'ಬೊಂಬೆ' ನಿವೇದಿತಾ 'ಬಿಗ್ ಬಾಸ್' ಗೆದ್ದರೆ ಅಚ್ಚರಿ ಪಡಬೇಡಿ.! ಯಾಕಂದ್ರೆ...

ಸೆಲೆಬ್ರಿಟಿಗಳ ಜೊತೆಯಾದ ನಿವೇದಿತಾ

ಕಾಮನ್ ಮ್ಯಾನ್ ಕಂಟೆಸ್ಟೆಂಟ್ ಅಗಿ 'ಬಿಗ್ ಬಾಸ್' ಮನೆಯೊಳಗೆ ಹೋದರೂ, ನಿವೇದಿತಾ ಹೆಚ್ಚು ಆಪ್ತರಾಗಿದ್ದು ಸೆಲೆಬ್ರಿಟಿ ಸ್ಪರ್ಧಿಗಳ ಜೊತೆಗೆ.

ಗಾರ್ಡನ್ ಏರಿಯಾಗೆ ಬಂದ ನಿವೇದಿತಾ

ಮೊದಮೊದಲು ಸೆಲೆಬ್ರಿಟಿ ಸ್ಪರ್ಧಿಗಳೊಂದಿಗೆ ಸ್ನೇಹ ಬೆಳೆಸಿದ್ದ ನಿವೇದಿತಾ ನಂತರ ಗಾರ್ಡನ್ ಏರಿಯಾಗೆ ಶಿಫ್ಟ್ ಆದರು. ಕಾಮನ್ ಮ್ಯಾನ್ ಸ್ಪರ್ಧಿಗಳ ಜೊತೆಗೆ ಹೆಚ್ಚು ಕಾಲ ಕಳೆಯಲು ಆರಂಭಿಸಿದರು.

ಯಾರೊಂದಿಗೂ ಮುನಿಸು ಇಲ್ಲ

'ಬಿಗ್ ಬಾಸ್' ಮನೆಯೊಳಗೆ ಸೆಲೆಬ್ರಿಟಿ ವರ್ಸಸ್ ಕಾಮನ್ ಮ್ಯಾನ್ ಗುಂಪುಗಾರಿಕೆ ನಡೆಯುತ್ತಿದ್ದರೂ, ನಿವೇದಿತಾ ಮಾತ್ರ ಯಾರೊಂದಿಗೂ ದ್ವೇಷ ಕಟ್ಟಿಕೊಳ್ಳಲಿಲ್ಲ. ಎಲ್ಲರೊಂದಿಗೂ ಖುಷಿ ಖುಷಿಯಾಗಿ ಮಾತನಾಡುತ್ತಿದ್ದ ನಿವೇದಿತಾ 'ಬಿಗ್ ಬಾಸ್' ಮನೆಯೊಳಗೆ ಮುನಿಸಿಕೊಂಡಿರುವ ಉದಾಹರಣೆ ಕಮ್ಮಿ.

ಚಂದನ್ ಶೆಟ್ಟಿಗೆ ಕ್ಲೋಸ್ ಫ್ರೆಂಡ್

ಗಾರ್ಡನ್ ಏರಿಯಾಗೆ ಶಿಫ್ಟ್ ಆದ್ಮೇಲೆ ಚಂದನ್ ಶೆಟ್ಟಿಗೆ ಕ್ಲೋಸ್ ಫ್ರೆಂಡ್ ಆದ ನಿವೇದಿತಾ ಇಲ್ಲಿಯವರೆಗೂ ಫ್ರೆಂಡ್ ಶಿಪ್ ಮೇನ್ಟೇನ್ ಮಾಡಿದ್ದಾರೆ.

ಅಳೆದು-ತೂಗಿ ಆಲೋಚಿಸುವ ನಿವೇದಿತಾ

ಕ್ಯಾಪ್ಟನ್ ಆಗಿ ಬೆಸ್ಟ್ ಪರ್ಫಾಮರ್ ಘೋಷಿಸುವ ಹಾಗೂ ಕಳಪೆ ಬೋರ್ಡ್ ನೀಡುವ ಸಂದರ್ಭದಲ್ಲಿ ನಿವೇದಿತಾ ಆಲೋಚಿಸಿದ ರೀತಿ ಮೆಚ್ಚುವಂಥದ್ದು. ಇದಕ್ಕೆ ಸುದೀಪ್ ಕೂಡ ಭೇಷ್ ಎಂದಿದ್ದರು.

ಜಗಳ ಮಾಡಿಲ್ಲ.!

'ಬಿಗ್ ಬಾಸ್' ಮನೆಯೊಳಗೆ ಅನೇಕರು ಹಲವರೊಂದಿಗೆ ಕಿತ್ತಾಡಿದ್ದಾರೆ. ಆದ್ರೆ, ನಿವೇದಿತಾ ಅಷ್ಟಾಗಿ ಯಾರೊಂದಿಗೂ ಜಗಳ ಮಾಡಿಲ್ಲ. ತಮಗೆ ಕಿರಿಕಿರಿ ಆದಾಗ ತಮ್ಮದೇ ಶೈಲಿಯಲ್ಲಿ ಬೇರೆಯವರಿಗೆ ತಿರುಗೇಟು ನೀಡಿರುವ ನಿವೇದಿತಾ ಎಂದೂ ಹೌಹಾರಿಲ್ಲ.

ಅತ್ಯುತ್ತಮ ಪರ್ಫಾಮೆನ್ಸ್

ಮಡಿಕೆ ಬ್ಯಾಲೆನ್ಸ್ ಮಾಡುವ ಟಾಸ್ಕ್ ನಲ್ಲಿ ನಿವೇದಿತಾ ಅದ್ಭುತವಾಗಿ ಪರ್ಫಾಮ್ ಮಾಡಿದರು. ಇದರಿಂದ ದಿವಾಕರ್ ಗೆ ತಮ್ಮ ಪತ್ನಿ ಜೊತೆ 'ಬಿಗ್ ಬಾಸ್' ಮನೆಯೊಳಗೆ ಹೆಚ್ಚು ಕಾಲ ಕಳೆಯುವ ಅವಕಾಶ ಸಿಕ್ತು. ಹಾಗ್ನೋಡಿದ್ರೆ, ನಿವೇದಿತಾ ತಾಯಿ ಬಂದಾಗ ದಿವಾಕರ್ ಬಹಳ ಬೇಗ ಮಡಿಕೆಯನ್ನ ಬೀಳಿಸಿಬಿಟ್ಟರು. ಆ ಸಿಟ್ಟನ್ನ ಮನಸ್ಸಿನಲ್ಲಿ ಇಟ್ಟುಕೊಳ್ಳದೆ ನಿವೇದಿತಾ ನೀಡಿದ ಪರ್ಫಾಮೆನ್ಸ್ ಎಲ್ಲರಿಗೂ ಇಷ್ಟ ಆಯ್ತು.

ಗಾಸಿಪ್ ಮಾಡಿಲ್ಲ.!

ಬೆನ್ನ ಹಿಂದೆ ಇನ್ನೊಬ್ಬರ ಬಗ್ಗೆ ಕೆಟ್ಟದಾಗಿ ಮಾತನಾಡದೆ, ಗಾಸಿಪ್ ಮಾಡದೆ, ಡಬಲ್ ಗೇಮ್ ಆಡದ ನಿವೇದಿತಾ ಸ್ವಚ್ಛ ಮನಸ್ಸಿನಿಂದ 'ಬಿಗ್ ಬಾಸ್' ಮನೆಯೊಳಗೆ ಉಳಿದುಕೊಂಡಿದ್ದಾರೆ.

ನಿವೇದಿತಾ ಮೇಲೆ ವೀಕ್ಷಕರ ಪ್ರೀತಿ

ಖುಷಿಯಾದಾಗ ನಕ್ಕು, ಕಷ್ಟವಾದಾಗ ಅತ್ತಿರುವ ನಿವೇದಿತಾ ಕಂಡ್ರೆ ವೀಕ್ಷಕರಿಗೆ ಭಾರಿ ಪ್ರೀತಿ ಇದೆ. ಹೀಗಾಗಿ, ಈ ಬಾರಿ ನಿವೇದಿತಾ ಗೌಡ ಗೆಲ್ಲಬೇಕು ಎಂಬುದು ಹಲವರ ಕನವರಿಕೆ. ಇದು ನಿಜ ಆದರೆ, ಅಚ್ಚರಿ ಇಲ್ಲ.