ಮೊದಲ ಬಾರಿಗೆ 'ಕೋಟ್ಯಧಿಪತಿ'ಯಲ್ಲಿ ಗಂಡ-ಹೆಂಡತಿ ಭಾಗಿ: ಇಬ್ಬರಲ್ಲಿ ಹೆಚ್ಚು ಗೆದ್ದಿದ್ಯಾರು?

ಮೊದಲ ಸಲ ದಂಪತಿ ಭಾಗಿ

ಇದೇ ಮೊದಲ ಬಾರಿಗೆ ಕನ್ನಡದ ಕೋಟ್ಯಧಿಯಲ್ಲಿ ಒಂದೇ ಕುಟುಂಬದ ಇಬ್ಬರು ಹಾಟ್ ಸೀಟ್ ನಲ್ಲಿ ಭಾಗವಹಿಸಿದ್ದಾರೆ. ತಿಪಟೂರು ಮೂಲದ ಜ್ಯೋತಿ ಬಿಪಿ ಮತ್ತು ಹರ್ಷ ಕೆ ದಂಪತಿ ಇಬ್ಬರು ಸರಿಯಾಗಿ ಉತ್ತರ ನೀಡಿ ಅದೃಷ್ಟದ ಆಟಕ್ಕೆ ಆಯ್ಕೆಯಾಗಿದ್ದಾರೆ. ಇಬ್ಬರು ಉಪನ್ಯಾಸಕರು ಎಂಬುವುದು ಮತ್ತೊಂದು ವಿಶೇಷ.

ಇಬ್ಬರಿಗೂ ಸಿಕ್ತು ಅವಕಾಶ

ಒಟ್ಟು ಆರು ಜನ ಈ ವಾರ ಸ್ಪರ್ಧಿಗಳಾಗಿ ಭಾಗವಹಿಸಿದ್ದರು. ಆರು ಜನರಲ್ಲಿ ಗಂಡ ಮತ್ತು ಹೆಂಡತಿ ಇಬ್ಬರಿಗೂ ಅವಕಾಶ ಸಿಗುತ್ತಾ ಎಂಬ ಕುತೂಹಲ ಕಾಡ್ತಿತ್ತು. ಅದೃಷ್ಟ ಅನ್ಸುತ್ತೆ ಪತಿ ಮತ್ತು ಪತ್ನಿ ಇಬ್ಬರಿಗೂ ಹಾಟ್ ಸೀಟ್ ನಲ್ಲಿ ಕುಳಿತುಕೊಳ್ಳುವ ಅವಕಾಶ ಸಿಕ್ತು. ಇಬ್ಬರು ದುಡ್ಡ ಗೆದ್ದುಕೊಂಡು ಹೋದರು.

ಹರ್ಷ ಗೆದ್ದಿದ್ದೆಷ್ಟು?

ತಿಪಟೂರು ದಂಪತಿಯಲ್ಲಿ ಮೊದಲ ಹಾಟ್ ಸೀಟ್ ಗೆ ಅವಕಾಶ ಪಡೆದುಕೊಂಡಿದ್ದ ಹರ್ಷ ಕೆ. ಎರಡು ಸೇಫ್ ಝೋನ್ ಗಳನ್ನ ಯಶಸ್ವಿಯಾಗಿ ತಲುಪಿದ ಹರ್ಷ 3.20 ಲಕ್ಷ ಗೆದ್ದರು. ಹನ್ನೊಂದನೇ ಪ್ರಶ್ನೆಗೆ (6.40 ಲಕ್ಷದ ಪ್ರಶ್ನೆ) ತಪ್ಪು ಉತ್ತರ ನೀಡಿ ಆಟದಿಂದ ನಿರ್ಗಮನವಾದರು.

ಜ್ಯೋತಿ ಗಳಿಸಿದ ಹಣವೆಷ್ಟು?

ಪತಿ ಹರ್ಷ ಕೆ ಅವರು 3.20 ಲಕ್ಷ ಗೆದ್ದು ಖುಷಿಯಾದರು. ನಂತರ ವಿಕಾಸ್ ಎಂಬ ಸ್ಪರ್ಧಿ ಭಾಗವಹಿಸಿದರು. ಹೆಚ್ಚು ಸಮಯ ಆಡದ ವಿಕಾಸ್ ಬೇಗ ನಿರ್ಗಮಿಸಿದರು. ಅದಾದ ಬಳಿಕ ಮೂರನೇ ಸ್ಪರ್ಧಿಯಾಗಿ ಹಾಟ್ ಸೀಟ್ ಅಲಂಕರಿಸಿದ ಜ್ಯೋತಿ ಅವರು ನಿರೀಕ್ಷೆಯ ಮಟ್ಟ ತಲುಪಿಲಿಲ್ಲ. ಏಳನೇ ಪ್ರಶ್ನೆಗೆ ತಪ್ಪು ಉತ್ತರ ನೀಡಿ ಸೋಲು ಕಂಡರು.

ಒಬ್ಬರಿಗೆ ಬೆಲ್ಲ, ಒಬ್ಬರಿಗೆ ಬೇವು

ಹಾಗ್ನೋಡಿದ್ರೆ ತಿಪಟೂರು ದಂಪತಿ ಇಬ್ಬರು ಸೇರಿ ದೊಡ್ಡ ಮೊತ್ತವನ್ನ ಗಳಿಸಿಕೊಂಡು ಹೋಗ್ತಾರೆ ಎಂಬ ನಿರೀಕ್ಷೆ ಇತ್ತು. ಅದರಂತೆ ಪತಿ ಹರ್ಷ 3.20 ಲಕ್ಷ ತನ್ನ ಖಾತೆಗೆ ಹಾಕಿಕೊಂಡರು. ಆದರೆ, ಪತ್ನಿ ಜ್ಯೋತಿ ಮಾತ್ರ ಕೇವಲ 10 ಸಾವಿರ ರೂಪಾಯಿಗೆ ತನ್ನ ಆಟ ಮುಗಿಸಿದರು. ಅಲ್ಲಿಗೆ ತಿಪಟೂರು ದಂಪತಿ 3.30 ಲಕ್ಷಕ್ಕೆ ತೃಪ್ತಿಯಾಗಬೇಕಾಯಿತು.