ಯಾರು ಏನೇ ಹೇಳಿದರೂ, ಜನರ ಬೆಂಬಲ ಮಾತ್ರ ಜನಸಾಮಾನ್ಯರಿಗೆ.!

By Harshitha

Updated: Tuesday, November 7, 2017, 14:03 [IST]

Recommended Video

ಬಿಗ್ ಬಾಸ್ ಕನ್ನಡ ಸೀಸನ್ 5 : ಜನಸಾಮಾನ್ಯರಿಗೇನೇ ವೀಕ್ಷಕರ ಸಪೋರ್ಟ್ | Filmibeat Kannada

''ಹೇಳಿದ ಮಾತು ಕೇಳಲ್ಲ, ಸಾಧಕರಿಗೆ ಗೌರವ ಕೊಡಲ್ಲ, ಬದಲಾಗುವುದಿಲ್ಲ..'' ಅಂತ ಜನಸಾಮಾನ್ಯ ಸ್ಪರ್ಧಿಗಳ ಬಗ್ಗೆ 'ಬಿಗ್ ಬಾಸ್' ಮನೆಯಲ್ಲಿ ಸೆಲೆಬ್ರಿಟಿಗಳು ಎಷ್ಟೇ ಕಂಪ್ಲೇಂಟ್ ಮಾಡಿದರೂ, ಕನ್ನಡಿಗರ ಬೆಂಬಲ ಮಾತ್ರ ಜನಸಾಮಾನ್ಯ ಸ್ಪರ್ಧಿಗಳ ಮೇಲೆ ಇದ್ದೇ ಇದೆ.!

ಜನಸಾಮಾನ್ಯ ಸ್ಪರ್ಧಿಗಳ ಜೊತೆಗೆ ಸೆಲೆಬ್ರಿಟಿಗಳ ವರ್ತನೆಯನ್ನ ಕಣ್ಣಾರೆ ಕಾಣುತ್ತಿರುವ 'ಬಿಗ್ ಬಾಸ್' ವೀಕ್ಷಕರು, ಸಾಮಾಜಿಕ ಜಾಲತಾಣಗಳಲ್ಲಿ 'ಕಾಮನ್ ಮ್ಯಾನ್' ಕಂಟೆಸ್ಟೆಂಟ್ ಗಳ ಪರ ತಮ್ಮ ಅಭಿಪ್ರಾಯವನ್ನು ಹಂಚಿಕೊಂಡಿದ್ದಾರೆ.

ಸೆಲೆಬ್ರಿಟಿ ಸ್ಪರ್ಧಿಗಳಿಗೆ ಧಿಕ್ಕಾರ ಕೂಗಿರುವ 'ಬಿಗ್ ಬಾಸ್' ವೀಕ್ಷಕರು, 'ಶ್ರೀಸಾಮಾನ್ಯ' ಸ್ಪರ್ಧಿಗಳಿಗೆ ಜೈಕಾರ ಹಾಕಿದ್ದಾರೆ. ಮುಂದೆ ಓದಿರಿ....

'ಕಾಮನ್ ಮ್ಯಾನ್ ಬೆಸ್ಟ್'

''ಬಿಗ್ ಬಾಸ್ ಕನ್ನಡ-5' ಕಾರ್ಯಕ್ರಮದಲ್ಲಿ ಕಾಮನ್ ಮ್ಯಾನ್ ಬೆಸ್ಟ್ ಅಂತ ಮತ್ತೆ ಪ್ರೂವ್ ಆಗಿದೆ. ಸೆಲೆಬ್ರಿಟಿಗಳಿಗೆ ನನ್ನ ಕಡೆಯಿಂದ ಧಿಕ್ಕಾರ ಇರಲಿ'' ಎಂದು ವೀಕ್ಷಕರೊಬ್ಬರು ಕಾಮೆಂಟ್ ಮಾಡಿದ್ದಾರೆ.

ಕಾಮನ್ ಮ್ಯಾನ್ ಗೆಲ್ಲಬೇಕು

''ಸೆಲೆಬ್ರಿಟಿಗಳು ಜನಸಾಮಾನ್ಯರಿಗೆ ಮಾತಾಡಲು ಅವಕಾಶ ನೀಡುತ್ತಿಲ್ಲ. ಸೆಲೆಬ್ರಿಟಿಗಳಿಗೆ ಪಾಠ ಕಲಿಸಬೇಕು ಅಂದ್ರೆ ಸಾಮಾನ್ಯ ಜನರಿಗೆ ವೋಟ್ ಮಾಡಿ ಅವರನ್ನು ಗೆಲ್ಲಿಸಬೇಕು'' ಎಂಬುದು ವೀಕ್ಷಕರ ಅಭಿಪ್ರಾಯ.