ಬಿಗ್ ಬಾಸ್ ಕನ್ನಡ 8: ದೊಡ್ಮನೆ ಸೇರಲಿದ್ದಾರೆ 'ಮಿಸ್ ಇಂಡಿಯಾ ಸೌತ್?

ಮಿಸ್ ಇಂಡಿಯಾ ಸೌತ್ ವಿಜೇತೆ

ಮೂಲತಃ ಬೆಂಗಳೂರಿನವರಾದ ದಿವ್ಯ ರಾವ್ ಸಿಲಿಕಾನ್ ಸಿಟಿಯಲ್ಲಿಯೇ ವಿದ್ಯಾಭ್ಯಾಸ ಮುಗಿಸಿದರು. ಬೆಂಗಳೂರಿನ ವಿಜಯ ಕಾಲೇಜಿನಲ್ಲಿ ಬಿಬಿಎ ಪದವಿ ಪಡೆದುಕೊಂಡಿದ್ದಾರೆ. ನಂತರ ಮಾಡಲಿಂಗ್ ಕ್ಷೇತ್ರಕ್ಕೆ ಧುಮುಕಿದ ದಿವ್ಯ ರಾವ್ ಯಶಸ್ಸು ಕಂಡರು. 2017ರಲ್ಲಿ ''ಮಿಸ್ ಇಂಡಿಯಾ ಸೌತ್'' ಸ್ಪರ್ಧೆಯಲ್ಲಿ ಭಾಗವಹಿಸಿ ವಿಜೇತರಾಗಿದರು.

ಕನ್ನಡ ಸಿನಿಮಾದಲ್ಲಿ ನಟನೆ

2017ರಲ್ಲಿ ರಿಲೀಸ್ ಆಗಿದ್ದ ಕನ್ನಡ ಸಿನಿಮಾ 'ಹಿಲ್ಟನ್ ಹೌಸ್' ಚಿತ್ರದ ಮೂಲಕ ದಿವ್ಯ ರಾವ್ ಸ್ಯಾಂಡಲ್‌ವುಡ್ ಪ್ರವೇಶಿಸಿದ್ದರು. ನರೇಂದ್ರ ಬಾಬು ನಿರ್ದೇಶಿಸಿದ್ದ ಈ ಚಿತ್ರದಲ್ಲಿ ಪ್ರಮುಖ ನಟಿಯಾಗಿ ಬಣ್ಣ ಹಚ್ಚಿದ್ದರು. 2019ರಲ್ಲಿ ತೆರೆಕಂಡ ''ಡಿಗ್ರಿ ಕಾಲೇಜ್'' ಮೂಲಕ ಟಾಲಿವುಡ್ ಇಂಡಸ್ಟ್ರಿ ಪ್ರವೇಶಿಸಿದರು.

ಧಾರಾವಾಹಿಗಳಲ್ಲಿ ನಟನೆ

ಮಾಡಲಿಂಗ್ ಕ್ಷೇತ್ರ ಹಾಗೂ ಸಿನಿಮಾದಲ್ಲಿ ಖ್ಯಾತಿ ಗಳಿಸಿಕೊಂಡ ದಿವ್ಯ ರಾವ್ ನಂತರ ಕನ್ನಡ ಕಿರುತೆರೆ ಲೋಕಕ್ಕೆ ಪರಿಚಯವಾದರು. ಕನ್ನಡದ ಖಾಸಗಿ ವಾಹಿನಿಯಲ್ಲಿ ಪ್ರಸಾರವಾಗುತ್ತಿದ್ದ ''ನನ್ನ ಹೆಂಡ್ತಿ ಎಂಬಿಬಿಎಸ್'' ಹಾಗೂ ''ಜೋಡಿಹಕ್ಕಿ'' ಎಂಬ ಧಾರಾವಾಹಿಗಳಲ್ಲಿಯೂ ದಿವ್ಯ ಅಭಿನಯಿಸಿದ್ದಾರೆ.