ನಾಮಿನೇಷನ್ ಟ್ವಿಸ್ಟ್: ಸೇಫ್ ಆಗಿದ್ದ ವಿಶ್ವನಿಗೆ ಸಂಕಷ್ಟ, ಸಂಬರ್ಗಿ ಮೈಂಡ್ ಗೇಮ್?

ನಾಮಿನೇಟ್ ಸ್ಪರ್ಧಿಗಳಿಗೆ ಸೇಫ್ ಆಗುವ ಅವಕಾಶ?

ಇಂದಿನ ಸಂಚಿಕೆಯಲ್ಲಿ ನಾಮಿನೇಷನ್ ವರ್ಗಾವಣೆಗೆ ಸಂಬಂಧಿಸಿದಂತೆ ಆಟ ಆಡಿಸಲಾಗುತ್ತದೆ. ನಾಮಿನೇಟ್ ಆಗಿರುವ ಸ್ಪರ್ಧಿ ಸೇಫ್ ಆಗಿರುವ ಸ್ಪರ್ಧಿ ಜೊತೆ ಬಿಗ್ ಬಾಸ್ ನೀಡುವ ಆಟ ಆಡಬೇಕು. ಇದರಲ್ಲಿ ಗೆದ್ದವರು ಸೇಫ್ ಆಗ್ತಾರೆ. ಸೋತವರು ನಾಮಿನೇಟ್ ಆಗ್ತಾರೆ ಎಂದು ನಿಯಮ ಹೇಳುತ್ತಿದೆ.

ನಾಮಿನೇಟ್ ಆಗಿರುವವರಿಗೆ ಖುಷಿ

ಈ ವಾರ ನಾಮಿನೇಟ್ ಆಗಿರುವ ಪ್ರಶಾಂತ್ ಸಂಬರ್ಗಿ, ನಿರ್ಮಲಾ ಚೆನ್ನಪ್ಪ, ನಿಧಿ ಸುಬ್ಬಯ್ಯ, ಧನುಶ್ರೀ ಹಾಗೂ ಮಂಜು ಪಾವಗಡ ಅವರಿಗೆ ಇದು ಒಳ್ಳೆಯ ಅವಕಾಶ. ಒಂದು ವೇಳೆ ಈ ಸ್ಪರ್ಧಿಗಳು ಗೆದ್ದರೆ ಎಲಿಮಿನೇಷನ್‌ನಿಂದ ಹೊರಗುಳಿಯಲಿದ್ದಾರೆ.

ಪ್ರಶಾಂತ್ ಸಂಬರ್ಗಿ vs ವಿಶ್ವ

ಈ ಆಟದಲ್ಲಿ ಸಾಮಾಜಿಕ ಹೋರಾಟಗಾರ ಪ್ರಶಾಂತ್ ಸಂಬರ್ಗಿ ತನ್ನ ಪ್ರತಿ ಸ್ಪರ್ಧಿಯಾಗಿ ಗಾಯಕ ವಿಶ್ವ ಅವರನ್ನು ಆಯ್ಕೆ ಮಾಡಿಕೊಂಡಿದ್ದಾರೆ. ''ಇದರಲ್ಲಿ ನನ್ನ ಸ್ವಾರ್ಥವೂ ಇದೆ, ಗೆಲ್ಲಬೇಕು ಅಂದ್ರೆ ನನ್ನ ಎದುರಾಳಿ ವೀಕ್ ಆಗಿರಬೇಕು, ಅದಕ್ಕೆ ವಿಶ್ವ ಅವರನ್ನು ಆಯ್ಕೆ ಮಾಡಿಕೊಳ್ಳುತ್ತಿದ್ದೇನೆ'' ಎಂದು ಪ್ರಶಾಂತ್ ಹೇಳಿದ್ದಾರೆ.

ಸೇಫ್ ಆಗ್ತಾರಾ ಡೇಂಜರ್ ಝೋನ್ ಸ್ಪರ್ಧಿಗಳು?

ಬಿಗ್ ಬಾಸ್ ನೀಡಿರುವ ಈ ಅವಕಾಶವನ್ನು ನಾಮಿನೇಟ್ ಆಗಿರುವ ಸ್ಪರ್ಧಿಗಳು ಹೇಗೆ ಸದುಪಯೋಗಪಡಿಸಿಕೊಳ್ಳಲಿದ್ದಾರೆ ಎನ್ನುವುದು ಕುತೂಹಲ ಮೂಡಿಸಿದೆ. ಪ್ರಶಾಂತ್ ಸಂಬರ್ಗಿ ತನ್ನ ಎದುರಾಳಿಯಾಗಿ ವಿಶ್ವರನ್ನು ಆಯ್ಕೆ ಮಾಡಿಕೊಂಡರು. ಉಳಿದ ಸ್ಪರ್ಧಿಗಳು ಯಾರನ್ನು ಆಯ್ಕೆ ಮಾಡಿಕೊಳ್ಳಲಿದ್ದಾರೆ ಎನ್ನುವುದು ಇಂದಿನ ಸಂಚಿಕೆಯಲ್ಲಿ ನೋಡಬೇಕಾಗಿದೆ.