಟಾಗ್ರಾಂ ಮೂಲಕ ಹಂಚಿಕೊಳ್ಳುತ್ತಿರುತ್ತಾರೆ. ಅದರಲ್ಲೂ ಬಟ್ಟೆ ಬ್ರ್ಯಾಂಡ್‌ನ ಫೊಟೊಗಳನ್ನು ಹೆಚ್ಚಿಗೆ ಹಂಚಿಕೊಳ್ಳುತ್ತಾರೆ ಸಮಂತಾ. ಕೆಲ ತಿಂಗಳ ಹಿಂದೆ ನಟ ವಿಜಯ್‌ರ ತಮಿಳು ಸಿನಿಮಾ 'ಬೀಸ್ಟ್‌'ನ ಹಾಡೊಂದಕ್ಕೆ ಸ್ಟೆಪ್ ಹಾಕಿ ವಿಡಿಯೋವನ್ನು ಇನ್‌ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿದ್ದಕ್ಕೆ ಲಕ್ಷಾಂತರ ರುಪಾಯಿ ಹಣ ಪಡೆದಿದ್ದರು ಸಮಂತಾ.