'ತ್ರಿಪುರ ಸುಂದರಿ'ಯಾಗಿ ರಂಜಿಸಲು ಬರುತ್ತಿದ್ದಾರೆ ಬಿಗ್ ಬಾಸ್ ದಿವ್ಯಾ ಸುರೇಶ್!

ಆಮ್ರಪಾಲಿಯಾಗಲು ಕತ್ತಿವರಸೆ ಕಲಿತ ದಿವ್ಯಾ ಸುರೇಶ್

ಆಮ್ರಪಾಲಿ ಪಾತ್ರಕ್ಕಾಗಿ ದಿವ್ಯಾ ಸುರೇಶ್ ಅವರು ಸಾಕಷ್ಟು ತಯಾರಿಯನ್ನು ಮಾಡಿಕೊಂಡಿದ್ದು ಕೆಲವೊಂದು ಸ್ಟಂಟ್ ಗಳ ಜೊತೆಗೆ ಕತ್ತಿ ವರಸೆಯನ್ನು ಕೂಡಾ ಕಲಿತಿದ್ದರು. ಬಿಗ್ ಬಾಸ್ ಸೀಸನ್ 8 ರ ಸ್ಪರ್ಧಿಯಾಗಿ ದೊಡ್ಮನೆಯೊಳಗೆ ಕಾಲಿಟ್ಟಿದ್ದ ದಿವ್ಯಾ ಸುರೇಶ್ ತಮ್ಮ ಮಾತು, ನಡೆ, ನುಡಿಯ ಮೂಲಕ ಅಲ್ಲೂ ಸೈ ಎನಿಸಿಕೊಂಡಿದ್ದರು. ಬಿಗ್ ಬಾಸ್ ನಿಂದ ಹೊರಬಂದ ಬಳಿಕ ಕಿರುತೆರೆಯಲ್ಲಿ ಎಲ್ಲೂ ಕಾಣಿಸಿಕೊಂಡಿರದ ಈಕೆ ಇದೀಗ ಆಮ್ರಪಾಲಿಯಾಗಿ ರಂಜಿಸಲು ಬರುತ್ತಿದ್ದಾರೆ.

ಡಾಕ್ಟರ್ ಗೀತಾ ಲುಕ್ ಕೊಟ್ಟಿದ್ದ ದಿವ್ಯಾ ಸುರೇಶ್

ಅಂದ ಹಾಗೇ, ಗೀತಾ ಮೂಲಕ ದಿವ್ಯಾ ಸುರೇಶ್ ಕಿರುತೆರೆ ಪಯಣ ಶುರುವಾಗಿತ್ತು. ಸ್ಟಾರ್ ಸುವರ್ಣ ವಾಹಿನಿಯಲ್ಲಿ ಪ್ರಸಾರವಾಗುತ್ತಿದ್ದ 'ನನ್ ಹೆಂಡ್ತಿ ಎಂಬಿಬಿಎಸ್' ಧಾರಾವಾಹಿಯಲ್ಲಿ ಡಾಕ್ಟರ್ ಗೀತಾ ಪಾತ್ರಕ್ಕೆ ಜೀವ ತುಂಬಿದ್ದರು. ಇಷ್ಟೇ ಅಲ್ಲದೆ ಮುಂದೆ ಸ್ಟಾರ್ ಸುವರ್ಣ ವಾಹಿನಿಯಲ್ಲಿ ಪ್ರಸಾರವಾಗುತ್ತಿದ್ದ 'ಪ್ರೇಮಲೋಕ' ಧಾರಾವಾಹಿಯಲ್ಲಿ ಮಲ್ಲಿಕಾ ಪಾತ್ರದ ಮೂಲಕ ಮೋಡಿ ಮಾಡಿದ್ದರು.

ದಿವ್ಯಾ ಮಿಸ್ ಇಂಡಿಯಾ ಸೌತ್ – 2017

ದಿವ್ಯಾ ಸುರೇಶ್ ಅವರಿಗೆ ಸಣ್ಣ ವಯಸ್ಸಿನಿಂದಲೂ ಅಭಿನಯದತ್ತ ವಿಶೇಷ ಸೆಳೆತವಿತ್ತು. ಶಾಲಾ, ಕಾಲೇಜು ದಿನಗಳಿಂದಲೂ ಸಾಂಸ್ಕೃತಿಕ ಚಟುವಟಿಕೆಗಳಲ್ಲಿ ಗುರುತಿಸಿಕೊಂಡಿದ್ದ ಈಕೆ ಮುಂದೆ ಮುಖ ಮಾಡಿದ್ದು ಮಾಡೆಲಿಂಗ್ ನತ್ತ. ಮಿಸ್ ಇಂಡಿಯಾ ಸೌತ್ - 2017 ಪ್ರಶಸ್ತಿ ಮುಡಿಗೇರಿಸಿಕೊಂಡಿದ್ದ ಈಕೆ ನಂತರ ಎರಡು ವರ್ಷಗಳ ಕಾಲ ಫ್ಯಾಷನ್ ಜಗತ್ತಿನಲ್ಲಿ ಮಿಂಚಿದರು.

ಹಿರಿತೆರೆಯಲ್ಲೂ ಮಿಂಚಿದ ದಿವ್ಯಾ ಸುರೇಶ್

ಮಾಡೆಲಿಂಗ್ ಜಗತ್ತಿನಲ್ಲಿ ಮಿಂಚಿದ ಈಕೆ ನಂತರ ಹಾರಿದ್ದು ಹಿರಿತೆರೆಯತ್ತ. #9 ಹಿಲ್ಟನ್ ಹೌಸ್ ಸಿನಿಮಾದಲ್ಲಿ ನಟಿಸುವ ಮೂಲಕ ಬೆಳ್ಳಿತೆರೆಗೆ ಪಾದಾರ್ಪಣೆ ಮಾಡಿರುವ ದಿವ್ಯಾ ಮುಂದೆ ತೆಲುಗಿನ ಡಿಗ್ರಿ ಕಾಲೇಜು ಸಿನಿಮಾದಲ್ಲಿ ನಟಿಸಿ ಸೈ ಎನಿಸಿಕೊಂಡರು. ಮುಂದೆ 'ಥರ್ಡ್ ಕ್ಲಾಸ್', 'ರೌಡಿ ಬೇಬಿ' ಹಾಗೂ 'ಹಿರಣ್ಯ' ಸಿನಿಮಾಗಳಲ್ಲಿ ದಿವ್ಯಾ ಸುರೇಶ್ ಅಭಿನಯಿಸಿದ್ದಾರೆ.