'ಗಟ್ಟಿಮೇಳ' ಆರತಿ ಪಾತ್ರಧಾರಿ ಅಶ್ವಿನಿ ಈಗ ಎಲ್ಲೋದ್ರು? ಏನು ಮಾಡುತ್ತಿದ್ದಾರೆ?

ಗಟ್ಟಿಮೇಳದ ಸೈಲೆಂಟ್ ಆರತಿ

'ಗಟ್ಟಿಮೇಳ' ಧಾರವಾಹಿಯಲ್ಲಿ ಆರತಿ ಅಂದ್ರೆ ತುಂಬಾ ಸಾಫ್ಟ್ ಕ್ಯಾರೆಕ್ಟರ್. ಯಾರಿಗೂ ಎದುರು ಮಾತನಾಡದವಳು. ಪ್ರೀತಿಸಿದ ವಿಕ್ರಾಂತ್‌ನನ್ನು ಮದುವೆಯಾಗಿದ್ದಳು. ವಸಿಷ್ಠ ಫ್ಯಾಮಿಲಿಗೆ ಸೊಸೆಯಾಗಿ ಬರುವ ತನಕ ಆರತಿ ಸ್ಥಾನದಲ್ಲಿ ಅಶ್ವಿನಿ ಮುಂದುವರೆದಿದ್ದರು. ಆದರೆ 'ಟ್ಟಿಮೇಳ ಧಾರಾವಾಹಿಯಿಂದ ಹೊರ ನಡೆದ ಮೇಲೆ ಆ ಸ್ಥಾನವನ್ನು ಗಗನ ನಿಭಾಯಿಸುತ್ತಿದ್ದಾರೆ. ಅಶ್ವಿನಿಗೆ ಸೋಷಿಯಲ್ ಮೀಡಿಯಾದಲ್ಲಿ ಸಾಕಷ್ಟು ಜನ ಫಾಲೋವರ್ಸ್ ಇದ್ದಾರೆ. ಅಶ್ವಿನಿ ಹಾಕುವ ಒಂದೊಂದು ಪೋಸ್ಟ್‌ಗೂ ಸಾಕಷ್ಟು ಲೈಕ್ಸ್ ಬರುತ್ತೆ. ನಡು ನಡುವೆ ಸಾಕಷ್ಟು ಫೋಟೋ ಶೂಟ್ ಗಳನ್ನು ಮಾಡಿಸಿಕೊಳ್ಳುತ್ತಿರುತ್ತಾರೆ.

ತೆಲುಗು ಕಿರುತೆರೆಯಲ್ಲಿ ಬ್ಯುಸಿ

'ಗಟ್ಟಿಮೇಳ' ಧಾರಾವಾಹಿಯಲ್ಲಿ ಆರತಿಯಾಗಿ ಕಾಣಿಸಿಕೊಂಡು ಮರೆಯಾದ ಬಳಿಕ ಅಶ್ವಿನಿ ಸ್ವಲ್ಪ ದಿನಗಳ ಕಾಲ ಎಲ್ಲಿಯೂ ಕಾಣಿಸಿಕೊಂಡಿರಲಿಲ್ಲ. ಆದರೆ ಇನ್ಸ್ಟಾಗ್ರಾಮ್ ನಲ್ಲಿ ತುಂಬಾ ಆಕ್ಟೀವ್ ಆಗಿ ಇರುತ್ತಾ ಇದ್ದರು. ಬಳಿಕ ತೆಲುಗು ಕಿರುತೆರೆ ಪ್ರವೇಶಿಸಿ ಅಶ್ವಿನಿ ಅಲ್ಲಿಯೇ ಧಾರಾವಾಹಿ ಮಾಡುತ್ತಿದ್ದಾರೆ.

ತೋಟದಲ್ಲಿ ಕೆಲಸ ಮಾಡುವ ನಟಿ

ಅಶ್ವಿನಿ ಅವರು ಮೂಲತಃ ದಾವಣಗೆರೆಯವರು. ಬಿಡುವಿನ ವೇಳೆಯಲ್ಲಿ ಊರಿಗೆ ಹೋಗಿ ಹಳ್ಳಿಯಲ್ಲೆಲ್ಲಾ ರೌಂಡ್ ಹೊಡೆದು ಬರುತ್ತಾರೆ. ಅದರ ನಡುವೆ ತೋಟಕ್ಕೆ ಹೋಗುವುದನ್ನು ಮಾತ್ರ ಮರೆಯುವುದಿಲ್ಲ. ಅಶ್ವಿನಿ ಅವರ ತೋಟ ತುಂಬಾ ಚೆನ್ನಾಗಿದೆ. ಸಾಕಷ್ಟು ಬೆಳೆಗಳನ್ನು ಬೆಳೆದಿದ್ದಾರೆ. ವೀಳ್ಯದೆಲೆ, ಬಾಳೆ, ತೆಂಗು ಹೀಗೆ ಏನೆಲ್ಲಾ ಬೇಕು ಅದೆಲ್ಲವನ್ನು ಬೆಳೆದಿದ್ದಾರೆ. ಅಶ್ವಿನಿಗೆ ಸಮಯ ಸಿಕ್ಕಿದರೆ ಸಾಕು ತೋಟಕ್ಕೆ ಹೋಗಿ ಸಮಯ ಕಳೆಯೋದು ಅಷ್ಟೇ ಅಲ್ಲ, ಕೆಲಸವನ್ನು ಮಾಡಿ ಬರುತ್ತಾರೆ. ಆ ವಿಡಿಯೋಗಳನ್ನು ಸಾಕಷ್ಟು ಶೇರ್ ಮಾಡಿಕೊಂಡಿದ್ದಾರೆ.

ಪ್ರಾಣಿ ಪ್ರಿಯೆ ಅಶ್ವಿನಿ ಮಾಡೋದೇನು..?

ಇನ್ನು ಇದೀಗ ಅವರು ಯೂಟ್ಯೂಬ್ ಚಾನೆಲ್ ಅನ್ನು ತೆರೆದಿದ್ದಾರೆ. ಇದರಲ್ಲಿ ನಿತ್ಯ ವೀಡಿಯೋ ಹಾಕದಿದ್ದರೂ ಆಗಾಗ ವೀಡಿಯೋಗಳನ್ನು ಅಪ್ ಲೋಡ್ ಮಾಡುತ್ತಿರುತ್ತಾರೆ. ತಮ್ಮ ಹಳ್ಳಿಯ ಜೀವನ, ಸ್ಕಿನ್ ಕೇರ್, ಅಡುಗೆ, ತುಪ್ಪ ಕಾಯಿಸುವುದು ಸೇರಿದಂತೆ ಹಲವು ವಿಚಾರಗಳ ಬಗ್ಗೆ ವೀಡಿಯೋ ಹಾಕುತ್ತಿರುತ್ತಾರೆ. ಭಾನುವಾರ ಮನೆಯಲ್ಲಿ ಫ್ರೀ ಆಗಿ ಇದ್ದಾಗ ಬೀದಿ ನಾಯಿಗಳಿಗಾಗಿ ಆಹಾರವನ್ನು ತಯಾರಿಸಿ, ಊಟ ಹಾಕುತ್ತಾರೆ. ಅಶ್ವಿನಿ ಅವರಿಗೆ ಪ್ರಾಣಿಗಳು ಎಂದರೆ ತುಂಬಾ ಇಷ್ಟ. ಹಾಗಾಗಿ ಅಶ್ವಿನಿ ಅವರ ಬೆಕ್ಕು, ನಾಯಿ ಜೊತೆಗೆ ತಮ್ಮ ಅಡುಗೆ ಮನೆಯ ಕಿಟಕಿಯಿಂದ ಪಾರಿವಾಳಗಳಿಗೂ ಊಟವನ್ನು ಹಾಕುತ್ತಾರೆ. ಇದರ ಜೊತೆಗೆ ಅವರ ನಿತ್ಯದ ರೊಟೀನ್‌ಗಳನ್ನು ಅಪ್ಲೋಡ್ ಮಾಡುತ್ತಿರುತ್ತಾರೆ.