ಅಬ್ಬಬ್ಬಾ.! ನಿವೇದಿತಾ ಗೌಡ ಹೆಸರಿನಲ್ಲಿ ಶುರುವಾಗಿವೆ ಅಭಿಮಾನಿ ಸಂಘಗಳು!

ಫೇಸ್ ಬುಕ್ ನಲ್ಲಿ

ಸಾಮಾಜಿಕ ಜಾಲತಾಣದಲ್ಲಿ ಸಂಚಲನವನ್ನು ಸೃಷ್ಟಿ ಮಾಡಿರುವ ಕಂಗ್ಲೀಷ್ ಕುವರಿ ನಿವೇದಿತಾ ಗೌಡ ಹೆಸರಿನಲ್ಲಿ ಈಗ ಫೇಸ್ ಬುಕ್ ತುಂಬ ಸಾಕಷ್ಟು ಫ್ಯಾನ್ಸ್ ಪೇಜ್ ಶುರುವಾಗಿವೆ.

ಹತ್ತಾರು ಫ್ಯಾನ್ಸ್ ಪೇಜ್

ನಿವೇದಿತಾ ಗೌಡ ಫ್ಯಾನ್ಸ್ ಅಸೋಸಿಯೇಷನ್, ನಿವೇದಿತಾ ಗೌಡ ಫ್ಯಾನ್ಸ್ ಕ್ಲಬ್, ನಿವೇದಿತಾ ಗೌಡ ಫ್ಯಾನ್ಸ್ ಅಸೋಸಿಯೇಷನ್ ಕರ್ನಾಟಕ ಎನ್ನುವ ಹೆಸರುಗಳಲ್ಲಿ ಹತ್ತಾರು ಫ್ಯಾನ್ಸ್ ಪೇಜ್ ಗಳು ಇದೀಗ ಸೃಷ್ಟಿಯಾಗಿದೆ.

ಹೆಚ್ಚಿದ ಫಾಲೋವರ್ಸ್ ಸಂಖ್ಯೆ

ಇದರ ಜೊತೆಗೆ ನಿವೇದಿತಾ ಗೌಡ ಅವರ ವೈಯಕ್ತಿಕ ಫೇಸ್ ಬುಕ್ ಖಾತೆಯಲ್ಲಿಯೂ ಒಂದೇ ದಿನಕ್ಕೆ ನಾಲ್ಕುವರೆ ಸಾವಿರಕ್ಕೂ ಹೆಚ್ಚು ಜನ ಫಾಲೋವರ್ಸ್ ಜಾಸ್ತಿಯಾಗಿದ್ದಾರೆ.

ಟ್ರೋಲ್ ಮೇಲೆ ಟ್ರೋಲ್

ನಿವೇದಿತಾ ಗೌಡ ತಮ್ಮ ಡಿಫರೆಂಟ್ ಮ್ಯಾನರಿಸಂ ಮೂಲಕ ಟ್ರೋಲ್ ಪೇಜ್ ಗಳಿಗೆ ದೊಡ್ಡ ಆಹಾರ ಆಗಿದ್ದಾರೆ.

ಜನಪ್ರಿಯತೆ ಬಳಕೆ

ಸೋಷಿಯಲ್ ಮೀಡಿಯಾದಲ್ಲಿ ನಿವೇದಿತಾ ಬಗ್ಗೆ ಟಾಕ್ ಜೋರಾಗಿದ್ದು, ಅದನ್ನು ನೋಡಿ ಅನೇಕರು ಅವರ ಜನಪ್ರಿಯತೆ ಬಳಸಿಕೊಂಡು ಫ್ಯಾನ್ಸ್ ಪೇಜ್ ಶುರು ಮಾಡಿದ್ದಾರೆ.

ನಾಮಿನೇಟ್ ಆದ ನಿವೇದಿತಾ

ಹೊರಗಡೆ ಇಷ್ಟೊಂದು ಜನಪ್ರಿಯತೆ ಇದ್ದರೂ ನಿವೇದಿತಾ ಗೌಡ ಮೊದಲ ದಿನವೇ ನಾಮಿನೇಟ್ ಆದರು. ಕ್ಯಾಪ್ಟನ್ ಅನುಪಮಾ ನೇರವಾಗಿ ನಿವೇದಿತಾ ಹೆಸರನ್ನು ಸೂಚಿಸಿದ್ದರಿಂದ ಅವರು ನಾಮಿನೇಟ್ ಆದರು.

ನಿವೇದಿತಾ ಗೌಡ ಬಗ್ಗೆ

ಡಬ್ ಸ್ಮ್ಯಾಶ್ ರಾಜಕುಮಾರಿ ನಿವೇದಿತಾ ಗೌಡ 'ಬಿಗ್ ಬಾಸ್' ಕಾರ್ಯಕ್ರಮದ ಎಂಟನೇ ಸ್ಪರ್ಧಿ. ಮೈಸೂರಿನಲ್ಲಿ ಹುಟ್ಟಿ ಬೆಳೆದ ನಿವೇದಿತಾ ಗೌಡಗಿನ್ನೂ ಹದಿನೆಂಟು ವರ್ಷ. 'ಬಿಗ್ ಬಾಸ್' ಕನ್ನಡದ ಐದು ಆವೃತ್ತಿಗಳಲ್ಲಿ ನಿವೇದಿತಾ ಗೌಡ ಅತಿ ಕಿರಿಯ ಸ್ಪರ್ಧಿ. 'ಬಿಗ್ ಬಾಸ್'ಗಾಗಿ ಬಿ.ಸಿ.ಎ ಸೆಮಿಸ್ಟರ್ ಪರೀಕ್ಷೆಯನ್ನೇ ಬಿಟ್ಟು ಬಂದಿದ್ದಾರೆ ಈ ನಿವೇದಿತಾ ಗೌಡ.