ಅನುಶ್ರೀ ಬಗ್ಗೆ ಕೇಳಿದಾಗ ಅಂಜಿಕೆ-ಅಳುಕಿಲ್ಲದೆ ಉತ್ತರ ಕೊಟ್ಟ ಅರ್ಜುನ್ ಜನ್ಯ.!

'ಸೂಪರ್ ಟಾಕ್ ಟೈಮ್' ಕಾರ್ಯಕ್ರಮದಲ್ಲಿ ಅರ್ಜುನ್ ಜನ್ಯ

ಕಲರ್ಸ್ ಸೂಪರ್ ವಾಹಿನಿಯಲ್ಲಿ ಪ್ರಸಾರ ಆಗುತ್ತಿರುವ 'ಸೂಪರ್ ಟಾಕ್ ಟೈಮ್' ಕಾರ್ಯಕ್ರಮದಲ್ಲಿ ಸಂಗೀತ ನಿರ್ದೇಶಕ ಅರ್ಜುನ್ ಜನ್ಯ ಅತಿಥಿಯಾಗಿ ಭಾಗವಹಿಸಿದ್ದರು. ಅವರೊಂದಿಗೆ ಗುರುಕಿರಣ್, ಗಾಯಕಿ ಚೈತ್ರಾ ಕೂಡ ಪಾಲ್ಗೊಂಡಿದ್ದರು.

ದಿಢೀರ್ ಬೆಂಕಿ ಸುತ್ತು

'ಸೂಪರ್ ಟಾಕ್ ಟೈಮ್' ಕಾರ್ಯಕ್ರಮದ ಕೊನೆಯಲ್ಲಿ ಎಂದಿನಂತೆ 'ದಿಢೀರ್ ಬೆಂಕಿ' ಸುತ್ತಿಗೆ ನಿರೂಪಕ ಅಕುಲ್ ಬಾಲಾಜಿ ಚಾಲನೆ ನೀಡಿದರು. ಅದರಲ್ಲಿ ಅರ್ಜುನ್ ಜನ್ಯಗೆ ಎದುರಾದ ಪ್ರಶ್ನೆ ಇದು.....

ಬೆಳಗ್ಗೆ ಎದ್ದಾಗ...

''ನೀವು ಬೆಳಗ್ಗೆ ಎದ್ದಾಗ, ನಿಮ್ಮ ಮುಂದೆ ಅನುಶ್ರೀ ಕಾಫಿ ಕಪ್ ಹಿಡ್ಕೊಂಡ್ ನಿಂತಿದ್ರೆ, ಏನ್ ಮಾಡ್ತೀರಾ.?'' ಎಂಬ ಪ್ರಶ್ನೆಯನ್ನ ಅಕುಲ್ ಬಾಲಾಜಿ, ಅರ್ಜುನ್ ಜನ್ಯ ಮುಂದಿಟ್ಟರು.

ಮೊದಲು ಅರ್ಜುನ್ ಜನ್ಯ ಮಾಡುವುದೇನು.?

ಅಕುಲ್ ಬಾಲಾಜಿ ಪ್ರಶ್ನೆ ಕೇಳುತ್ತಿದ್ದಂತೆಯೇ, ಕೊಂಚ ಕೂಡ ಅಂಜಿಕೆ ಇಲ್ಲದೇ ''ಪಕ್ಕದಲ್ಲಿ ನನ್ನ ಹೆಂಡತಿ ಇದ್ದಾರಾ ಅಂತ ನೋಡ್ತೀನಿ'' ಎಂದರು ಅರ್ಜುನ್ ಜನ್ಯ. ಹಾಗೇ ಮುಂದುವರಿಯುತ್ತಾ....

ಹೆಂಡತಿ ಇಲ್ಲ ಅಂದ್ರೆ...

''ಹೆಂಡತಿ ಇಲ್ಲ ಅಂದ್ರೆ ಆಮೇಲೆ ಕಾಫಿ ಕುಡಿಯುತ್ತೀರಾ'' ಎಂದು ಅಕುಲ್ ಕೇಳಿದಕ್ಕೆ, ''ಕಾಫಿ ಕುಡಿಯುತ್ತೇನೆ'' ಎಂದರು ಅರ್ಜುನ್ ಜನ್ಯ.

ಹೆಂಡತಿ ಬಿಡುವುದಿಲ್ಲ

''ಹೆಂಡತಿ ಇದ್ದಾಗಲೂ ಕುಡಿಯಬೇಕು ಅಂತ ಆಸೆ ಆಗುತ್ತೆ. ಆದ್ರೆ ಬಿಡುವುದಿಲ್ಲ'' ಎಂದು ನಗುನಗುತ್ತಾ ಹೇಳಿದರು ಅರ್ಜುನ್ ಜನ್ಯ.

ಕಾಲೆಳೆಯುವುದರಲ್ಲಿ ಅಕುಲ್ ಫೇಮಸ್

ಹೇಳಿ ಕೇಳಿ ಅಕುಲ್ ಬಾಲಾಜಿ ಕಾಲೆಳೆಯುವುದರಲ್ಲಿ ಫೇಮಸ್. ಹೀಗಾಗಿ, ಅರ್ಜುನ್ ಜನ್ಯ-ಅನುಶ್ರೀ ಮ್ಯಾಟರ್ ನಲ್ಲಿ ಕಾಲೆಳೆಯಲು ಪ್ರಯತ್ನ ಪಟ್ಟರು. ಅದಕ್ಕೆ ಅರ್ಜುನ್ ಜನ್ಯ ಅಂಜಿಕೆ ಇಲ್ಲದೆ ಉತ್ತರ ಕೊಟ್ಟು ನಗೆ ಚಟಾಕಿ ಹಾರಿಸಿದರು.