ಕೋಟ್ಯಾಧಿಪತಿ : ಗೋಲ್ಡನ್ ಗರ್ಲ್ ರಮ್ಯ ಸಂದರ್ಶನ

ಪ್ರ: ಕನ್ನಡ ಕೋಟ್ಯಾಧಿಪತಿ ಕಾರ್ಯಕ್ರಮದಲ್ಲಿ ಭಾಗವಹಿಸಿದ ಮೊದಲ ಸೆಲೆಬ್ರಿಟಿ ನೀವು, ಈ ಕಾರ್ಯಕ್ರಮದ ಬಗ್ಗೆ ನಿಮ್ಮ ಅನಿಸಿಕೆ?
ರಮ್ಯ: I had a lot of fun. ಈ ಕಾರ್ಯಕ್ರಮದಿಂದ ಕಲಿಯುವುದು ಬಹಳಷ್ಟು ಇದೆ. ನಮ್ಮ ತಿಳುವಳಿಕೆಯ ಶಕ್ತಿಗೆ ಕೆಲಸ ಕೊಡುವ ಕಾರ್ಯಕ್ರಮ. ಕೋಟ್ಯಾಧಿಪತಿ ತಂಡ ಮತ್ತು ಅಪ್ಪು ನನ್ನನ್ನು ಚೆನ್ನಾಗಿ ನೋಡಿಕೊಂಡರು. Really I had a blast.

ಪ್ರ: ಈ ಹಿಂದೆ ಪುನೀತ್ ಜೊತೆ ಸಿನಿಮಾದಲ್ಲಿ ನಟಿಸಿದ್ದೀರಿ, ಆದರೆ ಇದು ಬೇರೆ ಗೇಮ್ ಶೋ. ಸಿನಿಮಾಗೂ ಈ ಶೋಗೂ ಏನು ವ್ಯತ್ಯಾಸ ನಿಮ್ಮ ಪ್ರಕಾರ?
ರಮ್ಯ: ಅಪ್ಪು ನಾನು ಯಾವಾಗಲೂ ಮೆಚ್ಚುವ ವ್ಯಕ್ತಿ. ಉತ್ತಮ ನಟ ಮತ್ತೆ ಈಗ ಉತ್ತಮ ನಿರೂಪಕರಾಗಿ ಕೂಡಾ ಹೊರ ಹೊಮ್ಮುತ್ತಿದ್ದಾರೆ. ಪುನೀತ್ ಅವರಿಂದಾಗಿ ಈ ಶೋ ಮತ್ತಷ್ಟು ಜನಪ್ರಿಯ ಆಗುವುದರಲ್ಲಿ ಸಂಶಯವೇ ಇಲ್ಲ.

ಪ್ರ: ನಿಮ್ಮ ಸಿನಿಮಾ ವೃತ್ತಿ ಜೀವನ ಆಗಿದ್ದು ಪುನೀತ್ ಹೀರೋ ಆಗಿರುವ ಚಿತ್ರದ ಮೂಲಕ, ಈಗ ಕೋಟ್ಯಾಧಿಪತಿ ಶೋಗೆ ಸೆಲೆಬ್ರಿಟಿ ಆಗಿ ಬರುತ್ತಿರುವವರು ನೀವೇ ಮೊದಲು. ಈ ಶೋಗೆ ನಿಮ್ಮ ಹೆಸರನ್ನು ಯಾರು ಸೂಚಿಸಿದರು?
ರಮ್ಯ: ಅಪ್ಪು, ಸುವರ್ಣ ವಾಹಿನಿಯ ಅನೂಪ್ ಸೇರಿ ನನ್ನ ಹೆಸರನ್ನು ಸೂಚಿಸಿರಬಹುದು.

ಪ್ರ: ಈ ಶೋನಲ್ಲಿ ಎಷ್ಟು ಹಣ ಗೆದ್ರಿ?
ರಮ್ಯ: Watch the show...

ಪ್ರ: ಈ ಶೋನಲ್ಲಿ ಗೆದ್ದ ಹಣವನ್ನು ನೀವು ಕನ್ನಡ ಚಿತ್ರರಂಗಕ್ಕೆ ಶ್ರಮಿಸಿದವರಿಗೆ ನೀಡುತ್ತೀರಿ ಎಂದು ತಿಳಿಯಿತು.ನಿಮ್ಮ ಈ ನಿರ್ಧಾರಕ್ಕೆ ಕಾರಣ?
ರಮ್ಯ: ಕನ್ನಡ ಚಿತ್ರರಂಗ ಇಂದು ಈ ಮಟ್ಟಕ್ಕೆ ಬೆಳೆಯಲು ಬಹಳ ಜನರ ಪರಿಶ್ರಮವಿದೆ. ಒಬ್ಬ ವ್ಯಕ್ತಿ ಗೆದ್ದಾಗಿ ಎಲ್ಲರೂ ಜೊತೆಗಿರುತ್ತಾರೆ ಆದರೆ ಸೋತಾಗ ಯಾರೂ ಇರೋಲ್ಲ. ಸಿನಿಮಾರಂಗ ಎನ್ನವುದು ಕುಟುಂಬ ಇದ್ದ ಹಾಗೆ. ನಮ್ಮ ಕುಟುಂಬದವರನ್ನು ನಾವು ಮರೆಯಬಾರದು. I want to change that. ಹಾಗಾಗಿ ಈ ಹಣವನ್ನು ಆರ್ಥಿಕವಾಗಿ ತೊಂದರೆ ಅನುಭವಿಸುತ್ತಿರುವ ನಮ್ಮ ಸಿನಿಮಾ ಕುಟುಂಬದವರಿಗೆ ನೀಡಲು ನಿರ್ಧರಿಸಿದ್ದೇನೆ