ವಾರವಿಡೀ ಗಳಿಸಿದ್ದನ್ನ ಒಂದೇ ನಿಮಿಷದಲ್ಲಿ ಹಾಳು ಮಾಡಿದ ಚಂದ್ರು, ಅನು.!

ಕುಂಬಾರನಿಗೆ ವರುಷ, ದೊಣ್ಣೆಗೆ ನಿಮಿಷ

ಎಲ್ಲ ಸ್ಪರ್ಧಿಗಳಿಗೂ ಬೇಕಾಗಿರುವ ಸಾಮಾಗ್ರಿಗಳನ್ನ, ನೀಡಲಾದ ಸಮಯದಲ್ಲಿ ಲಕ್ಷುರಿ ಬಜೆಟ್ ಶಾಪಿಂಗ್ ಮಾಡುವ ಜಾಣತನ ಸ್ಪರ್ಧಿಗಳಿಗೆ ಇರಬೇಕು. ಅದು ಇರಲಿಲ್ಲ ಅಂದ್ರೆ, 'ಕುಂಬಾರನಿಗೆ ವರುಷ, ದೊಣ್ಣೆಗೆ ನಿಮಿಷ' ಎಂಬಂತಾಗುತ್ತೆ. ಸದ್ಯ 'ಬಿಗ್ ಬಾಸ್' ಮನೆಯಲ್ಲಿ ಆಗಿರುವುದು ಇದೇ.!

ನಾಲ್ಕು ಸಾವಿರ ಲಕ್ಷುರಿ ಬಜೆಟ್ ಪಾಯಿಂಟ್ಸ್ ಇತ್ತು

ಕಳೆದ ವಾರ 'ಮ್ಯೂಸಿಕಲ್ ಚೇರ್' ಟಾಸ್ಕ್ ನಲ್ಲಿ ಎಲ್ಲರೂ ಚೆನ್ನಾಗಿ ಪರ್ಫಾಮ್ ಮಾಡಿದ ಕಾರಣ 'ಬಿಗ್ ಬಾಸ್' ನಾಲ್ಕು ಸಾವಿರ ಲಕ್ಷುರಿ ಬಜೆಟ್ ಪಾಯಿಂಟ್ ಗಳನ್ನು ನೀಡಿದ್ದರು.

ಜೆಕೆಯಿಂದ ಒಂದು ಸಾವಿರ ಲಾಸ್

ಸೀಕ್ರೆಟ್ ಟಾಸ್ಕ್ ನಿಭಾಯಿಸುವಲ್ಲಿ ಜೆಕೆ ವಿಫಲರಾದ ಕಾರಣ, ಒಂದು ಸಾವಿರ ಲಕ್ಷುರಿ ಬಜೆಟ್ ಪಾಯಿಂಟ್ ಗಳನ್ನ 'ಬಿಗ್ ಬಾಸ್' ಕಡಿತಗೊಳಿಸಿದರು. ಒಬ್ಬರಿಂದಲೇ, ಒಂದು ಸಾವಿರ ಲಕ್ಷುರಿ ಬಜೆಟ್ ಪಾಯಿಂಟ್ ಹೋಗಿದ್ದಕ್ಕೆ, ಕ್ಯಾಪ್ಟನ್ ಆಗಿದ್ದ ಚಂದನ್ ಶೆಟ್ಟಿ, ಜೆಕೆಗೆ 'ಕಳಪೆ' ಬೋರ್ಡ್ ನೀಡಿದರು.

ಚಂದ್ರು-ಅನು ಕೈಯಲ್ಲಿತ್ತು ಲಕ್ಷುರಿ ಬಜೆಟ್

ಉಳಿದಿದ್ದ ಮೂರು ಸಾವಿರ ಲಕ್ಷುರಿ ಬಜೆಟ್ ಪಾಯಿಂಟ್ ಗಳಲ್ಲಿ ಸ್ಪರ್ಧಿಗಳು ಶಾಪಿಂಗ್ ಮಾಡಬೇಕಿತ್ತು. ಲಕ್ಷುರಿ ಬಜೆಟ್ ಶಾಪಿಂಗ್ ಮಾಡಲು ಮುಂದೆ ಬಂದವರು ಸಿಹಿ ಕಹಿ ಚಂದ್ರು ಹಾಗೂ ಅನುಪಮಾ ಗೌಡ.

ಶಾಪಿಂಗ್ ಪಟ್ಟಿ...

ಬಝರ್ ಆಗುವ ಮೊದಲೇ ಬೋರ್ಡ್ ಮೇಲೆ 'ಚಿಕನ್' ಅಂತ ಸಿಹಿ ಕಹಿ ಚಂದ್ರು ಬರೆದುಬಿಟ್ಟರು. ಬಳಿಕ ಅವಲಕ್ಕಿ, ಪನ್ನೀರ್, ಫ್ಲೇವರ್ಡ್ ಕಾಫಿ, ತುಪ್ಪ ಹಾಗೂ ಉಪ್ಪಿನಕಾಯಿಯನ್ನ ಅನುಪಮಾ ಗೌಡ ಹೇಳಿದಂತೆ ಸಿಹಿ ಕಹಿ ಚಂದ್ರು ಬರೆದರು.

ಲೆಕ್ಕ ತಪ್ಪಾಯ್ತು

ಒಂದು ಕಡೆ ಮೂರು ಕೆಜಿ ಚಿಕನ್ ಲೆಕ್ಕ ತಪ್ಪಾಯ್ತು. ಇನ್ನೊಂದು ಕಡೆ 'ಪನ್ನೀರ್ ಬೇಡ, ತೆಗೆಯಿರಿ' ಅಂತ ಉಳಿದವರೂ ಹೇಳುತ್ತಿದ್ದರೂ, ಅದನ್ನ ಸಿಹಿ ಕಹಿ ಚಂದ್ರು ತೆಗೆಯಲಿಲ್ಲ. ಲೆಕ್ಕ ತಪ್ಪಾಯ್ತು, ಸಮಯ ಕೂಡ ಮುಗಿದು ಹೋಯ್ತು.! ಕೊಟ್ಟ ಸಮಯದಲ್ಲಿ ಸರಿಯಾಗಿ ಶಾಪಿಂಗ್ ಮಾಡದೆ, ಲೆಕ್ಕ ತಪ್ಪು ಮಾಡಿದ್ರಿಂದಾಗಿ 'ಬಿಗ್ ಬಾಸ್' ಲಕ್ಷುರಿ ಬಜೆಟ್ ನೀಡಲಿಲ್ಲ.

ಜೆಕೆಗೆ ಬೇಸರ

''ನನಗೆ ತುಂಬಾ ಬೇಜಾರು ಆಗಿದ್ದು ಅಂದ್ರೆ ಲಕ್ಷುರಿ ಬಜೆಟ್ ಲಾಸ್ ಆದಾಗ... ಚಿಟಿಕೆ ಹೊಡೆಯುವಷ್ಟರಲ್ಲಿ ಲಾಸ್ ಆಗೋಯ್ತು. ತುಂಬಾ ಬೇಜಾರಾಯ್ತು ನನಗೆ. ಕಳೆದ ವಾರ ನಾವು ಎಷ್ಟು ನೀಟಾಗಿ ಪ್ಲಾನ್ ಮಾಡಿದ್ವಿ. ಈ ವಾರ ನಮಗಿನ್ನೂ ನಲವತ್ತು ಸೆಕೆಂಡ್ ಟೈಮ್ ಇತ್ತು'' ಎಂದು ಜಯರಾಂ ಕಾರ್ತಿಕ್ ಬೇಸರ ವ್ಯಕ್ತಪಡಿಸಿದರು.

ಇಬ್ಬರ ಎಡವಟ್ಟಿನಿಂದ ಎಲ್ಲವೂ ಲಾಸ್

''ನನ್ನಿಂದ ಒಂದು ಸಾವಿರ ಲಾಸ್ ಆಯ್ತು ಅಂತ ಕಳಪೆ ಬೋರ್ಡ್ ಕೊಟ್ಟರು. ಈಗ ಪೂರ್ತಿ ಹೋಯ್ತಲ್ಲ, ಅದಕ್ಕೇನು.? ಕಳಪೆ ಬೋರ್ಡ್ ಹಾಕೊಂಡಿದ್ದಕ್ಕೆ ಬೇಜಾರು ಇಲ್ಲ. ಆದ್ರೆ, ಲಕ್ಷುರಿ ಬಜೆಟ್ ಪೂರ್ತಿ ಹೋಯ್ತಲ್ಲ.!'' ಎಂದು ಅಸಮಾಧಾನಗೊಂಡಿದ್ದರು ಜೆ.ಕೆ.